رسالة أعتذار

السلام وعليكم ورحمة الله وبركاته خواتي العزيزات أكيد تستغربون ليش أكتب رسالة أعتذار أعتذاري هو عن مضمون هذي الرساله خواتي أحس بضيقه ماأدري شنو سببها ومن اليوم شئ يدفعني أكتب مواضيع دينيه وكلما كتبت موضوع أقول بس كافي بكره اكتب القى نفسي أقول أبي أكتب يمكن باجر ماأكون موجوده إذا جا يوم وطولت ماشفتوني بالمنتدى أدعولي بس دعوة ماأبي شئ ثاني محتاجه لدعوتكم يمكن يكون الأحساس هذا خير لي والله أني أكتب الرساله ودموعي على خدي أستودعكم الله

هلا حبيبتي . . .
تعوذي من ابليس وخلي ايمانج بالله تعالى قوي . . .
الموت حق ماندري يمكن خلال الثواني القادمة نرحل عن هالدنيا . . .
احساسج بأم مشاركاتج ومواضيعج بتبقى وانتي ترحلين احساس يتملكني من دلخلت عالم الانترنت. . .
يعني كل رد وكل موضوع وكل كلمة الوحدة لازم تعمل حسابها . . .
سبحان الله اللوح المحفوظ فيه أعمالنا في الأخرة
والانترنت فيه ما جنته ايدينا في الدنيااا . . .
لكن تعوذي من ابليس وتفاءلي خير . . .
وع فكرة ترى الهرمونات الانثوية تلعب دوووور خطير في نفسية المراة خصوصا وقت اقتراب الدورة الشهرية . . .
اكثري استغفار قومي بالفرائض والسنن وعطي كل ذي حق حقه وإن شاء الله بترتاحين نفسيا . . .

السلام وعليكم ورحمة الله وبركاته شكرا أم عبدالله على ردج الجميل انا اليوم الحمدلله احسن من أمس ومن الأيام اللي قبله لأني عرفت السر من الأحساس بالضيقه السب الكل يعتقد انه بسيط بس هو موبسيط شئ كبير محد عارف أنه هو السبب اللي يخلي الناس تحس بالضيق وتعصب إذا وجدت تفاعل راح اكتب السبب والله العظيم أني صادقه بكل كلمه أقولها لاتقولون تحاول تشد أنتباهنا والله العظيم فيه سر وراح أقولها إذا وجدت تفاعل من العضوات ودمتم

فديتج نوارة تعوذي من الشيطان يالغاااليه ..

هلا بشوره شكرا ياالغاليه على ردج لعيونج بس راح أقول السبب وأهو أني كنت بيعيده عن ربي كنت أصلي ماأقولج تاركه للصلاة بس كنت متهاونه أصلي الصلاة على غير وقتها وأنام قبل وقت الصلاة بساعه أو نص ساعه وأقول إذا قمت أصلي كأني ضامنه أني أقوم لحد ماجتني لحظه أن عندي أحساس أني راح أموت ساعتها رجعت لنفسي وحاسبتها ورحت صليت والله العظيم بحياتي ماصليت صلاة بروعه الأربع ركعات اللي صليتها أدعولي أن الله يثبتني كل وحده تقرا الموضوع تدعيلي أن الله يثبتني

اتمنى لنا ولك التبات والحمدلله ان الله اكرمك من الغفله يلي كنت فيها قوي ايمانك بالله وعاهديه على عدم ترك الصلاة لان اذا صلحت صلاتك صلحت حياتك

جزاج الله كل خير يااختي صدقيني ياأختي محتاجه لدعوتكم لي بالثبات أدعولي جزاكم الله خير وأبشرج أصريت أني أصلي في وقتها وصليتها في وقتها والحمدلله أدعولي

الله يثبتج ويثبتنا معاج انشالله
انشالله خير

حبيبتي تعوذي من ابليس ومثل قالت اختي ام عبدالله

واستغفري الله

والله يشرح صدرج ان شاء الله

جزاج الله خير ياأم عبودي أدعيلي

جزاج الله خير ام سوير على الدعوه اللي فعلا محتاجتها