السلام عليكم رفيجتي الروح بالروح توظفنا مع بعض وبنفس المكان وصارلنا 8 سنوات بالخدمه... اول مادومنا كنا تمام التمام انا متزوجه واهي متزوجه وفي مشاكل مع زوجها ماتحبه ولا يحبها المهم لعب بعقلها الشيطان وتعرفت على واحد وحبها وحبته (((بنات رجاءآآآ انا ابي حل حق رفيجتي والسالفه اجتماعيه مو دينيه خلونا نعيش الواقع وماابي ردود تزعل رجاءآآآآآ )))))) المهم استمرو مع بعض تقريبااا 5 سنوات ونص وللحين مع بعض بس من قبل 3سنوات مرها الدوام واخذها من عند الباب ولمن ردها الظهر مانزلت من عند الباب من غبائها لأ انزلت خشاشي يعني انفضحت ولا واحد من الموظفين شافها ومن هذاك اليوم واهو امشهر فيها ويتكلم فيها ويقول فلانه فيها وفيها .....وكل اشباب يتكلمون رفيجتي درت ان امرها انفضح اوكي وطنشت في بداية الامر ... السالفه هذي تقريبااا من قبل 4 سنوات اتوقع مو 3 وتخيلو يابنات للحين يتكلمون بهالسالفه وشخص واحد يتكلم للحين واحنا كان معانا زميل بالقسم كان هالشخص يجي ويقوله فلانه ليش ماتظبط حالها مع راعي اللكزس رفيجها سيارة لكزس.... ادري ان وقح وماله شغل تخيلو للحين يذكرها المهم الزميل هذا انتقل من قبل سنتين وجانا حجي انا ويا رفيجتي ان الشخص اللي يتكلم مع زميلنا اللي انتقل للحين يذكره بالسالفه ... عاد رفيجتي قامت خذت رقم زميلنا ودقت عليه وقالت فلان ليش يقول عني جذي وطبعا رفيجتي قالتله ليش مايكون زوجي ولا اخوي ولا من اهلي ليش التفكير البايخ هذا... موحرام عليكم اطلعون عني حجي والسالفه للحين ذاكرينها خلاص عاد ماصارت ... زميلها رد عليها وقالها انا ماوصلني حجي والواحد هذا ماقالي شي عنج (((حسته يجذب عليها)) قالها روحي كلميه يمكن انتي ظالمته !!! ورفيجتي الحين نفسيتها تعبانه كارهها نفسها وكارهه دوامها وكرهت رفيجها وتهاوشت معاه وقالته انا لو ماعرفتك ماطلع علي حجي واشاعات.. وكانو صج حتى الاشاعات طلعوها عنها وهي والله بريئه ... مااادري بنات هل تصرفها سليم ولا تسرعت ؟؟؟!!! بنات تكفون قولولي شنوو احسن حل اسويه لها لانها حيييييييييييل تعبانه
الله يهديها هذا الغلط لابد يبان في يوم من الايام ويمكن هذا الي يحبها وتكلمه هو الي مشهر فيها اقل شي بيقول كافي انها متزوجه وطالعه معاي واسمحيلي بالكلام هذا ترا كل الرياييل جذي تفكريهم ولو يقولون تزوجها ماراح يتزوجها راح يقول كانت على ذمة رجال وتكلمني وتطلع معاي بغض النظر عن وضعها مع زوجها بس الحمدلله على كل حال على العموم صج الله يعينها لان شي مو هين لنا لو مكانها انتقل من المكان كله وابتدي من اول ويديد ولا ارجع اكرر الغلطه والبنت مالها غير شرفها والله يوفقكم
الله يهدي الجميع ...شوفي انتي طرحتي مشكلتها عشان تبي حل وحاضر ماراح اناقشها من ناحية الدين ....لكن لازم انصحها اولا هذا شي وحصل والناس ياقلبي حتى على اقل شي يتحجون هذول ناس يعني تنسى سالفة انهم يسكتون وتحاول تكثر من الاستغفار والصدقه باقل شي حتى لو بالاكل يوميا وثاني شي وهو الاساس حبيبتي قولي لها لو ماتحبين زوجج وماتبينه تطلقي منه وهذا رفيجها تتركه لانه صراحه مافي خير لاتزعل مني هذا الصج قولي لها تطلق منه افضل لها لانه لو لاسمح الله زوجها عرف يعني بتصير شنو خاينه والله مصيبه حتى لو قلتي لي اهلها ماتقدر صعبين او مالها مكان ترجع له اوكي تخلي عندها قرار وتغير حياتها افضل لها واهم شي ترضي ربها وصدقيني من ترك شي لله الله يعوضها خير منه ويمكن تتصلح الحياة بينها وبين زوجها واي شي تبين ارسلي لي على الخاص عشان ممكن مارجع للموضوع مره ثانيه
الله يكون في عونها ولازم اتوقف كل اللي تفعله اما بخصوص الكلام ليش ماتكلم اللي تكلم عنه وتهدده وتقوله اذا ماسكت مو انا اللي راح ايتفاهم معاك الرجاجيل هم اللي راح يتفاهمون معاك لاني ما اسوي شي غلط ولا اسوي شي ولا اسوي شي من ورا اهلي اما بخصوص سكوتي عنك لاني مابي السالفه تكبر وذا قلت حق اهلي اتروح فيها ارقاب ولا تعطي وجه لاي موظف بالدوام اشتبي فيهم اصلن والله الرجاجيل مايحترمون الوحده اللي اتكلمهم بشغل خلي اسلوبها مع الموظفين رسمي احسلها وكرملها
الله المستعان أنا بصراحه مستغربه منج يعني أنتي مأيده رفيجتج أن عندها رفيج ومشكلتج بتصرف رفيجتك بأنها دقت علي زميله بخصوص الكلام ألي طلع عليها مو المصيبه ألي أمسويتها وهي خمس أسنين وهي تخون زوجها يابنات أتقوي الله خليها تتووووووووووووب وتطلب من الله أن يغفرلها ويسترعليها
اولا": يسعد صبااااحــــــــج ثانيا": الله يهديها رفيجتج خليها اتوووب لربها اولا وتدعي لها بالهدايه يمكن هذا عقاااب من ربها بلاها بواحد يسووولف فيها وشاافها .. خليها تغير مكان دووواامها وتنسى هالرفيج وهاليوم اللي مضته معاه تحمد الله ما درا زوووجهاا والاصااارت بلاااااااااااوي .. خليها تنسى الماضي وتبدي حياة جديده وتذكر ربها لانها اغضبت ربها والعيااااذ بالله....... وتحااااول تصلح بينها وبين زوووجها دااامنا فيه مشاااكل خت تكفر عن خطاااها وتحط زووووووووجهاااا بعيوووووونهاااا والله يستر عليها...
ماااادري احس تنقل من دوامها صعبه شوي ... يعني وين تروح اذا دوامها زين وقريب من بيتها يعني المسكينه تبي اطلع نفسها من اللي اهي فيه
خلاص اتحاااشى الناس وتجذب اللي يقووول عنها بس خليها تتقرب من زوووجها وتحبه لان اذا جاء خبر لزوجها من شخص اتجذبه باللي قاله.. ماكو غير هالحل عشان تكون في ثقهه بين الزوج والزوجه . وتكثر استغفار لله..
والله انا اقول خل تترك هالسووووووووالف وتترك رفيجها وتستغفر وتوب مالها الا هالشي ولا اذا تمت ع هالحال راح يوووصل الكلام لزوج وتصير اعلوووووم انا اقوول تترك هالسوالف وتخلص لزوجها حتى لو ماتحبه عشان اعيالها والعشره الللي بينهم والناس رااااح تنسى بس خل تتوب وربي يستر عليها يارب ويهديها
اخواتي الفاضلات تأكدن ان مابني على باطل فهو باطل والاخت صاحبة الموضوع وضحت انها لاتريد التعليق من الناحية الدينية وانا اقول لها يااختي ان الدين هو من بنى حياتنا وبه نبني حياتنا المفروض ان تكوني لها عون وان تنصحيها من أول ليس بعد ان فات الفوت ونحمد الله ان الله غفور ورحيم وباب التوبة مفتوح ومن نعمة الله علينا ان الحسنات يذهبن السيئات
الحمدلله احس في تغيير على رفيجتي صارلها 10 ايام ماتكلمه ولا تبي تكلمه تقول احس شي صفعني وصحاااني وانا ترا قاعده اراقبها واجيك على سجل مكالمتها مافي ولا مسج ولا مكالمه حق رفيجها التعبان وانا حاطها سجلها مدة شهر كامل ادعولها خواتي الله يثبتها
انا قلت ماابي التعليق من الناحيه الدينيه لاني ادري انه حرااام في حرراااام والله مايرضاها ,,,,, بس الشيطان الله يعيذنا منه متربص لها مع انها انسانه زينه من الداخل الله يهديها وطيبه وحبوبه وتصلي بس هالشي هذا اللي مخرب عليها
