السلام عليكم ورحمه الله وبركاتة صبحكم الله بالخير ومساكم الله بالخير وبكل حزه ابدأ بدون مقدمات لقصه حدثت لا اقول واقعيه ولا خياليه عيشوا القصه فرحت واستانست لما تخرجت من الثانويه العامه وألحين انا اسجل في كليه التربيه الاساسيه طبعا اليوم اول يوم بالدراسه وقلت لامي ابي اروح اشتري ملابس حلوه لي للدوام الكليه وانا بكل فرحتي وناستي ألقلب الملابس في احد المحلات في احدى اسواق الكويت ولما طاحت عيني بذاك الشاب الي يلاحقني من مكان لي مكان ورديت البيت وانا مستغربه من نفسي ليش بالذات هذاك الشاب الي انحفرت صورته بخيالي مع اني دايم اتعرض لتحرشات الشباب ولا اهتم وقرب العيد ورديت لنفس المحل اشتري ملابس العيد وطبعا وكل فرح ووناسه ولما رفعت عيني الا بذاك الشاب نفسه مدري شلي حصلي يوم شفته مره ثانيه بالصدفه وظل يلاحقني من مكان لي مكان وخضعت لامر ابليس اعوذ بالله منه وخذيت رقمه وكلي خوف ورجفه وارتباك ورديت البيت وكل ذهول من مشاعري الغريبه ومرت الايام وانا محتفظه برقم ذاك الشاب ولم اتجرأ اني اتصل فيه وفي يوم من الايام خرجت من امتحان الكليه وكلي ضيقه وحزن وحسيت اني ابي افرغ حزني ولكن الشيطان جرني على اني اطلع رقم الشاب واتكلم معه اول مكالمه وانا ارجف واتصبب عرق وخوف وعندما كلمته حسيت بصوته بدفء وحنان وحسيت احساس ان هذا الشاب هو حبيبي ومكالمه لي مكالمه وتبين لي ان هذا الشاب صاحب الكفي شوب الي بجانب المحل الي ترددت له مرتين وشافني اول مره اعجب فيني وفرح لما شافني مره ثانيه وبين لي انه معجب واول مره يتجرأ ويكلم بنت ويتجرأ يلاحق بنت ومرت الايام والشهور والعلاقه كبرت ولكن كانت علاقه عذريه شريفه وتبين لي انها علاقه نهايتها الزواج عرفت اسمه احمد ولكن لم اهتم اني اعرف اسمه بالكامل وهو عرف عني كل شي اسمي وعنواني انا اسمي بسمه وباجر اكمل لكم القصه
