رومانسية بنت رقله

الســـــــلام عليــــكم

اولا علاقتي بالرومانسيه نفس علاقة يدتي بالنت .. عمري كله قضيته افلام رعب واذا حبيت اطالع شى مختلف ( ياروحي عالفصحى) شغلت اكشن وجريمه .. يعني ماكو فايده مخرعه نفسي يعني مخرعه نفسي .. اما افلام حب احط استرررررريح.. يمكن ويهي مايساعد مع انه قالوا عني حلوووه ومزيونه واهبل وعيوني ياااابوووى وقليل مني ينوجد بالديره الحقيقه ( ادري ودكم تفلعوني وصلني احساسكم ) ماعلينا موهذا موضوعنا ..
ليش اطالع رعب يمكن لاني ولدت نتيجة خرعه ،، نسيت اقولكم انا من اثار الغزو ،، امي من زود الخرعه والشجاعه ولدتني قبل موعدي ،، امي ليلحين مصره انها شجاعه وكله تقولي ماطلعتي على وعلى خوالج .. مادري اذكرها بولادتي واسباب حدوثها مبكراا ، والا اسكت حتى لااصدمهاااا ..
الرعب يحرك فيني مشاعر جميله جدا ( جدا والله ) واقضي ليلي كله بكوابيس واكشنات وااااو ..
وبيوم حبيت اقلد واطالع رومانسيات مت ضحك .. مادري حسيت الدنيا مافيها خير لما خلتني اطالع افلام رومانسيه
ولانه الدنيا مافيها خير تزوجت لوووووول . وعشان نعيش اللحظه ( نعيش اللحظه تعبير متعوب عليــــه )
زوجي ماعرفني ليلحين كله يشتريلي افلام تامر حسني ودي اقوله ابي فيلم رعب ييبلي بس مستحيه .. ( بعدين اخرب برستيجي اني بنت رقيقه ) حاولت اتاثر بمشهد رومانسي حزين ماقدرت بداخلي غشيت ضحك ،، فديت ريلي تاثر اكثر مني
وجنه لمحت بعويناته دموووع ...انا خايفه يمر زواجي بحرمان مو حرمان عاطفي لاااااااااااااااااااا.. حرمان رعب
انا تعودت كل يوم اتخرع مايصير جذي .. زوجي ياب شموع يبي جو الحبيب ، انا قتله وناسه بنحضر ارواح ،، جان يرمقني بذيج النظره اللي فيها استحيت على ويهي الحقيقه (يرمقني، اليوم مسكته بالفصحى)

ويسلموووووووووووووووووووو ووووووووووووووووووو