السلام عليكم خواتي عزيزاتي حبيت اعرض عليكم مشكلتي انا وايد تعبانه ........ بداية قصتي مع ريلي : انا وريلي تزوجنا عن حب وهذي الايام كانت احلى ايام حياتي حسيت اني ملكه بهالدنيا 24 على 24 ساعه كان معاي عاى الخط ودور خاطري ومايزعلني وحبني لدرجه ماكمل دراسته الماجستير عشان يخطبني وبعدها خطبني ابوي بالبدايه عارض مع انه مايعرف انه حبيبي او انه في بينا علاقه وبعد 3 شهور ابوي وافق وملجنا.... كانت فترة الملجه حلوه واحلى من ايام الحب يمسك ايدي واذا شريت شي ياخذ الجيس مني يحب ياخذ رايي بكل شي المهم تزوجنا واول شهرين كانو روعه وعسل بعسل بعدها حملت وقامت المشاكل بشكل مو طبيعي بينا لي درجه كنت انهار من المشاكل صارت اول كلمه عنده لا ومنعني اطلع مع خواتي و مره وحده اروح بيت اهلي بالاسبوع وصار ينرفزني ويظغطني وعلق بسبب وبدون سبب ومايتحمل نقاش كبرت المشكله وانا معاه نحب بعض ونموت ابعض بس تعبنا من مشاكلنا المهم كبرت المشكله ويت امي خذتني وثاني يوم قالي خلاص اخذي اغراضج واللله يوفقج وبعد شهر تراضينا بالمحكمه وقبل فتره ولدة وبعد الاربيع ردة المشاكل وصار اردا من قبل قام يغلط علي جدام اهله وصرت طول اليوم ماشوفه من بعد ماكان مايفارقني وقام يمد ايده على شي يسوا وما يسوا ومااقول حق احد عشان اموووت فيه وقبل فتره قريبه كنت معزومه بحفلة ملجه وخليتها بيت اهلي مع الخدامه واهوا مايدري لانه مايرضا اخليها دق علي وقالي وين بنتج قلتله معاي وطلع داق عالبيت وعارف انها بالبيت والحين انا ابيت اهلي بطلقني ريلي مايتفاهم ومتسرع وطبعه صعب بس ادري انه يحبني شنو اقدر اسوي ما اتمنا اطلق انا ادري اني غلطانه وتأسفتله ماكو فايده شسوي عشان يرضا مابي اطلق عمري 21 وعندي بنوته؟:cry_smile:
لاحول ولاقوة الا بالله .. يمكن عين ماصلت عالنبي.. دزيله مسجات كلميه قوليله شغيرك ليش تكبر المواضيع .. وقوليله ان بينكم طفله حرام تعيش بعيده عن ابوها ماتعيش حالها حال اليهال.. وانتي الله يهديج شفتيه جذي التزمي بكلامه ميخالف كل انسان يغلط حاولي تعتذرين وتحسسينه ان البنت راح تعيش بدون ابو<<استخدميها نقطة ضعف وانشالله الله يهديه
الله يهديه لك انشالله الجأي لله والله ما يخيب رجاك واقرأي سورة البقرة بنية ان الله يهديلك زوجك ومجرد ما تخلصين القراءه راح تشوفين انشالله النتائج وحاولي تسيمرين على قراءة البقرة يوميا
اختي دام انج تحبينه وتبينه لاتسوين اللي يضايقه خصوصا ان مرت عليكم فترة زعل يعني هدي الامور بينكم ولا تاخذينها بنديه اذا انت متمسكه فيه دقي غليه وقوليله ابي اتفاهم معاك وقوليله انا ابيك وشاريتك راح يلين ولا تقولين انت سويت وانا ابي !!!! فتحوا صفحه يديده وانسوا المشاكل واللي يزعل ريلج لاتسوينه الله يجمع بينكم وما يفرقكم ويسخركم لبعض
حبيبتي ابي اقول لج شي واحد فكري زين وتذكري لما كان لكم شهرين متزوجين شنو صار بالضبط لان في شي صار خلاه يتغير لا تقولين ما ادري حاولي تتذكرين ليش صار يتصيد لج الاغلاط ومو قادر يتحمل اي شي منج وبعدين شنو هلحب اللي يخليج تنسين نفسج ؟ الحب مواهانات ولا طق ولا تعدي علي الثاني الحب اخلاص وسماح وقلب مفتوح وما في شي اسمه احبه واهو يطقني هذا اسمه غباء شديد او احبه وخله يسبني انا واهلي فوقي ليش يعني ؟ حبوبه انتي مشكلتج متراكبه ..........يعني غلط ادى لغلطات باسم الحب وصار فيه تمادي من جهه وتهاون من جهه ثانيه وابي اعرف جم عمره ووين كان يدرس الماجستير
حبايبي خواتي شوشوهات و هيونه وموناليزا والسوسن شكرا على حلولكم بس صدقوني انا دقيت عليه ودزيتله مسج وماكو فايده ويا بيتنا يايب اغراض حق بنتا وطلعت كلمته بس مايبي يتناقش بأي موضوع
هلا فيج اتمنى انحلت سالفتج ولو مانحلت حاولي معه مره واكثر عشان ماتخسرينه ولاتحنين عليه اختاري كلامج وحاولي تشوفين شنو الي يرضيه بالكلام وسويه وارسلي رسايل له وكلميه لاتخلينه جذيه ولاتنسين تدعين اخر الليل وربي يوفقج ويرجع لج
الله يعينج والله بس شوفي بدايه الزواج لازم مشاكل حتى لو تحبينه ويبحبج واقولج شغله عزميه بمكان بره البيت قوليله مو تبي تطلق انا بس ابي اتفاهم معاك بس حطيه يدامج وبهدااااااااااااوه قوليله شنو اهو بالنسبه لج وبين الكلام مسكي ايده وقوليله انج فاقدته وقوليله انج ولا شي من غيرة صج حولج اهلج بس اهو بالنسبه لج غير قولي خل نحاول نعدل وضعنا مع بعض وعطيه وعد انج ما تكذبين عليه ومعلش تحملي شروطه اذا كنتي تحبينه والله يسهل امورج يارب ويسوي الي فيه الخير
الله يكون بعونج يااختي وييسر لج امورج ويفرجها عليج ويخليلج بنيتج ويخليها لابوها وتتربى باحضانه...خلي حياتج اخذ وعطى ومثل ماتتمنين لنفسج تمني لزوجج..واكبر خطأ هو الجذب خليج صريحه لاتخلين مجال للشك بينكم(وكرري اعتذارج له ووعديه انها ماتتكرر لكن بدون تذلل)لان الرجل ما يحب المرأه الضعيفه خليج واثقه من نفسج ومقرره نهائيا انج ماراح تجذبين عليه مره ثانيه وخليه يحس بها القرار وبهالتغير,,الامور بتتحسن ان شالله سحابة صيف وتعدي عليج بالدعاء وصلاة اخر الليل وقفي اتصالاتج له الى ان يهدأ ويهديه ربي ماله غناه عنج وعن بنتج واتوقع ان فيه سبب مغيره لاتلحين عليه عشان تعرفين شنو أهو راح يقولج في الوقت المناسب...موفقه ياروحي..
حاولي انج ترضينه .. ولا تزعلينه وسوي اللي يبي بس بالصح وتفاهمي معاه وخليه يكمل دراسته يمكن انه حس انه بخاطره ايكمل الدراسه ولا تزعلينه حاولي تراضينه باي شكل من الاشكال لان حرام والله اللي صار بينكم وابقض شي عند الله تعالي اهو الطلاق .. حاولي تكمينه عن مصير بنتج باجر والرجال مثل الطفل اعتني فيه وبالكلمه الطيبه يمكن اهو حس انج مو معاه وقال انج لهيتي عشان الحمال وقال هذي مو مثل اول معاي .. حاولي انج تبينين له ان عندج اثنين ولازم تعتنين فيهم .. حاولي ادخلين امه بالساالفه لانه اكيد بيسمع كلام امه .. الله يرده لج ان شاءلله ..
تسلموووون خواتي على المرور وانشاللله محد يمر بهالمشكله اللله يوفق الجميع وشكرا على كلامكم الحلو ونصايحكم خواتي اصيله وام عبودان وانامل ناعمه يعطيكم العاافيه الله يهديه انشالله معني هذي اول مره اجذب عليه من اسلوبه مايعطيني مجال اني اقوله شي انا تأسفتله ووعدته انها بتكون اول واخر مره لما الحين اهوا زعلان وانشاللله يرضا ادعولي
مشكوره اختي ام مرزوف بس صدقيني واللله شاهد علي انا مو مقصره معاه بشي كلش ولا لهيت عنه بولى شي ومااقوله غير كلمة احبك واناديه حبيبي وعمري بس انا فيني عيييب اتحمل واتحمل وارضا اذا زعلني بسرعه بس اذا تعبت افصل عليه يقولي صوتج عالي انا نبرة صوتي حاده بس اهوا دايما يقولي انا اطوف حق الكل بس انتي مرتي لازم مااطوف لج شي اللله يهديه انشاللله ويهدي كل ريال حق مرته انشاللله
حاولي كثر ماتقدرين انج تراضينه ونبررين عن غلطتج وانا اشوف ان سالفة ماتستاهل توصل للطلاق الله لا يقول الله يهديه ويسخره لج
الله لايفرقم انتى غلطانه شلون تجذبين وتقولين البنت وياااااااااااااج !! بعدين ياخذ عنج فكره موحلوه على باله كل مااتصل عليج انج تجذبين عليه وتدخلين الشكوك براسه الله يهديكم لبعض ويخليلكم بنتكم واذا رديتى له حاولى تغيرين من طريقة حياتج وياه خلص زمن الخطوبه والحب وشهر العسل فكرى بعقل اكثر من قلب
حبيبتي انا ابي اقولج شغله انتي لا دلعين الرجال الحين اهو مفكر انج ماتقدرين تستغنين عنه وراح يتمدى اكثر بضرب والهواش خلاص لاتكلمينه انتي سويتي الي عليج كلمتيه مايبي يسمعج دقيتي عليه مايبي يرد خلاص اسكتي خليه وصدقيني اذا اهو يحبج راح يجي صدقيني وانتي تاسفتي وانتهى لامر صدقيني اختي لاتكلمينه وخلي الوضع طبيعي لا تفكرين
حبيبتي الله يعينج وصبر قلبج حاولي تكلمين احد رجال اصلاح ذات البين والله راح يفيدونج وعن تجربه صارتلي 3اشهر بيت اهلي وقدرت ارجع بفضل الله ثم فضلهم
اهلا حبيبتي زوجج الحين مايبي يسمع منج شي ومعاند خليه فتره من غير مسجات او اي اتصال خليه مع نفسه واكيد هو راح يعيد احساباته بس بدون ضغط من احد واذا دق عليج لا تريدين عليه من اول اتصال يعني اثقلي شوي (ترى هو مرخصج حيل طق وسب )اصبري والزمي الدعاء
