راح ادخل بالموضوع سيده انا زهقانه من عيشتي مو قادرة اتاقلم مع وضعي الجديد انا متزوجة لي سنتين وحامل الحين بس اعاني من مشكلة اهمال زوجي لي فهو كثير السهر ويتحجج بالدوام وان لازم بستلم اليوم كامل و دوامه اليوم بيومين بس ما يجي الا الصبح على 8 ويلف راسه للعصر واذا كان مواعدني بمشوار ينام للمغرب ويقعد يسبح وينزل لامه يعني يتعمد يطول عشان يقول ما فيه وقت للطلعة فياجلها لليوم اللي بعده ويسوي نفس الحركة مع اختلاف الاعذار بس الاكيد انه يسهر مع ربعه دايما ولما يجي يطالبني اني استقبله بابتسامه واني ما اعاتبه لانه مضغوظ من دوامه ومشكلتي اني احبه واذا عاتبته يعترف بغلطه ويقلب الزعله علي ونتراضى ونرجع باليوم الثاني لنفس الاهمال بس الحين انا زهقانه من عيشتي ما تخيلت هالاهمال من زوجي يمكن على بالي حياتي بتصير غير بس مصدومة من الواقع ما ادري شسوي
بس اللي زاد مشكلتي اني ما تعودت الاهمال من اهلي انا اصغر البنات والكل يهتم فيني ويداريني والحين حاسه بالفرق تعبت صرت بس مقابلة هالكمبيوتر وانا قبل مو كل اهتمامي هالجهاز بس من الفراغ شوفوني للحين قاعده عليه
انا نفس حالتج ماتعودت علي الاهمال كلش وعلي فكره كنت حامل وماتت الجنين ابطني علي الشهر السابع واهو كان مسافر وانا بروحي وهذا الكلام شهر 12 وانا الحين حامل مره ثانيه قلت يمكن يتسنع بس ماكو فايده
اقول عااااااااااااااااااااااااااااااااااااااااااااااادي كلهم جذيه انا صارلي سنه واووووووووووووووم الطناااش شسوي اخرب بيتي اتهااوش معاااه..؟ بيقلب الزعله علي واصير انا الغلطانه وانا النكديه صح ولا لا بنات الغلط علينا ولو جيتيه تكلمينه بسولب طيب نقز بوجهج جنه بياكلج وقال انتي ام المشاااكل وتدورين الماشاااكل اقول طاااااااااااااااااااااااااااااااااااااااااااااااااااااف ليش احرق اعصاب اعصااابي شسوي على قولت ابن فطيس ((مالك الا الصبر وش وداك له)) بتقولون اني باارده لا وربي يابنااات انا اكثر وحده صيحت ونيحت وبجيت بجي مو طبيعي خلاص من كثر ما احن على قولته مليت اقول الله يخليلي امي وانشاءالله لما احمل وجيب بيبي انشغل فيه ترا الدنيا كلها جذيه واذا انتي ياقلبي اهلج مهتمين فيج عسى الله يخليلج اهلج ولا يغير عليج اهم الاهل بس الي يهتمون ويحسووون ولا الزووووج وربي مايدري الا عن الدوانياات والمبااااريااات اقول اسكتو وخلو الي بالقلب بالقلب ولا تنبشون الجروووح ولا اكو متزوجاات شابكااات هالحزه وربي تقول محششين ههههههههههههههههههاي
هههههههههههههههههههههههههههههههه والله صح كلامج بس شتسوين لزم اتناقشين معاهم واذا جيتهم اتناقشين قالوا انتي بس بتهاوشين واذا ردو البيت لزم تضحكين لهم
اقول ام جوووري لاتعوورين راااسج وربي يتساااقط شعرج وتصلعين ومن كثر ما تحزنين وتكشرين يتجعد وجهج وتتقرفطين بسرعه ههههههههههههههههههههاي ويجيج الظغط والسكر وخمس اسنين ونفنقش بسبتهم هههههههههههههاي وربي انكم لو تتكلمووون وتقوووولون ماراااح توصلون للي انا وصلتله شي ما اقدر اتكلم يعني ياليته اهمال وبس الا بالاااااااااااااااااااااااوي والله يا ام جوووري على قولت البنانيين (( لاتشكيلي لا ابكيلك ))
هلا خواتي .. أغلب الشباب المتزوجين يلاقون مشكلة في التأقلم مع الحياة الزوجية والبنت تكون ام الرومنسيه وعلى بالها بيقعد طول اليوم يطالع بعيونها ويمكن يقصد فيها .. هههههههه مالج إلا هالحل : اول شي وسعي صدرج .. وأشغلي نفسج بشي مفيد لا تخلين سعادتج مرتبطه بـ أحد وزوجج خليه حر ولا تطفشينه بكثره الحنه بس في لحظه روقان اتفقي معاه أن طلعته لـ ربعه مو يومياً و يكون معاج يوم كامل بالأسبوع والرجال ما يحب القيود خليه مثل الطير الحر عشان يرجع للقفص ولج ودي
واحه كلامج حلو بس اسئلي مجرب اقوله حيااتي مو كل يوم تطلع :$ يقولي شنو تبين تحكريني بالبيت بعد ولاتبين تتحكمين فيني بذمتج شنو تقولين
احنا مشكلتنا لما نقبل ع الزواج نكون متخيلينه كله رومنسيه و كلام حلو و دلع و هدايا و طلعات و سهرات و تمشي بسسسسسس للاسف ننصدم بالواقع انه هالشغلات مو موجوده لان شباب هالوقت متعلقين بشكل مو طبيعي بالدوانيه و الربع و السهر معاهم و اذا كلمتيه عصب و قلب السالفه عليج و اهو اللي يزعل كلهم جذي الله يعينا عليهم بسسسس
اغلبنااا كنا مدلعين ومدللين عند اهليناااا بس الحياااه الزوجيه غيييييير يبيلهااا صبر وانت تحتوين زوجج والله اللي زوجهاا عسكري حاااسه فيهااا بس لاتلومينهم محكورين يووم كامل بالدوام بين ونومهم مقطع اذا طلعووو يبوون الراااحه والهدوووء يطلع يلقاااج مقاابلته بالنجره والهووووشه والنفسيه وتبين تطلعين وطلعااات وهالسوااالف هدي وكل شي تاخذينه بالهداااااااااااااااااااوه على قووولة رماااديه ماقصرت قااالت كل الاضرااار اللي تتسببها العصبيه وهم واحه عطتكم حل .. بنااات هالوقت مافيكم صبر وكل شي تبوووونه لاتزعلووون مني بس تحبووون الهيااااط وكل مكاان ترووحوون له امر الله من سعه اليوم هذاا ماطلعت اطلع اليووم اللي وراااه الله يهدي ازواجكم لكم ويهديكم لهم وتذكروو كل شي ينحل بالهدوووووووء والتفااااهم مو بالنجره والهوااااش ..
هههههههههههههههههه ضحكتني أخر جملة من كثر ما سكتو الحريم صارت حكمتهم طيري طار بالابحار لاله ريش ولامنقار ههههههههههههههههه حبيبتي صاحبة الموضوع كل الرجال طينه وحدة وطبع واحد الا من رحم ربي لاتهتمين طااااااااااااااف
شكرا لكل من رد من الاخوات بس صدقوني مو بيدي هالشي اللي قاهرني انه بس يواعدني واعمل احسلبي للطلعة واتهيئ نفسيا لها واخرتها يعطيني طناش امانه مو شي يقهر بس ادعولي بالسلامة وان ربي يتمم لي حمالي للتاسع وييسر ولادة بنوتي اللي ان شاء الله على جيتها تتغير حياتي للاحسن سواء معاه او مع نفسي وهي الاهم
انا معاكـم انـه شي يقهـر بس الشكوى لله فكري عدل : شـي ما خـذيتيه بالهواش والصراحه .. خلاص اخذيه بالـدلــع والاتفاق مع زوجـج وهذا شريك حياتج يعني العمر كله ان شاء الله مع بعض فـ اصبري وادعي ربـج انه يهديه ويسخـره لج السوس .. الله يتمم عليج العافية وتقومين بالسلامه وراح تشوفين زوجج يتغير للأحسن ان شاء الله
