اخواتي اقرأوووكل كلمه بتمعن والله راح ترتاحي نوعا ما والله عجبني الموضوع وجبته لكم قريته اكثر من مره مساء الخير على جميع المحروقات المجروحات اللي بداخلهم براكين لاتخمد غضب والم وحسرة اسئلة تحتاج لاجابات واجابات ليه تخون ؟ ليه تغازل ؟ ليه تكلم غيري ؟ انا قايمة بكل واجباتك انا اعمل كل شي عشان ارضيك انا جميله ودلوعه باطلع عنه اربيه باطلب الطلاق بابلغ اهلي بابلغ الهيئة باكلم البنات اللي يكلمهم باتابع الارقام اللي يتصل فيها وبعدين ؟ بتنحل الامور لا حاسه بكل لحظة الم تمروا فيها الغصه اللي تحرق حناجركم بالدموع اللي تشهد عليها سجاداتكم ووسايدكم بس خلونا نحكي بشوية عقل كل وحده مجروحه تترك قلبها على جنب وتحكم عقلها الزواج ماحيستمر وانتيتتبعي مشاعرك وقلبك فقط الزواج يحتاج لعقلك وذكاءك وحكمتك واهم شي صبرك ولاتنسي قربك من الله هواللي يسمع نجوانا ويجيب دعوانا اكتشفتي اني زوجك يلعب بذيله اوكيه وش الجديد ؟ ليه الصدمه ؟ اغلب الرجال حاليا بهالشكل نخرب على انفسنا والانحافظ على بيوتنا ليه مخلين حياتكم الزوجية لعبة قط وفار وسجين وسجان ؟ باصيده باراقبه باتابعه بالعكس الغباء نعمه في احيان كثيره استغبي ماحتندمي اطلاقا لان الرجل يكره المرأة اللي تتابعه وتراقبه وتنتبه لكل شي انا لاحظت زوجي يرتاع لمايلاحظ مدى دقتي ونباهتي فاصبحت استغبي لقيت ان اسهمي ارتفعت اكثر واكثر هذي هي طبيعة اغلب الرجال يحبوكي اضعف واغبى منهم وينفروا من ذكاءك لانه يحسسهم بالضعف والرجل يكره هالخصله امام زوجته صدتيه يغازل اعلنتي حالة الطواريء والاستنفار كنك ماصدقتي لقيتي عليه شي ؟؟؟؟؟؟؟؟؟؟؟؟؟؟ وبديتي التخطيط للانتقام وجلستي عاد تجمعين الجديد والقديم بتطلعينه على راسه ولقى الشيطان مدخله لك بدا يثيرك ويستفزك اكثر ويفتح لك ابواب شر لها اول مالها اخر والنتيجه انتي الخسرااااااااااااااانه صدقيني الحلول ماحاطول عليكم بالقرق لاني حاسه بالبراكين القابله للانفجار بأي لحظه وهالكلام ماقلته الامن تجربه شخصيه بحته مايهمكم تعرفوا مين صاحبتها الاهم تعرفوا النتائج وايش النتائج الزوج مايكلم بنات نهائيا جواله طول الوقت قدام زوجته اي اتصال من بنت اورسالة يوريها هي بنفس سامحه ومبتسم تسوى عيونه شايلها من عالارض شيل كل وقت وكل لحظه يقول لها ماشفت احد بحكمتك وروعتك لوضعف باي لحظه جا رمى الجوال عندها اوقال لها كلمتني بنت اليوم المسنجر لماتجيه اضافه يبلغها وتضحك معه ويلغي الاضافه لان احيانا ياخذوا الايميل من بعض مواضيعه يحكي لها اي موقف يمر عليه ولوبالشارع اوبالسفر صايرين مثل الصدقاء مافي حواجز اواسرار اوغموض هاه وش رايكم بالنتايج ؟ بس ماجت الابعد صبر سنوات وكفاح من هالزوجه ولحظات الم مريرة جدا جدا كتمتها قدامه ياما استغبت تعرف انه يكلم بنت وتروح عنه حتى ماينتبه انها صادته تجلس تلف تلف حوالين نفسها وسكاكين تقطع قلبها تنهار تبكي تروح لسجادتها وتناجي ربها بس كانت تقرب من زوجها اكثر واكثر تحاول تشغله تشاركه بالنت حتى تعود يشاركها تقول له شفت واحد طلب اضافتي واضفته طلع رجال وشتته طلع له قرون وينه هاتي ايميله كنسلي مسنجرك قالت له والله لويضيفني تريليون رجال غيرك مابي ولااشوف ارضت غروره لما تلاقيه عالنت تجي تسولف معه حتى لومالها نفس وماتتعمد النظر للجهاز غضي نظرك عن الجهاز هوبيحاول يخبي المحادثه تجاهلي كنك ماشفتيها استمرت على هالحال كان يطلع من عندها مشوار وتعرف انه طالع يكلم ماتتصل عليه تتركه ياخذ راحته كنها مادرت لوتاخر تتصل حبيبي شفيك تاخرت ماتقول معاك انتظار ويرجع يلاقيها باحلى صورة اكتشفت انه مسجل بمواقع الزواج لانها اسهل طريقه لصيد البنات جت قالت له بعد ايام حبيبي فيه موقع سجلت فيه اسمع كذا كذا انهبل يوم عرف انها مسجله فيه لاعبته لاعبته لاعبته كره هالموقع نهائيا وماعاد دخله الصبر وطولة البال كل وحده تعرف زوجها ومداخله ومخارجه لاتقولون مانعرف تعرفون وش يلفت انتباههم وش يشدهم بس يحتاج منكم لفترات طويلة وكفاح حتى تنتشلوهم ممكن حتى تجي على نفسك وتقولي عادي تكلم بنات بينهبل لوقلتي كذا بينجن ليه ماتغارين علي ردي عليه اذا ماحفت على مشاعري ليه اغار ؟ اجرحي وداوي اجرحي وداوي اسلوب الصراخ والمشاكل والله يابنات ماينفع معهم النتيجه جوالات ماتدرون عنها مكالمات في اوقات طلعاتهماوحتى بالعمل موكل مرة زوجك بيكلم من جواله ولاكل مرة بتصيدي رقم ثاني لهم طرقهم ومداخلهم وابواب الشر لين انفتحت انفتحت صدقوني مكالمتك للي يكلمهم بتفتح لك ابواب ليه تنزلين نفسك لوه قذرة ؟ ممكن حتى تجرحك بالكلام ممكن عناد فيك تتقرب له اكثر اثقلوا اللي تبي تحافظ على بيتها وزوجها تثقل وتحكم عقلها وتقرب من الله والله ماتندمون بكرة يجيبها لبيتك ماتدرين بكرة يسوي بلاوي مادرين خلك نبيهه تابعي بحذر حتى تكوني عارفه بكل الامور موتبقي على عماك لين يدخل يابيده وحده متزوجها من علاقه يامنومها في غرفتك وانتي عند اهلك مواعد بالعربي لااتصالكم بالهيئة بينفعكم اما بيرميك ببيت اهلك بحجدة اتهمتيه وفضحتيه وشوهتي سمعته والرجال لين حقد حقد ولاطلعتكم لاهلكم بتنفع ولاخناقك بينفع ممكن يطق بوجهك ويقولك خلاص هذا انا عاجبك هلا ماعجبك طقي راسك بالجدار( وانتم اخبر ببعض هماجة الرجال وعنادهم وبجاحتهم) اثقلوا وحلوا اموركم بذكاءكم وكيدكم اللي تبي فعلا تحافظ على زوجها وبيتها تتحمل وتصبر حتى لوزوجك عاقل فيه بنات يبلونه في نفسه ان زان الرجال مازانوا البنات مايخلون احد بحاله والدليل روحي معه لاي سنتر وشوفي كيف يحلى في نظرهم لمايشوفوه مع زوجته وتبدا حركات الاستفزاز حنا يابنات يامجروحات في زمن الفتن والشدائد كل يوم يمر نشوف اعظم هل نخرب على انفسنا والانحل امورنا انتي لما تطبخي طبخه ياترى بتطلع تمام لوعليتي النار عليها وطبختيها بدقايق ؟ ممكن تحترق ويروح تعبك وتخسري والاتخليها تتسبك على نار هادية حتى لوميته من الجوع ؟ وتطلع زي الورد العاقله بتفهم كلامي مضبوط الله يعلم اني ناصحه لكم ومتألمة لالامكم موكل زوج ملتزم يخاف الله ويتقيه ويوم مايلاقي ان زوجته ماتكفيه بيتزوج ثانية ولاكل زوج بيراعي مشاعر زوجته ولاكل زوج يعشق زوجته ومابيهون عليه يظلمها حرقة قلبي عليكم خلتني اكتب لكم اللي بخاطري فهمتوني يابنات ؟ _______________________________________ استغفر الله لي ولوالدي ولمن له حقا علي وللمؤمنين والمؤمنات والمسلمين والمسلمات الاحياء منهم والاموات 00يارب سخر لي زوجي واهدي اولادي ولا تضرهم وارزقني برهم 00سبحان الله وبحمده سبحان الله العظيم
جزااااااااااااج اللة خير على هالكلام والنصايح الي ماتبين من وراها الا الاجر والثواب من اللة ماقصرتي تحياتي
والله كلامك جد في محله واسال مجرب زوجي مووووو راعي مغازل ولا له بهالحركاااات المهم انااااا ببدايت تجارتي بالبخور الدوسري احياناااا استعمل جواله واكلم زبوناااااتي حسبالي الناس عاقلين زيي:teeth_smile: المهم وحده من الزبوناااات صارت ترسل له كول مي وساعااااات تتصل فيه ابي ام عبودي وتعرفون حركاااااات نص كم (((كله كوم وصوتهاااااا جنااااان شوي )) الرجال ياغافل لكم الله ما درى شووو مقصده وبس تتصل او ترسل يقول لي وحتى هوووو اعجب بصوتهاااا بس صج ما ينلام اناااا سحت معاه عادكيف هوووو طبعااا خذت جواله ارسلت رساله يابنت الناس لاعاااد تدقين على جوالي وكذااا مره انااا ماقلت لهااااا شي لانهاااا مبين لاعاااااابه وحفظة الرقم وقلت اذا اتصلت طنش وبس وفعلااا وبعدهااااااااا انقطعت ولا كنت اوضح لزوجي غيرتي وبعد كم شهررررررر ردت بس ما دقت علي تتصل فيه وانااا ابي وانااااابي وتترجااااه وتتمايع عليه <<<< بهذا اليوم استفزني زوجي بدون ما يحس لاني عارفه مياعتهااااا والله يذوب فيهاااااا الرجاجيل طبعااااا عرف اني غيررررانه وصااااار يستفزني كلمتني قلت وقالت وهو والله لا يكلمهااااا ولا يحزنون لان اربع وعشرين ساعه معاناااا وما معاه الا جوال والنت ما يعرف له اختكم في الله عرفت غلطتهاااااا حتى لوووووو غلطاااان لا تواجهيه سكتت خذت جواله شغلت خدمت الجوال كنترول وسويت بلوك لارقمهااااااااااا بجواله بدون ما يحس وانتهت حكاااايتي ههههههههههه بس توبه توبه اتصل من جواله على غيرررررر خواتي او اهله والبنت اللي بس تشك او متاكده لاتسوين شي خذي الارقام وعطيهاااا الهيئه وهم يكنسلونهاااا اذا تاكدو بطرقهم افضل حل هوووو عدم المواجهه لانك بتخسرينه وتكسري ثقته بانك واثقه حيل منه
