السلام عليكم بنوتات .. بقولكم قصة وحده أعرفها معرفه شخصيه .. زوجها يطلب منها إنها تقعد مع رفيجه و تسولف معاه و اتقهوى معاه .. وو الله يا بنات نفسيتها زفت زفت زفت و صارله كم سنه على هالحال لا يعطيها ويه و لا يسفرها و لا معبرها يقول كل إللي تبينه أسويه لج بشرط تكلمين رفيجي .. خلي عليج عبايتج و اقعدي معانا سولفي عادي هو يخلي مرته تقعد معانا على نقابها تسولف .. و إذا دق عالبيت لا تصيرين جافه معاه بس سلام سولفي شوي !!! قالت له شبيني و بينه أسولف معاه ؟؟ بدال ما تحفظ مرتك و بيتك تقولي جذي .. بنات أدري صدمتكم و محد مصدق .. و الله إني أعرفها معرفه شخصيه البنت صارلها حوالي 16 سنه متزوجه و حياتها جحيم معاه بس ما تبي الطلاق عشان عيالها .. و سالفتها لو درى أحد من أخوانها عنها جان دواااهي بس ساتره عليه ,, و وصلت فيه مره يقولها و إنتي نايمه ترا صورتج من ..... و بلاوي بلاوي بلاوي غيرها و هي انصقعت من الصدمه تقول الريال و الله ما كان جذي من تعرف على هالكائن و هو منقلب 180 درجه .. و آخرتها قالها إذا ما سويتي إللي أبيه آنا بتزوج عليج آنا أبي وحده فري .. و هي هنيه ماتت .. تقول و الله إني ماسكه ديني على جمر معاه ...و صابره على غثاه و آخرتها أصير آنا الغلطانه لأني ما طاوعته ...؟؟؟ و الله يا بنات تقولي سوالف عنه من قهرها توقف الشعر شي ما تخيل فيه ريال يسوي أفعاله .. بنات و الله دايم أنصحها و أحاول أخفف عليها بس مهما كان المره حيل منهاره .. مع العلم اني مره شفت ريلها معاه وحده بالسياره و دقيت أسألها إنتي رايحه المكان الفلاني اليوم قالت لأ بس ريلي !! ليش هالسؤال شايفه معاه أحد ؟؟ و الله يا بنات انصدمت قلت لا شدعوه بس عرفت سيارته و شكله .. لدرجه قعدت أكذب نفسي و أقول لا أتخيل مو صج .. و أخذت راي إختي قالت سكتي عن الموضوع لا تدمرين حياتها زود دمارها .. و سكت و لا علمتها .. بنات شنو نصيحتكم ..
والله حبيبي سالفت رفيجتج سالفه اصعب شي لما الرجل مايكون كفو ويستر على حرمت بيته بس بصراحه اهي أمرأه مجاهده وتلاقي اجرها عند رب العالمين ومالها الا الدعاء انه الله يهديه ويستر عليها ويحفظها من كل مكروه وخل تحسسه انها ضد ها التصرفات هاذي وخليها تذكره وتنصحه من ناحيه دينيه انه الي قاعد يسويه مايرضي رب العالمين والله يفرج همها
المره لازم تلعب لعبتها بهالحاله تساير الريّال وتخلّيه اهو اللي يطلب منها اللي اهي تبيه واضح جدا ان ريلها يتأثّر باللي حواليه بسرعه وبصراحه لا تزعلين مني .. واضح جدا انها اهي مقصره معاه طبعا انا ما اقول انها تترك دينها.. بس واضح ان في فجوه بينهم وبرود بحياتهم!! اللي خلّى الريّال اللي توّه متعرّف عليه يأثر عليه لهالدرجه وبهالسهوله ما يخلّيها تأثر عليه واهي زوجته وحبيبته أم عياله واللي بينهم سنين؟؟ وين دورها؟؟ ليش ما تلعب اهي دور الصديق واضح انه يقعد مع هالصديق أكثر من قعدته معاها طبيعي ترى يا جماعة الحياة يصير فيها فتور خصوصا بعد ال10 سنين الأولى من الزواج لا وبعد قبلها ساعات بس الشاطره اللي تبي تحافظ على زوجها .. تجدّد خليها تجدّد علاقتها فيه واضح بعد انها مو تارسه عينه هاللي خلاه يطالع غيرها خليها تسوي له المستحيل تلبس له تغيّر اللوك مالها تنعش حياتها الزوجية وتغازله.. ترى ما فيها شي .. خليها تتغزل فيه وتسمعه أحلى كلام .. لا تخليه ينطر يسمعه من بره وبنفس الوقت تدعي له تدعي له وأأكد على هالشي وتقرا سورة البقرة لمدة اسبوع يوميا ولا تيأس.. خليها تجرب مره و2 و10 لا تخلي غيرها يتهنى فيه واهي أولى سامحيني على صراحتي
الله يعينج كل هذا وصابره عليه اهي تحاول تنصحه بكل الطرق وانشالله تكون نزوه ويرجع لها وانا مع بنت الانصاري من ناحية تهتمين فيه بس انتي قربي منه كصديقه موتعصبين عليه لا سمعيه اكثر من تتكلمين انتي وصدقيني بيرجع لها انشالله والله يهديه
الله يكون في عونها مالها الا الصبر والدعاء .. وتسوي زي ماقالوا البنات الله يفرج همها وهم كل مهمومة ياااااارب
خل تمسك دينها افضل لها . . . هذا مو رجل لو رجل ما طلب هالشي . . . رفيجه يبي اكثر من سوالف وحجي بكر يصير ماهو اقوى من جذي . . .
رضى ربها ابرك من زوجها اللي رسولنا وصفهم >> الديوث << اللي يرضى على اهله الحرااام .. واللي مثل هالاشكال مايستاهل اني اتضايق عشااانه ويمكن هذا ابتلااء من الله ويبي يشوف مدى صبرهاا تتمسك بدينها وصدقيني ربي ماراح ينساها ويخذلهاااا .. وتحاول تغيره وتخوفه من ربه تحط اوراق تنبيها بسيارته بدون يحس يمكن ربي يهديه واسأل الله رب العرش العظيم ان يهديه .. ولاتخاف مدامها مع ربي وهو اللي بينصرها وراح يعوضها صبرها خييييييير .. اهم شي انها ماتهمل نفسها وتحاول تجدد بحياتها وتسوي كل اللي عليها من واجباات وتتمسك بدينها وتتكل على الله سبحااانه وتعالى ..
بنات موسالفه تتكشخ و تتدلع .. الريال كارهها و الله محتقرها احتقار تام مع انها منصب و انيقه و عيالها اكشخ و اذرب لبس بس ينظرلها بدونيه لأنها مو ملكة جمال و مو بيضاء الثلج بعكس ريلها فشايف نفسه عليها و مشتغل عليها و على عياله طق بالخيزران .. و الله لو تشوفونها برستيج جدام الناس و رقي و منصبها رئيسة قسم لكن بالزوايا انهيار عاطفي و معنوي .. حتى عيالها يكشون من ابوهم علاقتهم معاه مو مألوفه و لا اسميها طبيعيه .. حتى بنته متفوقه ما شاء الله عليها قام يكسح فيها و بيوم تفوقها طاقها طق .. شي مو طبيعي ع هالريال ..
الله يعينها والله ضاق خلقي عليها بس انصحها خليه يتزوج وبلاه على الثانيه وكثري استغفار وسورة البقره ترى رفيجه مسوي له سحر والله اعلم
هلا أختي . . . وليش تنهار وتحطم حياتها . . . الدنيا ماراح توقف عند رجل ما اشجعها لكن خل تثبت عليه سوالفه بالجرم المشهود خل تسجل له ما يطلب منها انها تحاجي رفيجه وتقعد وياااه وتشوف اعقل واحكم واحد بأخوانه وتخليه يسمع الشريط . . . إذا هو ماكان جذي ومتغير فجأة مثل ما قلتي بالأول من تعرف على هالرفيج واوحيتي لنا بأنه مأثر عليه بطريقة غير طبيعية خل اخوه يشيله ويوديه الحداد يقرى عليه . . . لكن الآن انتي تقولين أنه احلى منها وأهي اقل منه جمال وهذا ما ينظر له إلا الرجل اللي يهمه المنظر وليس المخبر وهالنوعية سطحية ويتلذذون بمتعة النظر لكل ماهو جميل . . . ومافي امرأة قبيحة ابداااااااااااااااااا ياما حريم اشوفهم لاول مرة مو حلوات وفجاة مع منطقها وسوالفها والله تعدل مليون جميلة تصبح في نظري . . . أختي وري عليها باللي قلت لج عليه وبمنتهى السرية ترى اللي يطلبه شي حرام والحرام عقوبة من الله تعالى خليهم يضبطونهم هالمختل رجوليا . . .لكن بمنتهى الحذر والسريةةةةةةةةةةةةة وربي يهديه
كلام اختي ام عبدالله عين العقل وماعندي اي اضافاات الا بالدعااء لهاا بإن ربي يعينها على ماابتلاااهااا ..
لا طاعة لمخلوق في معصية الخاالق...مالها الا تصبر عليه حتى لو ماتغير لا تطاوعه ومالها الا الدعاء وعلى طول خل تذكره بالدين والله يعينها
انا مع ام عبدالله يمكن يتمادى مع الايام وتصير اكثر من مجرد سوالف مع رفيجه هذا مو كفو تتعدل له وتغير لوكها عشانه خل تتمسك بثباتها على دينها الله يعينها انشالله
الله يكون في عونها مالها الا الصبر والدعاء .. وتسوي زي ماقالوا البنات الله يفرج همها وهم كل مهمومة ياااااارب
