السلام عليكم يا احلى بنات بالمنتدي اشلونكم ببدي موضوعي اهوا شويي قوي بس شسوي مالي غيركم وارجوكم بدون تجريح زوجي يبيني اشيل حجابي يبيني اكشخ والبس بلابز قصيرة يعني امشي ع الموضة بلبان يعني يقولي ليش تلبسين البلايز الطويلة تعرفونها يبيني البسها نفس الفستان بدون بنطلون حدالركبة يقولي ليش ما تلبسين مثل اختي يعني مادري قاعد يطالع برا يشوف الحريم تزوغ عينه كلمته قلتلا حرام مايبي يقول شيلي شسوي معاه زوجي مو متفاهم صراحة فررر راسي بس انا مشتتة افكاري انا زوجي هوشاتنا دايم بسبب الحريم والحين شنو الحل:emoticon_U:
لا حول ولا قوة الا بالله اختي يعني انتي الحين مو عارفه الحل..!!!!!! انا استغربت صج انتي متشتته بس انتي شنو رايج هل ترضين زوجج ولا ربج بالاخره ومنو اللي بنفعج بالنهايه لا لا تحاولين وقوليله كيفك انت خذيتني جذي لازم ترضى فيني عمري كله وانا جذي وقوليله ماعندك غاريه علي تبي كل من هب ودب يشوفني ويشوف جسمي ...الصراحه انا وايد احتريت بس اللي بقووله انتي عقلج براسج وتعرفين شتسوين واسفه علي الاطاله بس صج صج احتريت والله يكون بعونج ويهديه لج ياربي
والله صراحه امره عجيب يا اختي لبسيله هالاشياء بالبيت .. يعني ما يستانس الا لما العالم كلها تشوفج اللهم سترك .... الله يهديه غصباً عليه ... والله يعينج ...ولا تقطين الحجاب الواحد ما يدري متى يموت .....ميخالف ابي اخرعج شوي بس انتي ما تشوفين الحوادث كثرت ..والوفيات اغلبها شباب ... انتي تدرين متى يومج؟؟؟ الواحد يقول يالله حسن الخاتمه وهو صغير ..مو بس للشياب هالكلمه اللهم احسن خاتمتنا حاولي معاه واقنعيه ....
وانا بعد اقولك مثل اختي loloblo لبسي بالبيت اللي يبية بس لا لا لا لا لا لا تشيلين الحجاب تري فرض علينا
مساء الخير والله كلميه وفهميه قولي ربي فرض الحجاب نفس الصلاة ولو تركته او شلته بتعاقب واكيد بيهدي ربي وبعدين اصري على رايج ولاتشلين لحجاب وبعدين المفروض يغير عليج ولا يرضى احد يشوفج بهالبس برا لبسي له بالبيت وصدقيني ماراح يشوف برا وربي يهديه انشالله
حبيبتي احنا كلنا متحجبات وفينا لابسين عبي ومتنغبات ولكن نكشخ ونلبس على الموضة في بيتنا وما نخلي ازواجنا يشوفون برة وحبيبتي لا طاعة لمخلوق في معصية الخالق وانا انصحج اذا كبرت المشكلة بينج وبينة انج ادخلين احد بينكم يحل هالمشكلة بالتوفيييق
اشكر الجميع على وقوفهم جنبي بس زوجي عنيد وانا اكثر وحدة تعرفه ترا ما يكلمني يضغط على بكذا شغله اول ما تزوجنا كان يحب الحجاب بس ما دري اشصار في على فكرة كل اهلا مولابسين حجاب حتى امه الانسان يكون معتدل لا يهتدي او (......) وانا زوجي الثانية للأسف بس اشرايكم اطلب الطلاق اذا اصر ترى انا ما عندي خبرة بالحياة فهموني
من ترك شيئاً لله عوضه الله خيراً منه هذا حديث شريف عن الرسول صلى الله عليه وسلم ........... حاولي بكل الطرق ...واسرديله قصص من خيالك ..او حتى حقيقيه ...عن عيوون الرجال وشلون تنهش اللي يتكشفون واسمعي هذا الحديث (نظر الرجل في محاسن المرأة سَهْمٌ من سهام إبليس مسموم فمن أعرض عن ذلك السّهم أعقبه الله عبادة تَسُرُّه). رواه عمر بن شبّة. اخذي هذا الموقع من ترك شيئاً لله عوضه الله خيراً منه (1) ودوري هني.........وعسى الله يوفقك لما يحبه (الله) ويرضاه الحديث الشريف :من ترك شيئا لله - بحث Google واتمنى يكون حجابك من النوع الساتر الفضفاض . مو البنطلون الضيق وبلوزه ضيقه فوقه .....اسمحيلي .. لاني اشوف جذي بنات ...
كدا مايحبك عشان عاوز الناس كلها تشوفك تمسكى بالله ليس ببشر غير متمسك بكى الله يعينك ويهدية ان كان صالح يارب
حبيبتي اولا هلا هلا بحجابج ثانيا احب اقول لج ان فيه رياييل يعبرون عن نفسهم بطريقة المسجات او الرسايل .........شلون يعني ؟ انتي تقولين ان اهله كلهم مو متحجبات بس شلون لبسهم ؟ اهم كشيخات ؟ ولا المهم انهم يلبسون قصيروبس ؟ ما اعنقد اللي اشوفه انهم كشيخات ... لا تزعلين مني وكملي للاخر . اول شي انتي جم عمرج شنو تلبسين بالبيت وبره البيت - شنو الالوان اللي متعوده تلبسينها - شنو تلبسين بطلعاتج وياه ولما تروحون بيتهم اعتقد انهم متكلمين عن لبسج جدامه وعلشان جذي اهو يحاول يغيرج باسلوبهم بينيله انج تقدرين تصيرين مميزه حتى وانتي محجبه - تقدرين تكونين ستايل - تقدرين تكشخين وتصكين على احلاهم بلبسج وحجابج وحزتها اذا عقب كل هذا ما عجبه الحال فربج اولى بطاعته من عبده
يا هلا بالغالية شوفي انا كله بالبيت البس واكشخ ما ألبس شي طويل اصلا وريحتي علطول حلوة وشعري وكل شي لا وبعد من صار يقولي عن الحجاب قاعدة ازيد من كشختي لانه تدرين بمشاكلي مع زوجي واشلون اهوا مال حريم ونت المهم يعني انا كاملة واهلا كشيخين لدرجة لبس قصير وبرمودا يعني كل ما تتصوري حتى البحريلبسون مايوه فماكو فايدة فيه زوجي منساق حق اهله فمادري اسمع كلامه او اتركه
نسيت انا عمري 27 والبس كل الالوان ترى والبس دايما حلو لاني انا ذوقي حلو حتى اخته بس تروح السوق تاخذني معاها لاني ذويقة
لبسيله بالبييت بس قوليله الله فوقنا ومايرضى يهالشي جان من اول خذاله وحدة سفوووور ليش توه يستوعب انه مايبي الحجاب مالج شغل فيه قوليله ربي اولى او حاولي تفهمينه بطريقة غير مباشرة انه رايه غلط وبدال لا يحجب اخته يبي يفصخج انتي
لاحول ولاقوة الابالله الصراحه زوجك امره غريب انا اعرف ان الزوج يغار على زوجته ومايبي يطلع منها شي جدام الناس بس انا اقولج تاعاليله في السياسة والبسي في البيت كل اليبيه بس لاتغضبين ربك اهم شي رضى الله وادعي ان الله يهديه لج والحجاب لاتفصخينه لان راح تندمين وزوجك في الاخره ماينفعك لم تقابلين رب العالمين عسى الله يهدي زوجك اللهم امين
