السلام عليكم حبيت اسالكن يا اخواتي عمركن تهاوشتن مع حمواتكن او اخواتكن او حريم حموانكن او اي وحده عشان عيالج وعيالهن تهاوشو انا عن نفسي والله ماتهاوشت اللهم بس خواتي اقولهن عيالكن هم الباديين اما مع حريم حموييني مالكم امل افتح حلقي والله انا اشوف حريم شنو عقول صغيره عيالهم تهاوشو وهن يكملون الهوشه ووالمشكله العيال كملو لعبهم والحريم زعلانات بس اتمنى من اخواتي يقنعوني ليش امهات الحين جذي هل لانهن متحججات على بعض او دلع لعيالها او شنو تقصد بضبط
هلا اختي . . . لانهم بكل بساطة تافهين في امور نتغاضى عنها ونطوفها لكن لما الام تتدخل بين الاطفال وتزيد طفلها عدوانية ضد طفل حماتها او ايا كان اهنيه لا بد نوقف الام عند حدها لان هالشي مؤذي لولدها اولا وللطفل الثاني وللام نفسها مستقبلا . . . عن نفسي اطوووف لان مثل ما قلتي يتهاوشون دقايق ويردون احباااب ساعات . . .
شوفي حبيبة قلبي احيانا الوحده فينا ماتقدر تقول انا ما اشتهيج او انا منبطه جبدي منج ....تلقينها شتسوي؟ تنطر اي طفل يتهاوش مع ولدها وتحط الحره بامه .....ولها مع ولد حماها يعني هي ومرت حماها وهذا يدل على صغر العقل وقلة التفكير والطامه الكبرى طبعا اذا كبرت وصارت بين الرياييل ههههههه هعني نقول على العقل السلام والله وربي اعرف سالفه صارت لاثنين اعرفهم حق المعرفه ... ولد الاخ الكبير تهاوش مع بنت عمه اللي هو الاخ الصغير جان تدخل مرت الكبير بهوشه مع مرت الصغير وشوي شوي كبر الموضوع وتدخلوا الاخوان الصغير يسب الكبير وتفارقوا لمده 16 سنه ....والله وربي على ما اقول شهيد انه من شهرين تقريبا تفاجأوا الكل انه الولد اللي تهاوش مع بنت عمه واللي كانوا هم سبب فرقة العمام طلب يتزوج بنت عمه لانه يحبها ويبيها واضطر الاخ الكبير يخطب بنت اخوه لولده وارجعت المياه لمجاريها وحاليا الكل ندمان على السنين اللي فاتوا بالذمه وين العقل بالموضوع؟
الله يجزاج خير ام عبدالله كلامج دايم مقنعه ويجزاج خير يا ام المزايين والله سالفتج الصراحه شي لا حوله ولا قوة الا بالله 16 سنه وزعلانين صج عقول
يويويو وربي هالناس انهبلت كل هالسنين عشان بزران من جد هذي السالفه دايم تحصل البزران يتهاوشون والكبار يدخلون عرض ويرجعون الاطفال يلعبون معا بعض ولا كانه شي صار بس المشكله بهالكبار وش يصالحهم اهم شي كل وحده تعلم عيالها من قبل تطلع او تروح للجمعات اللي ماتجيب الا المشاكل انه يصيرون عقااال ولايتسببون على بعض واذا طقك احد رح قل لامه وخلصنا لاتجي تتشكى عندي ولا تتطقاق .. انا اشوف ان كذا احسن حل .
المشكلة مو من العيال المشكلة عندي من سلفتي عقلها عقل طفل تتخانق مع عيالي ماتتجرأ تواجهني ابد والله انها تطارهم الحمدالله الشكر وعيالي ما يواطنونها لدرجة انهم يردون عليها وانا اعامل عيالها مثل عيالي حسبي الله عليها ان كان لي ولعيالي عندها حق لان هوشة الصغار مايدخل فيها الاناقص عقل شوي وهم متصالحين ايش ينوب اللي تدخل من الكبار غير الفشيلة وسخرية الاخرين منه
