السلام عليكم انا مسويه عمليه قيصريه من 9 شهور بمستشفى الصباح وقاعد ييلي عوار بن كل شهر وشهر وايد امتعبني وهل عوار بمنطقه الرحم جهه اليسار وبعد مازاد على العوار رحت لطبيب نسا بعياده خاصه كشف على وقالى ماافيج شي يمكن يكون قولون وقالى روحي سوي سونار بمستشفى السلام مشالله عليه دكتور شاطر سوالى السونار واكتشف ان فيني الاتهاب بلمبيض وشاك ان مستشفى الصباح رابطيلي مبيض بدون علمي وقالى اخذي التقرير وودي حق دكتور النسا وخليكتبلج دواء وبعدها رديلي اسويلج سونار واتاكد اذا راح الالتهاب او لاء وطبعا يابنات اانا سالته من شنو هل التهاب قالى خطاء طبي ويمكن احد دش عليج بغرفه العمليات ماكان معقم ومسك الجرح او الاجهزه ماكانت معقمه حسبي الله عليهم وخرعني قالى اكثر هل حالات اذا ماتعالجو يصير فيهم عقم ولازم عمليه:frown: بنات ابي مساعدتكم ودعاكم بليزز لاتنسون.. وفيدوني وجزاكم الله خير :emoticon_U:
واللة حبيبتي انا بجر وماعرف بس الي اعرفة ان لازم الي مسوية قيصرية بعد 6 اشهر من العملية كل شي يرد ومايصير شي انتي شوفي دكتور خاص وشوفي نفسج وقت الدروة نفس قبل ولا لأ اللة يشافيج
هلا اختي انا سولي عملية قيصريه الحين لي خمس شهور ولاده احس بس بحك انصحك نصيحة لوجه الله روحي مستسفى دار الشفاء عند دكتور مصطفى توماس الدور الاول ماشالله عليه شاطر ويريح قلبك يابعد قلبي الله يشفيك انشالله بس ادعيلي اكون حامل
انا نفسك عملت قيصرية بقالي 7 شهور ولغاية دلوقتي مجتليش الدورة قلقت ورحت عند الدكتورة امبلرح وعملتلي تحليل حمل وطلع مافيش حمل وقالتلي تأخير الدورة من الرضاعة الطبيعية مع اني بدأت احس بوجع في بطني كأني حامل تاني الله المستعان
حبيبتي كل شئ نصييب بس والله مستشفيات الحكومة تعبانة والخاص وايد أحسن وإذا عملية أحسن روحي مستشفى السلام أنا 3 عمليات قيصرية مسوية عندهم وايد أحسن من مستشفي الراشد اللي سويت عنده أول عملية, أنا عندي 4 كلهم قيصرية الله يآجرنا انشالله
السلام عليكم حبيبتي القيصرية عملية مو سهله ولازم تتحملين آلامها انا سويتها من 12 سنة تجميلي وشحلاتها ولكن لليوم اذا شلت شي ثقيل او عصبت يعورني مكانها عادي هذي فتح بطن وبعدين حبيبتي لاتخافين يمكن انتي سمينة هم يأثر لان المنطقة تكون مخفية والبكتريا ماشاء الله تلعب دور حاولي تنظفين المنطقه على طول وتنشفينها عدل وامشي كل يوم نص ساعه وراح تختفي الاعراض ان شاء الله ومايمنع تراجعين الدكتور الي مدحته الاخت ملاك 1دكتور مصطفى محمد تومسو ( اصله نيجيري ) وبعد في دكتور اسامة صالحة بدار الشفا عجيب
هلا أختي . . . روحي لدكتور الدكتورة ماراح تكون بكفاءة الرجل صدقيني هذي تجربتي مع هالطبيبات الحريم :sad_smile: شوفي روحي للطبيب ولا تقولين له اي شي عن الكشف السابق ولا التقرير بس قوليله عن الاعراض اللي تحسين فيها وشوفي اذا اهو فاهم بيقولج شنو شاااف بعدها بطي الجربة وراويه التقرير والتحاليل . . .>>اسلوب بوليسي
اول شي الله يشفيج انشالله انا مع كلام البنات انا فبجري سويت ولادتي حيل تعسرت وكان دكتوري (مصطفى تومسو) اللي بدار الشفا وابصراحه حق القيصريه انا عندي هالدكتور افضل دكتور انا الحين حامل فبنتي الثانيه وصارلي تقريبا سنتين والله العظيم يمكن ما تصدقين اذا قلتلج من اول ما سويت العمليه لحد الحين وانا ما احس بالعوار.. فنصيحه مني لج يا اختي (( مصطفى محمد تومسو)) واااايد ممتاز والله العظيم وادعيلي يا قلبي الله يسهل ولادتي واقوم بالسلامه
انا مسويه قيصيرية بدار الشفا عند دكتور حسام وماشالله وايد زين بس ماياني عوار مثلج تبخري يمكن يكون فيج هوا لان الهوا يسبب عوار قبل لا تروحين الطبيب تبخري ثلاث ايام بقشور بصل وكمون وشربي مرامية او دارسين اذا ماراح العوار روحي الطبيب والله يشافيج ويعافيج يارب
انا مسويه قيصري بدار الشفا عند استشاري من سنتتين ولحد الحين من فترة لفترة يجيني عوار من الصوب الايسر من بطني وسالت الدكتور وقالي قولون واللللله يشفي المسلمين ياااااااااااااااااارب ويشفيج ولا تحاتين وكلي الللللله
انا سويت عمليه من سبع اشهور وشوي والحمددلله كل شي زين انصحج روحي المستشفى وتطمني احسن لانه الي يربون بعمليه معرضين اكثر من غيرهمبمشاكل في البويضه روحي راجعي والله لا يبليج ان شاالله ةيحفظج من كل شر
الله يشفيج حبيبتي انا مسوية قيصرية من سنة و شهرين وما فيني شي بس إذا شلت شيء ثقيل أحس بعوار أنصحج تمسحين منطقة العملية بكحول و تخليها ناشفة على طول و لا تشيلين او تسحبين شي ثقيل و بنفس الوقت استشيري دكتور شاطر
أنا كنت عند مصطفى تومسو كانت خياطه روعة في القيصرية في ولادتي الأولى وبعدين عند الصباح وعرفت الفرق وهو التوفيق من عند الله ثم الخياطة الجيدة للبطن
