السلام عليكم ورحمة الله وبركاته بنات انا عندي مشكله واتمنى من اللي عندها خبره تفيدني انا يوم كنت حامل على بجري ما كنت اخلي ريلي يعاشرني لاني اول مره وكنت اخاف يصير شي بالجنين فكان فيني عوار خفيف رحت الطبيب قالولي مفتوحه سانتي ونص وللأسف انا اصلا ما كنت مفتوحه ولا ربع سانتي ودخلوني غرفة الولاده وعطوني 15 تحميلة طلق صناعي بس ماكو فايده ولا سانتي مفتوحه اهمه ما طلعوني من المستشفى خلوني على هالحال الطلق يرتفع وشفت الموت انا والجنين ودقات قلب البيبي كانت ضعييييفه بعدها لمن وصلت الموت قالولي قيصريه لازم نولدج ومع الكلام قالولي عنق الرحم عندج صغير حيل فبغيت اعرف في وحده مرت نفس اللي انا مريت فيه وولدت طبيعي ولا لازم كل العيال يكونون قيصريه جد جد انا محتاره وميته خوف وانا الحين بدش الشهر الثامن ومادري شسوي؟؟
نفس حالتي بالضبط ابجري مريت بكل اللي قلتيه وقالتلي الدكتوره عنق الرحم صغير جم عمر ولدج الحين اذا كان سنه وفوق ان شا الله تولدين طبيعي الله يرزقنا الطبيعي قولي امييييييييييييييييين:smile:
حبيبي يسلمو ع مرورج يا قلبي وانا عندي بنوته الحين وعمرها سنه و8 شهور وانشالله تكون ولادتي طبيعيه يارب الله يسمع منج
عادي مالة شغل انا اعرف وحدة بجرها توأم ولدت قيصرية لان عنق الرحم صغير بس البيبي الثاني بعد 7اشهر فرق ولدت طبيعي لاتحاتين واللة يسهل عليج
حبيبتي المعاااشرة باخر شهرين ضرووريه تسااعد الرحم علي الولاده سبحان الله كلام دكتور طبعاااا ممكن تسكير عنق الرحم سببه عدم المعااشرة الحين عليج بالمشي ووو المعاااشرة من الشهر الثاامن خليهااا تزيد يالغاليه وووووالله يسهل عليج:wink_smile:
بالعكس حبيبتي المعاشره في الشهور الاخيره ما فيها شي مثل ما قالت حبيبتي ممرضه و عليج بالمشي في اخر الاسابيع خصوصا على رمل البحر و كثري من اكل التمر و ان شاءالله الثانيه طبيعيه يارب
