سااااااااااااااااااااااااااااعدوني بنات الكويت

سلاااااااااااااام خواتي امي تبي منكم طريقه عمل المموش اكله كويته يمكن اسمه كذا صح
المموش

دقااايق حببوووبة

المقادير:

2 كوب ارز بسمتي
1 كيلو لحم قطع ,مسلوق
2/1 كوب عدس ماش (اخضر)
4 ملعقة كبيره زيت او سمن
2 حبة متوسطة بصل، مفروم
2 فص ثوم، مهروس
4 كوب مرق لحم
2 ملعقة صغيرة ملح
1،5 ملعقة صغيرة بهارات مشكلة
2 عود قرفة (دارسين)
6 حبة فلفل اسود، صحيح
6 حبة هيل,صحيح
2 حبه قرفه,صحيح

الطريقة:

1. ‍اغسلي الارز بالماء الصافي عدة مرات, انقعيه في ماء دافئ ملح 15-20 دقيقه. صفيه. إنقعي العدس في ماء دافىء 20 دقيقه, افركيه للتخلص من القشور و صفيه.
2. سخني الزيت في القدر, وحمري البصل والثوم الى ان يصبح ذهبيا, احتفظي ببعض البصل للتزين.
3. أضيفي العدس الى البصل, وقلبي لعدة دقائق .اضيفي البهارات والملح والمرق. دعيه يغلي لعدة دقائق الى ان ينضج العدس بعض الشيئ.
4. اضيفي الارز. غطي القدر باحكام واتركيه يطهى 12-15 دقيقه, ضعي قطع اللحم فوق الارز. اتركيه على نار هادئه 20-25 دقيقه الى ان ينضج. ضعي المموش في طبق التقديم وانثري البصل على سطحه.

يسلمووووووووووووووووو حياااتي مشكور

واذا نقعتي العيش ويا الماش مع بعض وغسلتيهم مع بعض بحيث انهم يختلطون

ترى يطلع احلىى وتنقعينهم

وبعدين حطي البصل واحمسيه لين يذوب وبهارات بس شويه لاتكثرين لان موحلوه بالبهارات وما

يمنع تحطين شويه فلفل اسود

وسوي بعد كاري دجاج >>طريقته : تقطعين الدجاجه 8قطع يعني صغار وبعدين تحطين بالجدر بصل وثوم وبهارات القوطي الاخضر ابوسفينه قفشه صغير اللي اكبر من مالة الحوس ونص قفشه كركم

وهيل فلفل اسود وبعدين تحطين الدجاج فوقه وتقعدين تحمسينه لين تحسين تغير لون الدجاجه تقطعين طمامطتين مربعات وبطاط مربعات حسب الرغبه وتحطين بس بيالة ماي وتغطينه وتخلينه يطبخ على نار هاديه لين يتناشف الماي وتحسين نضجت الدجاجه ومافيها زفره تستغرق الطبخه ساعه الا ربع << واذا خلص حطيه فوووق المموش اذا نجبتيه وسلطة رووب للي يحبون روب ويا العيش

وهني وعااافيه :wink_smile:

اووووووووف وربي عجيييييييييييييييب <<< اممممم والله اشتهيته باجر بسويه على الفطور

شاء الله:teeth_smile: .

مشكورة اللي سالت ومشكورة اللي ردت عليها يسلمو وجزاكم الله خير​