ساعدوووني عندي رهبه شديده من................؟ السلام عليكم ورحمة الله كيفكم اخواتي مشكلتي مادري يمكن تضحكون علي لاني كل ماأسأل امي عمتي اخواتي يضحكون علي وهي (اخااااااااااااف جدا جدا من الفحص المهبلي ) علما ان عندي ولد الله يحفظه اربع سنوات وتاخرت في الحمل لاني تعبت في ولادته وتعبت نفسيا وقبل سنتين فحصة علي دكتوره والمتني وقالت عندي جزء من عنق الرحم مقطوع من اثر الشفط وقت الولاده وممكن احتاج ربط كل حمل او اجهض وقبل شهرين حملت ولا كتب ربي يثبت طبعا حملت قبل ما اتاكد من كلام الدكتوره ولما حملت رحت لها قالت كيف اتاكد وانتي حامل وطاح الحمل والحمد لله على كل حال والحين ابغى احمل مره ثانيه ولازم افحص عشان اتاكد عنق الرحم سليم ولا لا وكل ما اسوي موعد مع الدكتوره الغيه رحت قبل اسبوع ولما جت تفحص رفضت وقمت من السرير وانا ارتجف قالت تعالي بعد اسبوع لازم وخايفه اروح طولت عليكم بس كيف اقضي على هذا الخوف افيدوني واللي مثلي وتغلبت عليه تعلمني وجزاكم الله خير اختكم :ام عزوووووز
ياحياااااااتي واللــــــه حاسه فيج آنـــا بعد دايمــاً أبصّم على مسؤليتي وانحاش هههههههه مادري شنو الحـــل!!!!!! أضم صوتي لصوتج وأقول ياليت أحــد يساعــدنا من هالعقــده.. وأتمنى لج الشّفـــاء العـــاجل يارب..
عادي ليش تخافون يعني مو اكثرمن عوار الولادة صح ولا لا وثاني شي مو كل الدكاتر ايدهم تقيلة والله جربيت دكتور ما حسيت بولا شي واستغربت لما قالي خلصت عشان اول حمل الدكتور لي ولدني وكان يفحصني كان يدبح من العوار سبحان الله احسن عوار بهالدنيا احب ايام الولادة مهما تعور ينتهي العوار باحلى بيبي
واللله يااقلبي صح يالم بس كلام اختي مو مثل عوار الولادة بس كل هذا اجر انتي توكلي على اللله وروحي واستحملي وجع كم دقيقة ولااتحسرين كل ماحملتي يطيح يااقلبي انتي بس تعوذي من ابليس وانسي ولاااتفكرين وسوي نفسج بتنامين على السرير واسترخي ومااراح تحسين بالم ان شاء الله يقلبي وان شاء الله تبشرينا على حملج الياي وبثباته ياارب
عادي ياقلبي كلنا في البدايه كنا جذيه اهم شي رخي نفسج ولا تحاتين وايدين الدكاتره مو مثل بعض انا عن تجربه فحص الدكتور الرجل اهون من فحص الدكتوره مادري ليه بس لحد يضحك علي وعند الفحص خذي نفس والله يعينج يا قلبي هذا كله في سبيل الحمل ما يخالف
صح اختي اقوى الصبر واللله العظيم انا كشفت علي دكتورة اعوذ باللله احس بموت من الالم ويوم كشف دكتور والله العظيم ماحسيت الا بالم خفيف لانه اهو يعلمج اشلون تاخذين نفس وشلون ترتخين بس الدكتورة مااالها خلق
الله يثبت حملج ويرزقج بولد اخو لاخوه ويرزقج بنت يكفخها عزوز دوم انا اختي تقول انها اذا دخلت للفحص تغمض عيونها وطول وقت الفحص تستغفر وتحلف انها ماتحس بالم بتاتآ
صح لازم لازم تسترخين ولا تشيدين وكلنا مانحب الفحص بس شنسوي وصح توكلي على الله ولا تاجلين عشان ماتتحسفين باجر ولا تتاخرين احسن لج
شوفي حبيبتي حطي ببالج انج تبين الحمل وهالهدف تحملين عشانه كل شي وبيخف احساسج بالالم لان اغلب الاحساس الي يجيج نفسي يعني شبه صارت فيج عقده من الولاده ومثل ماقالولج اخذي نفسج وسكري وعطي نفسج احساس انج مبنجه وقولي بقلبج عادي ماتعورت ماكو شي يخوف ومن هالتشجيع والله يكتبلج الحمال ان شالله
سوي مثلي كنت ما اروح عند دكتور او دكتوره الا اذا شفت ايده صغيره هههههههههههههههههه وبعدين عادي صج يعور بس كلها دقايق وينتهي الامر وتتطمنين تذكري انج عقب هالفحص بتحملين وتييبين بيبي ضحي عشان هاللحظه اللي بتيبين فيها بيبي توكلي على الله ولا تخافين
مثل ماقالو الخوات مو اكثر من عوار الولاده والفحص هذا مايطول لاكثر من دقيقه انا جذي والله اني تعقدت بولادتي الاولى بسبه الفحص الداخلي وبولادتي الثانيه بالطلق تبي تفحصني الدكتوره بتشوف اذا طلق كاذب ولا ولاده واكيد لازم تدخل ايدها اول شي قمت ابجي ومابي وبنحاش وقاعده اصرخ انادي ريلي ابي الفزعه يعني بس اخر شي رضيت بالامر الواقع والله العظيم اني ماجذب عليج ماعورتي كلللللش ولا حسيت بعوار خفيف ماشاءالله عليها ايدها خفيفه وبعدها بساعتين يتني دكتوره ثانيه هم فحصتني داخلي وماعورتي بس يمكن اول مره علشان اول ولاده وكلشي يعور حيييييل باول ولاده توكلي على الله وحاولي تقنعين نفسج بوقت الفحص انه ماكو شي يعور اكثر من الولاده اللي تدوم ساعات وقدرتي عليها وعدت الحمدلله واذا كلش كلش موقادره تتحملين حاسه انج حيييل خايفه قولي للدكتوره انج تبين كمام او بنج خفيف بالمتطقه تصير بالورك على جنب والله يعينج ويثبت حملج بالمره الثانيه ان شاءالله
