:sad_smile:]مرحبا بنات ادري ان موضوعي وتجربتي صعبه بس جد محتاجه نصايحكم انا عاشقه واحد .......وانا من قبيله اصيله عشنا علاقه سنوات مشكلتي انى حساسه جدا ودايم افكر ان يطالعنى نظره رخيصه ساعات احس ان يموت فينى وساعات احس ان يبينى كرغبه جنسيه بس افكر بالفراق بس خايفه منه موت تكفون ساعدونى يابنات شلون اعرف شخصيته واحدد ولوكنتو مكانى شتسوون
حبوبه اولا العلاقه محرمه ومابينكم لاخطوبه ولا ملجه ولازواج ويايه تاخذين راينا بشي محرم ..؟؟ ماعتقد وحده من الاعضاء بتعطيج رايها ومحد يبا ياخذ اثم من ورى احد هالاياام وبقول لج شي حطيه فبالج للابد الرياااال بشكل عااام متزوج ولا عازب ولامطلق نظرتهم للمره نظره وحده وهي (( الجنس )) فقط لاغير ماعندهم شي اسمه حب يحبوون للجنس ارجعي لربج حبووبه قبل لاتندمين طول عمرج ع هالغلطه .. واسمحي لي لو كلامي كان جارح عليج بس لازم تصحين من هالوهم ..
حبيبتي أنا بسن أمك . وأخذيها نصيحة مني أي واحد يفكر أو ينظ رإلى الوحدة رغبه جنسيه لا يمكن يحبها لأن الحب نقاء وطهارة ورقي ويخاف عليها حتى من نفسه إبتعدي عنه لأن الأهل هم سندك وسعادتك وكرامتك . وكل واحد يقدر اللي تحافظ على ثقة أهلها ورضاهم وبعدين هذا عارف إن من المستحيل بل من سابع المستحيلات أهلك يوافقون فلا تعطينه مجال يتسلى على حساب سمعتك وكرامت أخوانك وأهلك وبغض النظر عن كل هذا العلاقه حرام الله يستر عليك . غيري رقم تلفونك وقطعى العلاقه قبل الفضايح
انا نفس راي البنات ترااا فى الزمن هذا زمن رغبة بس استخيرى ربج وراح يهديج لطريق السليم وغيرى رقمج حنااا دايما حساسات بطبعنا تجرنا العاطفة بس هم ترااا يبوون رغبتهم يا مالهم الحرق وااانتى انتبهىىىىى تراااا اهم شى اهلج تراااا الفضيحة ماتسوووى عليج يا الغالية
هلا أختي . . . علاقة حب ومستمرة فيها على أي هدف وأي أمل وأي غاية ؟ الزواج وانتي قلتي مستحييييييييييييل لاعتبارات قبلية طيب شنو أخرتها وناااسة وحجي فاااضي . . . حبيبتي دائما اقولها وارددها في مثل هالمواضيع : يحبني =يتزوجني وانتي مستحيل تتزوجينه يعني من التهور الاستمرار في هالعلاقة غير المجدية ولا اللي لها هدف غير علاقة غرامية !! حبيبتي لاتخافين الا من ربج وهذا اللي خايفة منه خليه يستريح . . . افصلي خطج واخذي رقم ثاني بيحاول ويحاول اسفهيه ولا تخافين من شي . . . بيهدد خليه يولي . . . ولا تعطينه مجال يتواصل وياج حتى تلفون البيت لاتردين عليه سنتين جدام اشتري نفسج افضل شي ترى ماتستاهل اللي تسوينه فيها . . .
البنات كفو وفو حبيبتي ولا تخافين من تهديده لأنه يعرف غيرج وراح يلتهي فيهم الله يستر عليج وعلى بنات المسلمين
إذا صج يحبج ليش ماتزوجج؟ إنتى شلوون تبين واحد يتزوج وحده تكلم شباب صدقينى راح يقوول مثل ماكلمتنى راح تكلم غيرى
ماراح ازيد شي وراء البنات ماقصروا بس حلو الوحدة اتعيش بحب بس الرجال او الشخص الي اتحبينة يبادلج هل حب او شنوا راح تنتهي علاقتكم اسالي نفسج يرضي يتزوج او انتي لوين تبين تنتهي علاقتكم عندي يقين ان الشباب هل وقت تغيرت نظرتهم للبنت وانهم بس ينظرولها نظرة رغبة حاولي تنسينة اذا مايبي ينهيها بالزواج اذا كان بالدوام او بالجامعة معاج انقلي او غيري تخصصج بس لاتضعين عمرج بوهم
مرحبا والله ما ادري شقولج انا معاج صح انه الحب صعب اتخلصين منه بس اهو لو يحبج صج ليش ما عرض عليج فكرة الزواج ادري انا مشاعرج مو بيدج بس العلاقه تعتبر محرمه اذا ما كان في خطوبه رسميه انتي عرضي عليه فكرة الزواج اذا يبيج صج راح يتقدم من ثاني يوم صدقيني اهني راح اتعرفين اذا كان يحبج و لا لا و او شنو نظرته بالضبط لج و صدقيني انتي جذي راح ترتاحيين على العموم الله يوفقج و ينولج الي في بالج و ينور طريجج
اختى الحبيبه .. اناا لو مكانج اول شي ما اقول انى عااشقته .. لان هذا لا عشق ولا حب من الاسااس اللي يحب صج ما يقعد وحده سنواات . على قولتج . . يتقدم لهاا من ثااني يوم واللي يحب بعد عمره مايرضى على حبيبته يطاالع لهاا نظره جنسيه ورخيصه .. هذاا مو حب هذى رغبه والشي الاهم اللى بقوله .. لاتخلين الساالفه كانهاا مصيبه .. أعوذ بالله .. بالعكس مشكله سهله وحلهاا بانج تفكرين بعقلج مو بقلبج .. وتقولين ليش منطرنى سنواات .. ليش ماتقدملى . انتى مو قاصرج شي قوليله يخطبج .. وشوفي شيقوول .. اذا طول الساالفه وخرى عنه .. مايستاهلج ..
حبيبتي البنات ماقصروا بس نصيحه أقطعي علاقتج فيه من ترك شيئا لله عوضه بأحسن منه شخص لاتعرفينه ولابينكم شي رسمي شتبين فيه وصدقيني والله شباب الكويت لاتقوليلي هذا غير يحبني لا لو يحبج مارضي عليج تكلمينه وصل لبابكم وخطبج حرام تخسرين دينج وحياتج عشان شي حرام وتذكري وراج الله بيحاسبج علي هالعلاقه وراج نار وجنه والله يهدينا ويهديج يارب
انا رايي مع البنات وانتى فكري بعقلج مو بقلبج واذا انتى متاكده ان نهايه علاقتكم مو زواج اشتبين في اذا هو شاريج يطق الباب على طول ا
استغفري وتوبي لربج قبل لايفوت الفوت ... علاقتج علاقه محرمه لاترضي لا ربج ولارسوله صلى الله عليه وسلم ... خافي على نفسج واهم من هذا كله خافي على اهلج ... اهلج عطوج ثقه مو تروحين تخونينهم توووووبي وانسيه ... لانا مهما كان علاقتج حرااااااااااااام ...
انا رايي من راي خواتي واحسلج تبتعدين عنه ترا الريال مايعيبه شي انتي اللي بيعيبج وسمعي كلام خواتج احسلج من باجر يضيعج
