ساعدوني بنات بليز الصداع ذابحني

مرحبا بنات
بليز ساعدوني الصداع ذابحني وناس وايد قالولي عن الابر الصينيه ما تدرون وين احصلهم بالكويت

بلاش حبيبتى الابر الصينية الاول ابحثى عن اسباب الصداع اكشفى عند دكتور انف واذن وحنجرة انا كان عندى صداع جااااامد جدا كشفت عند دكتور انف ولذن وحنجرة ليقت جيوبى الانفية هيا اللى عملالى الصداع دا والف سلامة عليكى حبيبتى

صح أول عرفي سبب المشكلة
من ضعف النظر ولا الجيوب الانفية ولا ارتفاع ضغط الدم ولا يمكن صداع النصفي( الشقيقة)
وكلشي له علاج مختلف ،،،
ما تشوفين شر ان شاءالله

خيتو اعرفي شنو مشكلتك بالاول

مو على طوول الابر الصينيه لا بالاول روحي لدكتور واعرفي مشكلتك

وماتشوفين شر ان شاء الله

اجر و عافيه ماتشوفين شر
بس نصيحه اختي لا تاخذين الابر الصينيه سوي نفس ماقالو خواتي كشفي اول عند دكتور شاطر
و سلامتج يالغاليه

والله مينونه تاخذين شي بدون استشارة الطبيب

ليش الل قالولج من اي جامعه متخرجين

حبيبتي لا تاخذين بلاويهم روحي الطبيب

يمكن صداع النصفي( الشقيقة)

نصيحه ارقي نفسج بالاذكار واقري على رااسج..ماتشوفين شر حبيبتي

نصيحه يالغاليه يمـكـن اللي فـيـج " فــَـريّ " لآسمح الله وٍ عندج أم محمد بالظهر تعالج الفري وتجبر راسج رقمهآ :23840264

سلامتج حبيبتي
شوفي اذا الصداع الي فيج نصفي ( يعني صداع بجانب واحد سواء مؤخره الرأس او جانب واحد او مقدمه الرأس من الجبهة ويصاحبه احيانا شعور بالغثيان وحساسيه من الاصوات وفي بعض الناس تكون العين حساسه جدا من الضوء) فهذا صداع نصفي وعلاجه غير الصداع العادي.
انا اعاني منه من سنين ومره قمت اخذ حبوب فيتامينات عشان ازيد وزني ولقيت ان جسمي متن والصداع راح الحمدلله
جربي اختي
وقبل اي شي سوي فحص شامل عشان تتاكدين ان مافيج نقص حديد او فيتامين معين
ولا تكثرين اجبان وكاكاو ومنبهات لان هذي مثيراته
طبعا هذا اذا كان صداع نصفي ....
وماتشوفين شر

يمكن فيج فري حبيبتي ماتشوفين شر

اختي انا عشت معاناتج سنه كامله ورحت للحرمه اللي بالظهر والصداع ما راح وماخليت دكتور بالكويت الا وجيته
وأكلت القسط الهندي مع خلطه ولله الحمد الحين ارتحت يجي بس اخف من قبل اذا تبينه ابشري ​

ماتشوفين شر ..بس اختي احيانا الصداع يكون بسبب الجلسه الخطأ ..اذكر اختي يوم كانت بالجامعه جاها صداع شديد وطول معها فالاخير قالها الدكتور عدلي جلستك وانتي تكتبين او تجالسه عالكمبيوتر ...والحمد الله راح

يقولوت الحجامة تفيد جنة سحر حق الصداع
لوووول ما ادري شفيني هابة عالحجامة في هالجم يوم الله يحفظج و يعافيج حبيبتي