:sad_smile:بنات انا يديده بالمنتدى بس ماشاءالله اشوف الكل يساعد ومايقصر اذا في وحده طلبت المساعده انا ام لثلاث اولاد وبنت ........... الاولاد مشاكلهم عاديه بس البنت.......بمووووت منها مع اني معطتها كل اللي تبيه واللي ماتبيه ودايما كاسره خاطري لانها وحيده بس مو عارفه شسوي واشلون اتصرف معاها...عند الناس وايد مأدبه وتسمع الكلام وحتى احيانا بالبيت والله تكون خوش بنيه وتساعدني مع اخوانها واعتمد عليها بكل شي على فكره عمرها 9 سنين بس ربي يحفظها كانها 20 سنه ما احب اطقها بس اضطر ساعات للطق واذا طقيتها احس بموتها :sad_smile: كل ماتكبر كل ما لسانها يطول زياده وكل كلمه مني تردها بعشر منها الله يخليكم ساعدوني والله بمووت منها ومن تصرفاتها اللي ماتخلص طبعا هذا غير احراجها لي جدام الناس لما تقط كلمه اشكبرها بنص كلامي مع اي احد..........:sad_smile::sad_smile:
ياحياتي الله يحفظها لج يارب ويخليها الجهال عموما كلهم جذيه والله وخصوصا البنات معرووفات بلعهم وشطانتهم بس عسل عالقلب000
هلا اختي . . . نصيحة بنتج لا تقعد وياااج في مجالس الحريم . . . وحاولي تتكلمين وياها بإسلوب طيب وراح تتأثر بإسلوبج . . . والاهم لا تحرجينها جدام الناااس وحتى لو كنتي وياااها لاتجرحينها ولاتحرجينها ترى اسم الله عليها مو صغيرة تعرف الاحراج والمستحا والحيااا . . .
كلامها صح ميه بالميه لاتخلينها تتأثر بقعدات الحريم وتسمع سوالفكم ترا تتقمص الشخصيه وتعطي نفسها اكبر من حجمها وترا عموما البنات عوووووووب والله يخليها لج ويصلحهم اجمعين
والله كلامج عدل....الله ياهي ملسونه والكلمه تردها لالف كلمه ربي يعيني عليها ومشكوره على مشاركتج الحلوه
ماشاء الله عليج يا ام عبدالله,,,, دايما اتابع ردودج للبنات وتكون كلها في محلها يالغاليه انا ماخليها تقعد معاي عند الحريم اصلا هي من تشوف بنات الناس تنسى عمرها وماتذركني لانها وحيده على صبيان وتبي البنات وهي اصلا مو على طول تييها هالحاله بس دايما تراددني والله امس لو مو خدامتي تبجي معاها وحاضنتها وخايفه عليها جان راحت بيدي من الطق وهذي اول مره اكفر فيها لاعت جبدي من طريقتها واسلوبها بالرد علي ووايد تغار من اقعد يم ابوها وهو بعد ربي يحفظه لازم يحضني اذا قعدت يمه ومن تشوف هالمنظر يطير قلبها من القهر وصدقيني انا طريقتي معاها بالمعامله وايد راقيه واعاملها كان عمرها كبير علشان تحس بس مادري اشفيها امي الله يخليها لي تقول عين ماصلت على النبي محسوده البنت على جمالها وادبها وطريقتها بالكلام كانها حرمه كبيره
صدقيني بنتج تحبج لدرجة تقليدج تقليد اعمى..وبعدين اهي كبيرة يعني لا تخلين زوجج يحضنج جدامها مو زين ..اليهال يغارون من هالامور.. وصدقيني البنت بهالعمر شي طبيعي يطول لسانها شوي وترادد..بس لا تطقينها حلفتج الله حاولي اذا بتعاقبينها تحرمينها من اي شي تحبه ..طلعة او لعبة او اي شغلة تبيها احسن من الطق الطق يولد في نفسها العناد وربي يخليها لج هذي باجر بتصير رفيجتج وحبيبتج وكل شي ..
الله عليج يالعنود كلامج وايد ريحني يالغاليه انشاءالله تكبر وتكون صديقتي لانها كاسره خاطري ماعندها خوات
اختي انتي صادقيها وانتبهي عليها من التلفزيون راقبي اللي يشاهدونه اولادك من ضمنها المسلسلات الخليجيه انتبهي منها بعدين عيب تخلين زوجك يحضنك قدام عيالك لانهم مو صغار غير كذا الشغالة موجودة باليبت خلو هذي الشغلات في غرفة النوم اكبر عيالي ثمان سنين ولااسوي قدامهم شئ من كان عمره ثلاث سنين غير الخدم اللي في البيت والبنت ان شاء الله بتعدل صادقيها كثير الضرب وشدته تخليها تعاند وتعرف ان هذا نقطة ضعفك بنوتي عمرها خمس سنين ومجننتني عنييييدة وعوبه كان هالصفة مخلوقة للبنات لقيت انسب اسلوب لها اني ما اكلمها تكلمني ولاارد عليها لين تتعدل والله يصلحهم ويستر عليهم ونشوفههم احلى العرايس ان شاء الله
انا اعرف وحده بالثنويه جذي امها حيل امدلعتها بس نصيحه لا ادلعينها ازياده عن اللزوم وكوني صديقه لها اذا صا رحتج بشي ما يعجبج لا اتهاوشينها كوني هاديه معاها عشان اتحبج واتقرب منج
اشكر كل من ساعدني ولو بكلمه بس فعلا الاخت اللي قالت لاتكلمينها كانت الاقرب للحق انا فعلا اكتشفت انه الحقران انفع شي لها عسى ربي يحفظ لكم عيالكم
