مرحبا حبوبات شلونكم ادري بتقولون طافتني التنزيلات شسوي بعد مو بيدي المهم انا مره محتاجه اعرف متى تصير التنزيلات بسنتر بوينت من شهر 4 إلى 6 ابي اعرف في تنزيلات قريبه لأن ولادتي بشهر سبعه قبل رمضان يعني ياليت الي عندها خبر تكتب لي التاريخ والمده اهم شي التنزيلات على ملابس المواليد ابي اجهز حق وليدي وشنو احسن فرع لسنتر بوينت لأنو انا اروح دايم للي بالجهراء بس احسه عنون ويارب الي ترد علي ربي يرزقها وين ماتروح ... ويسعدها آمين
والله مادري متى...؟! بس اشمعنى سنتر بوينت...؟! في اماكن ثانيه تقدرين تشترين منها حق النفاس ولمن تولدين على سلامه انشاء الله عاد روحي سنتر بوينت ةاخذي اللي ناقصج منه... المهم تكونين انتي والبيبي بسلامه.. والله يتمم عليج وتقومين على خير.
انا مشتركه بخدمة المسجات يدزون لي اول مايسون تنزيلات اذا دزولي بقولج وانا شريت شهر 5 منهم وقالو لي مافي تنزيلات وشريت ب 260 جهزت كل الي ابي وبعدها بأسبوع لوووول سوو تنزيلات :/
السلام عليكم انا الي اعرفة في كل سنة يسوون في شهر ابريل بي متى بالضيط مادكر وادا بتاخدين لبيبي وانتي شهر 7 ولادتج اكيد ان شاء الله بتصادفين تنزيلاتهم ونصيحة لا تاخدين للبيبي الا من سنتر بوينت لانة قياساتهم حلوة وخاماتهم ماتغير وتوبر مع الغسيل
مشكورات حبيباتي ربي يسعدكن إنشالله بس اصيد التنزيلات بكتب لكم متى تصير عشان يمديني ويمديكم على التنزيلات مشكورات مره
