الله يهديج ياقلبي حبيبتي ممكن حب مراهقه وواكيد يخاف عليج لانج من اهله طبعا من قلتي امووت يعني الموت بيحل المشكله لاا بالعكس بيوديج لنار جهنم حبيبتي دام هو مايبيج انصحج نصيحه وحده بس والله بعدها راح ترتااحين استغفري طوووول وقتج بنية حل المشكله وان شاء الله يا ان يحن قلبه عليج يا ان الله ينسيج هالولد ويرزقج بزوج احسن منه باذن الله استغفرالله واتوب اليه كرريهاا استغفرالله واتوب اليه والله ياحبيبتي راح تنحل المشكله باذن الله بس استغفري وايقني بان الله معااااااج
نصيحتي لك تبتعدين عنه وانسي تتصلين فيه أبدآ.....وكثري الاستغفار وادعي ربك وصدقيني اذا فقدك ويبيك من نفسه راح يجيك بالحلال واذا ماسأل فالأمر خيره لك
يتمسكن لين مايتمكن الحب المحرم اضراره اكثر من ايجابيته لذلك ابتعدي عنه افضل واذا هو شاريج يجي ويتزوجج من اهلج اما حب وتلفونات وتغزل اخر الليل هذا ماوراء غير الاثم والعار لسمعت اهلك
حبيبتي انتي قلتي حب من طرف واااحد .. نصيحتي لج ابتعدي عنه مافي شي مستحييييييييل واذا هو من نصيبج ربي بيكتبه لج والله يكتب لج اللي فيه الخيييير .. والاهم من هذا كله ابتغي رضاا ربج ماتدرين انج وانتي تكلمينه زنيتي بصوتج لانج نيتج انج تسمعين صوت حبيبج واكيد هذا غلط وماتدرين هالمكالمات وين رااح توديج .. اشتري نفسج قبل فوااات والله ماتسوى عليج ولافاات الفووت ماينفع الصوووووووت .. والله يهديج ويستر عليج ويكتب لج اللي فيه الخير ..
شغلي نفسج بشي ثاني وابني اساس قوي لحياتي واهو الدين لان الحب ضعيف ولا جيتي تبنين عليه ومهما ارتفع اي عاصفة راح تهدم كل اللي بنيتيه فهالله الله على الساس
تعوذي من الشيطان هذا بدايه الغلط الشيطان يزين لج الحب وانتي بتقعدين تفكرين فيه وتتعذبين وهو ولا عباله ولايدري عنج نصيحه تقربي من رب العالمين ودوامي على الاستغفار ..وادعي ..لا يرد القضاء الا الدعاء..
صدقيني نصيحه من أخت اذا يبيج اييج بالحلال وخلي عنج هالسوالف والله ما وراها الا الخراب خشي قلبج للي يختارج من بد كل البنات أصلا انتي تطيحين من عينه لمن تدقين عليه ويشوفج ميته عليه خلج عزيزة نفس ولاتعالجين الغلط بالغلط تروحين تحبين غيره عشان تنسينه لا غلط وأكبر غلط لانج راح تدخلين بدوامه ماراح تعرفين تطلعين منها وخلي ايمانج بالله قوي اللي بعيد عن الدين يصير جذي لأنج أصلا بعد وقت راح تحسين انج غلطانه لانها مجرد وساويس شيطان بس الدين والايمان والصلاة والذكر تخلي الانسان أعلى من سوالف العشق اللي ما منها فايده .. صدقيني اللي اييج من الباب اهو اللي صج شاريج ويحبج .. مسحي رقمه وشيليه من بالج وادعي ربج ابهالدعاء .. ربي أغنني بحلالك عن حرامك والله يحفظج حبيبتي من وسواس الشيطان ويصرفه عن قلبج ان شاءالله
