ساعدووووني ابي الطريقه ضروري

تكفون بنات منو تعرف طريقه عمل القرص اللي فيه التمر والبصل بس تكفون ابي اللي تعرف تكتبلي المقادير بالتفصيل لانن زوجي يبيه لدوامه باجر ضروري

؟؟؟؟؟؟؟؟؟؟؟؟؟؟؟؟؟؟؟؟؟؟؟؟

هلا أختي تقصدين القرص اللي يكون مبثوث يعني مقطع قطع ناعمة صغيرة ؟

إذا هذا هذي طريقته :

طحين بر أسمر شرط أساسي

تعجنينه بماي وتخلين عجينتج وسط وحطي وياها شوية ملح

وبعدها جيبي مقلاة تكون عميقة شوي واسعة وحطي مقدار نصف فنجان زيت زيتون

وهاتي العجينة وصبيها بالمقلاة بشكل قرص دائري متوسط السمك

وغطي عليها وكل شوي زيديها شوية زيت زيتون قليل وغطي وخليها على نار هادية جدااااااااااااااااااااااااااا

علشان تستوي من البخااار

وبعدها هاتي القرص وحطية على صينية وبالفنجان حاولي تقطعينها صغار او بدينج واذا عندج دهن عداني نوعية ممتازة حطي شوية عليه

هذا اللي اعرفه والله