السلام عليكم ورحمة الله وبركاته انا موظفة وعمري 25 سنه والحمدالله حلوه واخلاقي حلوه بشهادة الجميع بس مشكلتي هي انني انخطبت 2 وما صار نصيب بس انا وااااااااااااااايد تعبت اكيد انتم رااااااااااح تقولون عادي وقسمة ونصيب لكن لا انا تعبت
أختي أدري انج متضايجه يمكن هذا خير لج وما استوى النصيب وعسى ان تكرهو ا شيئا وهو خير لكم ولا تفكرين استغفري كثير وادعي ربج وألحي بالدعاء ربي بيستجيب لج ان شاء الله وربي بيعوضج ألي أحسن منهم وبيسعدج ان شاء الله وبيهنيج لي صديقات مروا بنفس التجربة وكانت نفسياتهم تعبانة لكن الله عوض صبرهم خير وأتزوجوا الله يسعدهم
هلا أختي المشاعر اللي تحسين فيها مشاعر تحسها اى وحدة بعمرج . . . عندي رفيجة لي كانت تعاااني من هالشي . . . وسبحااان الله صبرت وجالها نصيبها . . . اكثري الاستغفااار وادعي ربج الكريم . . . وربي يوفقج بالزوج الصالح يااارب
اختي مريوووومه لاتيأسي من رحمه الله ولاتعجلين في امور الزواج وترا كل تأخيرة فيها خيرة لج ولحياتج انتي بس ادعي ربج انه يرزقج بابن الحلال الطيب والرجال اللي يحمل الاخلاق العاليه واهم شي انج تكثرين الاستغفار ترى كثرة الاستغفار الله يرزقج كل اللي تتمنينه ولاراح ينساج دامج تستغفرين وتذكرينه كل صبح وليل.... ((( اللهم ياحي ياقيوم ياواسع وموزع الارزاق ارزق اختي الغاليه بالزوج الصالح الذي يملي عليها حياتها بالسعادة الطيبه اللهم امين))) لكي منى اطيب التحايا والمودة
هلا حبيبتي . . دامج تقولين اخلاقج زينة وحلوة عيل لاتحاتيييين باذن الله رح اييلج النصيب .. لكن أكيد في الوقت المناسب واللي الله كاتبه لج ماتدرين يمكن اييلج نصيب تقولين وين ايامي مع اهلي ولاهالنار .. ترا وايد بنات جذي ونصيحتي لج لاتعيشين نفسج بهالقفص وهالهاجس .. عيشي حياتج ورح اييلج النصيب اللي تبينه وكثري من الدعاء صدقيني وعن تجربه .. ادعي بعد كل صلاة وموفقة
اختي مريومه يمكن اللي خطبوج ما يستاهلونج بييج باذن الواحد الاحد اللي يستاهلج وكثري من الادعيه والاستغفار لا إله الا انت سبحانك اني كنت من الظالمين الله يزقج
