سر ومكونات غالبية خلطات التجميل المنتشره بالكويت ... بسرعه دشو

السلام عليكم جايبه لكم هديه حلوه واهي خلطه ممتازه لتبييض الجسم باسبوع وهذي الخلطه امانة منقولة من منتدى خلطتها وجربتها وصرت فعلا لمبه والق
ها
بس الاحلى من جذي انها صحية وما فيها كورتيزونات او بلاوي بس راح اكتبها باخر موضوعي او تقريري .

في البداية راح اقولكم ليش كتبت هذا التقرير
لان رفيجتي وصديقتي اصيبت بفشل كلوي مصاحب له البهاق اللي شوه جسمها وتدعي على صاحبة الخلطة. الخلطة استخدمتها قبل سنه بس ما طلع عليها الا الحين وبعد فحص الدكتور وعمل الاختبارات اللازمه قالها في نسبه كورتيزون مرتفعه عندج اضرت بجهازج المناعي شنو استخدمتي ؟؟ قالتله خلطة تبيض قبل سنه
قالها هذي هي السبب وبعضهم ما يطلع عليها الا بعد 5 سنين على حسب مرات الاستخدام وحسب مناعة الجسم

انا اعرف شنو هي خلطات التبييض تقريبا كلها ( انا قلت تقريبا) عشان ما يزعلون العضوات التاجرات لاني ما جربت شغلهم ولا اعرف شنو امانة وما ابي اعمم واظلم صاحبات الضمير منهم.


- خلطات التبييض الدارجة في الكويت عند غالبية الحريم واللي احذر منها تنقسم الى a و b و c

نبدأ بخلطة a وهي الدارجه والقوية والبياض اقل من خمس ايام ( يعني اول شي نزل ويسمونها خلطة السبع كريمات وتشترينها من الحواج بسعر رمزي جدا جدا وليست مرخصه وفيها نسب كورتيزون عاليه) وتحتوي :

1- كريم ( رويكو)
2- ؟
3- كريم فير اند لفلي
4- ؟
5- كريم مينو
6- كريم بين
7 -؟
8- ؟
9- ؟
(( انا مسحت بعض اسماء الكريمات خوفا من عديمات الضمير)))

الخلطة b :
*** فيها كوريتزون قوي وضار بس مو مثل الخلطة السابقه ونتايجها باسبوع تصيرين لمبه

2 فير اند لفلي حجم صغير....2 يعني انبوبين هو يجي على شكل انبوب
2=علبتين كريم روز
1-علبه كريم ديانا
نص علبه كريم كيري
ملعقه جلسرين
كريم الحساسيه راح تلاقيه في الصيدليه


الخلطة c :

وهذي مثل ما يسمونها خلطبيطة وتحتوي على احد او اثنين من هالكريمات او كلها مجتمعه اذا كانت صاحبة الخلطة مجرمه + الخلطة a :
1- كريم ريكو.
2- كريم منيرفا
3- كريم ريو


((( الان بعد ما ذكرت هالكريمات وجميعها من العطار وغير مرخصة وتحمل نسب عاليةمن الكورتيزون انصح كل وحده ناوية تاخذ خلطات تبييض انها قبل لا تشتريها , تشتري هالكريمات وتطبق الخلطة a بروح بعلبة , والخلطة b بروح بعلبة
وتخلي باقي كريمات الخلطة c على جنب بدون خلط والسبب راح اقوله لكم.
انتي اشتري الخلطة وشوفيها اقرب لاي خلطة وشميها وبعدين اذا نفس اي وحده فيهم تكوني عرفتي مكوناتها وقطيها بال**اله
اما اذا شميتي ريحه غريبه داخل الخلطة وبتعرفين شنو , قومي بطلي الكريمات اللي على جنب وشمي واحد واحد وزيدي كريم كريم لما توصلين لخلطة التبييض الخلطبيطه المجرمه. ))))

عموما ما كتبت هالتقرير الا لاكون من الناصحين ( وحرام حرام اذا تتاجرون بعافية ومضرة الناس وهمكم الفلوس والربح صدقيني ربج راح يرسل عليج امراض تصرفين ربحج اللي ربحتيه عليها)) هذا الكلام اكرر واقول مو لكل الحريم ولكل الخلطات بس موجه لعديمي الضمير.
والمشكلة المره لاتصلتي عليها تقولج اشكره هي كريمات طبية مخلوطه ( ليش الاخت دكتوره والا فاتحه معمل) هذي اللي عندها ضمير بس بعضهم تقولج لا ما فيها كريمات طبية هي خلطة وبس لا تسالين عن التركيبه ,, وتصرح من عندها عادي استخدميها للاطفال والكبار والحوامل وكل من هب ودب.
انا بعد ما عرفت هالتركيبه دقدقت على اكثر من 20 مرة تبيع خلطات وبالاخر اطلعت اهي ورديتها مع المندوب ( لا وبعد السعر غالي والكمية شويه ) وانتي بهالسعر تترسين قدر,, بس اعوذ بالله استخدمها شنو انتحارية. الجسم امانه تدرون ان الجلد مع الكورتزون يترقرق ويصير فيه بهق وبرص على اقل شي واللي اردى يكون اجسام مضاده تهاجم الجسم وتنقص المناعه وفوق هذا سبب للاصابه بالسرطانات اللي منتشره بكثره. الله يكافينا شرها ..

انا اخذت هالخلطات للمختبر والنتيجه تقرير كالتالي وراح اصدمكم:

الخلطه تحتوي على التالي :
1- لا تستخدم لجميع الاعمار وللحامل
2- مخلوطة بكريمات مجهوله يسبب اختلاطها بالكورتيزون اضرار مستقبلية.
3- تحتوي على كورتيزون مركز بنسب عالية جدا لا تصلح للاستخدام الادمي والنسب المسموح فيها عالميا هي من 1 - 3 فقط كورتيزون
4- مسببه لامراض الجلد وتتسببب بانتشارها نتيجة التوقف عن استخدامها نتيجة ضمور الجلد واعتماد الجسم على الكورتيزون الخارجي.

والان بعد هالتقرير هل لا زالت لديكم روح المغامره ( اللهم هل بلغت اللهم فاشهد) وانتي اذا كنتي تسوين هالخلطات وتبيعينها خافي الله وربحج حرام راح يدمر بيتج وصحتج واذا كنتي ما تدرين عن اضرارها الحين دريتي فسارعي بالتوبه.

=====================================
اما الان فاترككم مع الخلطة الصحية الامنه للبياض في اسبوع وهي امانه منقوووووله:
وهي لوحده سوت لاختها الخلطة وصارت بيضاء باسبوع وحطت صوره ليد اختها قبل الاستخدام وبعد الاستخدام
قمت جربتها حيييل ممتازه وسريعة المفعول وتصيرين لمبه بدون كورتيزون واستانست توحد لوني ولما تركتها ما رجعت سمراء مثل باقي الخلطات اللي فيها كورتيزون ترجعين اسمر من قبل وكل بشرتج مسامات وحبوب غير الامراض الجلدية.
ومكونات الخلطة هي :

1- كريم جليسوليد الاحمر ( 125 ml )
2- ليمون ( عصير 4 حبات )
3- زيت اللوز المر ( فنيان واااحد )
4-فيتامين سي الفوار ( 2 قرص )


الطريقه :


تخلطين الجليسوليد مع زيت اللوز المر عدل

تذوبين قرصين الفيتامين بعصير الليمون

تخلطين العصير مع الجليسوليد والزيت عدل مدل

تحطينهم بعلبه وتسكرينها وتخضين العلبه عددددل اوكي .

مهم : لازم تحطين العلبه بالثلاجه ووتخلصينها باسبوع وكل

اسبوع تسوين يديده لان يمكن تخترب

الكميه اللي انا حاطتها تكفي اسبوع وشوي تقريبا

الاستعمال :

تحطين منها بالليل وتنامين او جم ساعه قبل السبوح

ترا اهيا ما تدبق ولا شي وتمتصها البشره جنها كريم عاد..


ودمتم سالمين

هالخلطه ذكرتها باحد مؤاضيعي

ؤ الله يعطيج العافيه يا قلبي

صج يا حياتي
ما شفتها بس يعطيج العافية فعلا نصحتيهم بشي امن
انا ناقله هالخلطة من منتدى نسائي ثاني

بس يمكن اللي نقلته منها ناقلته منج واذا هالشي حصل اعتذر منج لانج انتي اولى وانتي المصدر

وانا فعلا جربتها وانصدمت بفاعليتها السريعه

شكرررا لكي عالرد

تسلمين على النصيحه

الحين تخوف الخلطات وبجرب الخلطه واقولج

يسلموووووووووووووووووووووووووووو اصيلة عالرد

يسلمووووووووووووووا يا قلبي
نبي جذي شغل نسااااعد بعض لوجه الله

الله يعطيش العافيه عالمجهود الحلو

وان شاء الله بجربها وبقولش بس والله يا ام التوام ان ماشفت نتيجه ذبحتششششش

اضحك

مشكورة وما قصرتي . . .

وان ما في نتيجة فوضنا اختي نجود بعمل اللازم فيج

ومشكورة بشورة ما قصرتي . . .

نتيجتها باسبؤع تبين
ؤكل اسبؤع تسؤين جديده

جااااااااااري التطبيق

بس سؤال القرص الفورا اهو اللي ينباع بالصيدليه اللي لونه برتقالي ؟؟؟

ثانكس حبيباتي
الخاشعه للرحمن , نجود , ام عبدالله , الاميره بشاير , وkim عالردود الحلوه
انا ما كتبت هالموضوع الا عشان الفايده فقط
وانا ترى من زمان عارفه هالسوالف والخرابيط لهالخلطات واقدر اسوي خلطة تبيضج وتخليج من سوداء الى اجنبيه خلال 3 ايام . ورفيجتي لمن عرفت اني اعرف اسوي هالخلطات ترجتني اني اكتبلها المكونات عشان تستربح وتبيع للحريم.
والله ما عطيتها الطريقه لاني اولا خايفه من رب العالمين وما تستربح بمضرة الناس وثانيا لان الربح حرااااااااااااااااام بمضرة الناس وسبب تدمير حياة وسعادة الانسان
وقلتلها لو كنت فاقده للضمير راح ادخل منتديات واسوي اعلان عن بياض ناصع خلال يومين والله ثم والله **ايني بيكونون بالالاف بس ويع الله لا يكتب علي وعليكم المال الحرام. ( الدنيا فانيه)
وانا ما تشجعت اكتب هالموضوع الا لمن شفت رفيجتي حبيبتي والي صار فيها والرسول الكريم قال من راى منكم منكرا فليغيره بيده فان لم يستطع فبلسانه فان لم يستطع فبقلبه وذلك اضعف الايمان.

وهالشي هذا منكر منكر منكر
ودمتم

احب اطمن البنات النتايج روعه وفوووق الروعه عن تجربه للخلطة المذكوره


وفيتامين سي الفوار تلقينه بالصيدلية انتي طلبيه من الصيدلاني بيعطيج انواع انتي اختاري اللي يناسبج
لانهم نفس الشي بس الشركات المصنعه تختلف.


وتسلمووووووووووووووووووووووووووو

ارجو من الاداره تثبيت الموضوع هذا للافاده

حيث ضايقني ان هناك من ضعيفات النفوس الاتي استغلن هذا الموضوع وبدأن بعمل هذه الخلطات تجهيزا لبيعها بعد وضع الاعلانات

وقد عرفت من عضوه ارسلت لي ايميل ان خالتها بدات فعلا بشراء المكونات لعملها وبيعها تقول انها ودها تتربح بدال قعدتها بدون دوام

ارجوكم انا يعلم الله العلي العظيم ما وضعته الا للفايده وعشان ابي الاجر ما ابي بدال الاجر استاثم بخلق الله


تكفون ثبتوه تكفون ثبتوه عشان يشفونه اكثر عدد من البنات

ساعدوني يا بنات وساعدوني يا عضوات ومراقبات واداريات هذه امانه برقبتكم


تكفون نبهوا اللي ما يعرفون من اهلكم

وانا ما احلل اي وحده تجربها على نفسها ولا على غيرها وراح اكون خصمها يوم القيامه

وشكرا

هلا اختي . . .

بيتم تثبيت الموضوع ويرجى الاكتفاء في هذا الموضوع وعدم تكراره . . .

وتقدرين تتحفظين على اسماء بعض مكونات الخلطة وذلك بحذف بعضا منها علشان صاحبات النفوس الضعيفة

يسلمووو غناااتي فديتج وربي

يعطيكم العافية ومشكوريين

الله يكثر من امثالكم

انا ما ودي اتحفظ على اي مكون عشان ابي البنات يسونها ويتاكدون عدل ان هذي هي الخلطه اكيد مو تقص عليها اي وحده وتحس انها غير فتاخذها

اشكركم من اعماق قلبي

جزاج الله خير حبيبتي وعسى الله يوفقج دنيا وآخرة ويكثر من امثالج
فعلا بهالوقت قلوا اللي عندهم ذمة وضمير والناس صارت تركض ورا الفلوس وتبيع ذمتها .. الله يحفظنا..

وااااااااو يعني باسبوع اصير بيضه؟؟ معقوله؟؟ نجرب ونشوف

يسلمووووووووووووو عالردود الحلوه

كل الشكر والتقدير على التقرير الرائع