السلام عليكم بنات شلونكم شخباركم بنات انا زوجة اخوي ولدت والحمدلله من يومين وجابت بنوته حلوه عقبالكم انشاء الله بس المشكله ان البنت مو راضيه ترضع وحاولو فيها بس موراضيه والحين حاطيلها انبوب بخشمها علشان الحليب بنات منو صارلها نفس الشي وشنو الاسباب اللي يخليها ماترضع ياليت تفيدوني جزاكم الله خير
هلا أختي . . . حمدلله ع سلامتها وسلامة البنوتة وتتربى بعز والديها وعزكم . . . لابد مايكون في سبب خل يجيكون ع البنية بس يكون من دكتور مختص بالرضع وحديثي الولادة . . . وخل يحاولون برضعة صناعة تكون حلمتها لينة وصغيرة . . . وماتشوف شر يارب
حياج اختي ام عبدالله وجزاج الله خير على الرد الدكتور يقول بنسويلها اشعه وبنشوف وحبيت اضيف ان البنت شفطوها بالولاده لان امها شوي تعبت معقوله يكون الشفط اثر عليها
اخت مرت اخو صار مع بنتها نفس الحاله وسبحان الله لما ودوها اكتشفو انها شاربه من ماي البطن ومادري شنو سوولها والحين الحمدالله تهبل ومتبتبه ماتشوووووووووووووف شر بنتكم انشالله طمنينا عليها
انا ولدي كان جذي وديته الدكتور وقال حجمه صغير ومعدته صغيره انا يبته 2 كيلو بس ما رضيت ياخذونه بالمستشفى وقالي الدكتور غيري حلمة الممية واذا مارضع لازم ينام ووسعت له الحلمة كان يتعب من المص وبجذي ما كان يمص ما كان يكمل رضعته ومايرضع نفس المواليد كل ساعتين بس الحمدلله كل ما زاد وزنه وكبر تغير وصار طبيعي نفس الأطفال
حياكم خواتي مشكورين على تفاعلكم والله يكتب اللي فيه خير والله ما يراويكم سوء والبنت ماطلعت من المستشفى لما يتاكدون منها
انا ولدي نفس الطريقه اول يومين بالمستشفه ولمي طلعت بلليل اكتشفت انه مايرضع ونطرت عليه هم ماكو فايده وديته الصباح وحطوه عندهم 10 ايام فحصووووه من الا كل شي سليم واللحمد لله بس انا تاخرت بولادتي يمكن اسبوعين طولت واهوا شرب من ماي البطن فكان يرجع حيل\ واخر شي قالولي حساسيه من الحليب الصراحه انا انصحج خل يودونها الصباح في مستشفي جديد فاتحينه للاطفال مادري شسمه الغانم والله يقومهاباللسلامه ان شاء الله
