بسم الله الرحمن الرحيمالسلام عليكم ورحمة الله وبركاته طفلي اصبح في الثامنة ولا يعرف كيف يجذب اصدقاء وشخصيته ضعيفة بحيث يتعرض للاهانات بصفه والضرب ماذا افعل كي اجعله قوي الشخصية وبنفس الوقت محبوب لانه دائما يشتكي من الوحده وهو بين اخوانه واخواته؟
حبيبي .... ادعي له انا كان ولدي ماعنده اصدقاء صرت ادعي له على طول ان يكون محبوب وعنده اصدقاء ...والحمدلله الله استجاب دعائ اهو الحين صغير ويمكن وايد هادي يالمدرسه الاطفال الجرئين و الشياطين يكونون محبوبين اما الهادي يكون معزول انتي عطيه الثقه وقوليله ... المدرسات يحبونك.. اخوانك يحبونك......امك تحبك وابوك لانك شاطر واخلاقك حلووووه ومن هل كلام
حبيبتي .. أتمنى أفيدج انشاء الله أول شي : خليه يختلط مع الأولاد أكثر شركيه بنادي أو خليه يلعب مع عيال العائلة من أولاد عمامه أو خواله يروح عندهم أو يتجمعون عنده و شوي شوي راح اتشوفين شخصيته تغيرت علميه لا تخليهم يطقونك خلك أنت أقوى منهم انت بطل و من هالكلام التشجيعي و راح يتغير ، و انتبهي لشغله وحده لا تزفينه أو اتعصبين عليه جدام أحد بعدين شخصيته تنكسر موفقة انشاء الله
صراحه انا بعيده السكن عن اهلي ساكنة مع اهل زوجي وكلهم كبار في العمر وعيال عماته الصغار مكبرين روحهم عليه وهو شايف روحه انه وحيدماله احد
