بسم الله الرحمن الرحيم خواتي عروسات منتدى سيدات الكويت حبيت احط هالموضوع بين ايدكم - اذا كل وحده فيكم حابه تفيد غيرها من العروسات تشاركنا لانكم اكيد حايسين وعارفين اللويه بالسوقه والتجهيز عشان جذيه يليت كل وحده فيكم شرت شي مميز بسعر حلو وحاسته انه راح ينفع باجي عروساتنا انها تصوره وتحط صورته هني بالموضوع وتحط سعره ومنين شرته :wink_smile::wink_smile: بشرررررررررررط ان الموضوع ابعد ما يكون عن اي دعايه لأي منتج الموضوع للاستفاده فقط لاغير وكله راح يكون بميزان اعمالكم ولله يتمم عليكم على خير ........................................................... هذا الصندوق حلو ووايد مهم اذا كنتي تجهزين اشتريلج واحد مثله تحصلينه اغلب الاحيان عند الهنود وهو وايد مهم ومثل ما انتو شايفين مرتب ومنظم كل اكسسواراتج
حبيبتي مشكوره ع الموضوع الرائع بس ما عليج امر انا مااعرف انزل صور شلوووووون ارجو الرد ع الخاص والصندوق هذا انا عندي نفس طريقته من سنتر بوينت حده حلو حق الاكسسوارات ومنظم حيل وانصح فيه
مشكورين حبايبي على الردود الطيبه وانشالله البنات يشاركون معانا بالموضوع حبيبتي اذا عندج صوره بتنزلينها في الموضوع اول شي : 1- دشي على موقع لتحميل الصور .. مثلا عندج موقع العملاق / دشي عليه عن طريق قوقل ويفتح معاج الموقع ... 2- لم يفتح الموقع بالصفحه راح تلاقين في مربع بالوسط مكتوب فيه (( اكتب الرقم في المربع )) واهم حاطيلج ارقام انتي اللي عليج انج تكتبينهم في المربع الفاضي .. 3- وبعدين في مربع ثاني تحته مكتوب (( حدد الصوره )) انتي عليج انج تضغطين على كلممه (( Browse)) لمن تضغطين عليها راح يطلع معاج مربع تختارين الصورة اللي تبينها من جهازج وطقي اوكي وبعدين راح ينسخ رابط الصوره في المربع الفاضي .. 4- وانتي بعدين ضغطي على المربع الثالث اللي فيه كلمة (( رفع الصوره )) اوكي بعدين راح تتبطل معاج الصفحه مره ثانيه ( بس يمكن تاخذ منج جم دقيقه على ما تفتح الصفحه انتي نطري عادي ) وتطلعلج الصوره اللي انتي اخترتيها ( في صوره كبيره وفي صوره صغيره انتي اختاري الصوره الكبيره اول شي ) وتحت الصوره في مربعين حق نسخ الرابط انتي نسخي الكود اللي في المربع الأول اللي مكتوب فيه (( نسخ كود للمنتديات )) نسخي كود الصوره .. 5- وبعدين لمن تكتبين موضوعج او مشاركتج في المنتدى نسخي كود الصوره اللي انتي اخترتيها بموضوعج او بمشاركتج وبس راح تطلع الصور اللي انتي مختارتها في موضوعج ... انشالله اكون شرحت عدل وانشاالله فهمتي علي ... اهو سهل بس يبيلج تمشين معاي خطوه بخطوه لين تتعلمين شلون تنسخين الصور راح تلاقينه حييييييييييل سهل
مووووضووعج يجنن والصندووق عجبني موووت وانشالله بشتريه يعني ان مالقيته عند الهنود القااه اكيد عند سنتربوينت صح؟؟
