السلام شلونكم انشالله بخير بليييز ابيكم تقولولي شسوي بولدي احترت خلاص ماكو فايده جربت كل شي معاه :sad_smile: ولدي عمره سنتين و 9 شهور وماعندي غيره ومابي اييب غيره لانه عقدني من اليهال وتعبني والله :sad_smile: المهم اهوا عدواني ويطق اليهال وماياكل واذا يبي الشي ياخذه وعنييييد بشكل مو طبيعي ودايما مفشلني لمن اطلع او ازور لدرجة اني احيانا ارد من الطلعه ابجي والله استخدمنا معاه كل الاساليب ساحلناه شجعناه عاقبناه هم ماكو فايده شسوي تكفون اللي عندها حل تقولي وتفيدني الله يخليكم
انشاء الله يتسنع ::thumbs_up:الله يخلي عبودى كل واحد الظاهر اسمه عبودى عنيد الله يصلحه =انا بنتي كانت جذيه اول شي أشترى ألعاب اللي يعز ابو 100 وكل ما سوي شي زين عطيه لعبه وقولي كل ما سمعت كلامي اعطيك لعبه ولا تورينه مكان الكيس يأذيك اذيه بكي ويأخذ عصب عنك واذا تشيطن قولي هذا اللعبه بعطيها سمي اي احد من عيال اختك او اخوك فعلا لا تعطينه تري اذا سويتها مره كسر خاطرك خلاص ما فيه فايده عمره ما يتسنع لانه راح يتعود كوني حازمه معاه انا بنتي مو بس كذيه كنت اطرش اخوانها البقاله وهي لا توقعي شنو تسوي تسلم عليهم وتقول لاتنسون تجيبون حقي عياره اهم بالحر وهي مرتاحه صرت احرمها اهم يكلون وهي لا تقابلهم وتقول اعرف ابطل العصير جذيه والكاكا يكلونه كذيه لين تسنعت
حاولى تشجعينه ع السلوك الطيب والمهذب بالشى الى يحبه والله يعينج ويهديه وادعيله دايم بصلاتج بالهدايه وحسن الخلق والله كريم
الله يهديييه ادعيله وانا اقووول اليااااااهل لا تعانديييييييييييييييينه كللللللللش ولا بيعاندج وخففي الكاكاو عنه لانه يزيد النشاط وهم اقري ايات عليه وشلابيه ماي مقري عسى الله يهديه
انتي حاولي ماتعاندينه.... (((واذا طق لاتصارخين عليه ولاشي كلميه بسلوب هادئ قوليله هالشي غلط ومن هالكلام ))<<< أهم شييييي واقري عليه داااااايما لان يقولون اكثر ناس تجيهم العين الاطفال لأنهم مايقدرون يقرون على انفسهم...... اتوقع اكثر الاطفال نفسه ...وادعي له دعوة الوالدين مستجااااابه والله يخليه لج ويهديه
احلى دلوعات مشكوووووووووووره ع الدعوه الحلوه وانا والله دايما اكلمه باسلوب هادي واساحله وافهمه بس اهوا يعااند
والله نفس اللي عندى ألحين جدامي اللي ابي تسويه بس اطلع من البيت الله يعين الخدامه وأمي ام عبودى جربي الحرمان اللي وصيتك ورديلي خبر انشاء الله تنفع معاه
حبيبتي الله يعينج ويهديه لج انشالله ماعندي شي غير عن البنات بس المحايل لانه العصبيه والطق اسلوب ماينفع مع الطفل بالعكس يعقده وادعيله الله يهديه وادعي انه الله يعطيج صبر من عنده
