بنات عفية ساعدوني مادري شسوي بناتي بس يبجون بس يبون الخدامة اكثر مني حتى بنومه عندها.. بس يصارخون يبجون وكل كاكاو وحلويات واكلهم مخربط ومصاصه لي مايتركونها ولايشربون حليب شسوي.. لو راحت الخدامة شسوي انا ارد بدوام بس ابي انام .. كل ما ابي اشيلهم يشد معاي مع الخدامة يحبونها.. بيتي ولادوامي ولاريلي لي مايب زاعاج اليهال.. شلون اخليهم يمي ويحبون ونظم وقتي معاهم؟؟ ابيهم يشربون حليب ويتركون المصاصة .. احس اني افشل ام
الله يخليهم لج بس طولي بالج عليهم اذا شافوج معصبه يتعسرون زياده انا لومنج وناسه العب معاهم وناسه يهال يبون احد يعطيهم ويه انا رفيجاتي اييبولي اعيالهم العب معاهم واشتريلهم العاب نصيحه مني مالج الا طولة البال هذيل اعيال لازم يبيلهم شقى موكل شي بالدنيا على كيفنا واذا خلصت العطله دخليهم حضانه طبعا اذا كانو فوق سنه ونص احسن تتحسن اخلاقهم والله يخليهم لج شوقتيني ودي العب وياهم
بس يبجون بشكل موطبيعي ويحنون واايد سمل عليهم.. كل عند الخدامة عيالي مايبون يمي احس خلاص مايبون فقد الامل معاهم وموقادرة اتحمل.. مشكوره المرورج وين الباجي..
هلا اختي . . . بالتدريج لعبي وياهم بحضور الخدامة . . . البنات يحبون تلعبين وياهم وضع المكياج . . . انج تنخشين ويدورونج . . . خيمة لعبة حطيها في الصالة وقعدي وياهم داخلها وقصي لهم قصص ومرة على مرة بيتعلقون فيج اكثر من خدامتهم . . .
الله يعينك والله شي يقهر خلاص قولي للخدامه ماتقعد معهم واجد ولا تلعبهم ولا حتى تنام معهم انتي الاولى وبعدين هذي غلطتك من الاول وحمدلله انهم بنات يعني على الاقل اسهل واحن من الاولاد اشغلي وقتك فيهم ولا تبدين العمل والبيت عليهم عطيهم اكثر الوقت اذا ابوهم مو موجود لعبي معهم وشوفي وش يحبون واشتري لهم لا تجين معهم بالشده بالبدايه لين تقدرين تسيطرين عليهم وتحتوينهم والشغاله خلها بالتنظيف والشغل مالها ششغل باللعب معهم وبالنسبه للحليب اذا مايحبونه عطيهم لبن **ـــادي اجبان او عطيهم حليب معا نكهات او لعبي معهم السرعه بالشرب واشربي معهم وعطي مكافئه للي تشرب مثل زجاجه حلوه مسكره داخلها حلويات وشوكلاته واللي تشرب الحليب كله عطيها حلاوه وحده او الي تذكرك بالحليب كل يوم عطيها يعني عندك طرق كثير كوني طفله معهم عشان تكسبينهم وبالنهايه انتي امهم يعني مهمتك سهله وبس هذا الى اقدر افيدك والله يصلحهم ويهديهم لك
هم خلاص تعلقوا فيها شلون اخليهم صوبي حاولت شوي ويقومون يحنون انزين الصغيرة ٨ شهور تبيها اذا شافتها تبجي.. حتى لو اعطيها ماتكمل الحليب معاناة والمصاصة كل تاخذها.. مشكورين المروركم.. وين الباجي.. المنتدى نايم صراحة
حبيبة قلبي يازهور انتي تناقضين نفسج بنفسج تقولين كله كاكاو وحلويات.....بالذمه هم من وين يشترون هالاشياء؟انتي او ابوهم المسؤولين عن اكلهم وشربهم شي ثاني تقولين ارجع من الدوام بس ابي انام....يعني ترجعين ماتشوفينهم وتنامين طيب اشلون تبينهم وانتي تبين شي ثاني؟ منعي المصاص عنهم ومنعي الحلويات والكاكاو ونامي بالليل عدل علشان اذا رجعتي من الدوام يكون في وقت لج معاهم وعوديهم تيبين لهم هديه لو بسيطه وصغيره بإيدج وانتي داخله عليهم الظهر وشوي شوي راح يتعودون ينطرونج لاتصارخين عليهم وقعدي معاهم عند الخدامه وشوفي شنو تسوي لهم اللي يحبونها للدرجه هذي وبعدين اليهال يفهمون نفسيتج وانتي اعرفج على طول نفسيتج تعبانه ......حاولي ماتبينين لهم تعبج من المشاكل الثانيه وراح يسخرهم لج ربج اشرايج للحين المنتدى نايم؟؟؟؟؟؟؟؟؟؟؟؟؟؟؟؟؟
حبيبتي انا ما انقض ماقلت هم يشترون يحنون يبون كاكاو.. ٢ شي هم ينامون متاخر ينامون وانا دوام شي طبيعي بنام اقعد معاهم فترة ليل .. هم عناد راسهم يابس انا ابي اقنعهم مايبجون مو عارفة.. يعني قعدتي معاهم مو مثل خدامتي فترة ظهر وانا بدوام
لي قعدتي اخذيهم وخلي الخدامة جريبه منهم ولعبي وياهم حاولي يا اختي بدال ال10 حاولي 1000 الشي هذا مو بيوم وليلة يبيله صبر وطولة بااال ومحاولات عديدة وربي يسر امورج يارب
يبيلة صبر صح بس لي راحت الخدامة راح توهق عدل.. حزة نوم لي مايبوني انومهم لدرجة زهقت ماينامون عندي ينامون عندها.. تعلموا مشكورة المرورج..
أنا مدرسة لغة عربية من سوريا وأسكن بالكويت الحبيبة لهالسبب ما أقدر اتكلم بلهجتكم الحلوة الصراحة الأطفال بدك تحتويهم أكتر وتحاولي تحيطهم بحبك وعطفك وتكوني معاهم فترة أطول وحسسيهم بالرعاية والاهتمام التعامل مع الطفل جميل جداً الله يوفقك ويريح بالك
