قوة بنات بدش بالموضوع علطول انا وحدة هاديه وخجوله واستحي وايد وماحب ارد على كل كلمه تنقالي او نغزة من اي احد بالدنيا وماحب افشل احد حتى لو احرجني وفشلني اسكت او اقوم اقعد بروحي واقعد ابجي واحترق من داخلي وانا شايفه ان هذا عيب فيني ما املك الجرأة الي توقف الشخص عند حده اذا كان غلطان،،، وهذا حالي مع حمولتي من اول ماتزوجت والحين انا عندي ولد والمشكله حقدو علي زياده لما يبت الولد يحاولون يطفرون بكل ماعندهم وانا قاعده مع العلم ان زوجي زين وايد وحبوب وكان يحبني وانا بعد احبه بس بعد ولادتي تغيرت اشياء وايد بينا بعد النفاس لما رديت شقتي احس اني ماصرت احبه نفس اول لأن حاسه ان يضعف جدام وخواته حتى لو كانو غلط لأنهم يحرجونه دايما ويعطونه فلوس اذا ناقصه شي ويشوفون ان اهوا ملاك ما يغلط ومايرضون عليه بأقل شي لو شمو ريحه بس اني مقصرة معاه ولو بشغله صغيرة فضحتني امه والمصيبه يقولي امي تحبج مثل بنتها واهيا والله كرهها لي واااااضح وضوح الشمس وماتعملني نفس بناتها مع اني ما اقصر بكل المناسبات من هدايا من فلوس واهوا شايف ان انا دلوعه عند اهلي وحساسه وما اتقبل شي منهم ومن امه لما اشتكي منهم اذا غلطو بحقي ما ياخذ حقي يقولي كبري عقلج. صج صج تعبت وانا الحين زعلانه عند اهلي صارلي شهر ولا سأل عني ولا عن ولده ولنا اختي راحت بيتهم تاخذ اغراضي قالتهم ريال ومرته اذا يبيها يكلم خواني ويتفاهمون جان ينطون كلهم علئ اختي والله اخونا ماييها ولا يراضيها مثل نا طلعت بروحها ترد بروحها مع العلم انهم اذا زعلو من ريايياهم اييب لهم رياييلهم لي البيت ويعتذرون منهم ويراضونهم ويردون والله ،، والام تقول ولدي ما يغلط ابدا وطلعو عيوب الدنيا والعالمين فيني جدام اخاي نسو وانكرو كل شي سويته لهم ولامهم والله اني ماجذبت بكلمه يشهد علي ربي انا صج حاسه بالظلم وانهم يكرهوني مع العلم اني جميله جدا وانا الزوجه الثانيه لأخوهم الاولى خلوه يطلقها وعندها طفلين منه وانا مادري شنو مصيري معاهم ومادري شلون بعاملهم لو رجعت لهم !!! الي لها وجهة نظر تنورني الله يرضى عليها ويجزاها كل خير ... بانتظار ردودكم ..
الله يعينج اختي انا اقول خلي احد كبير من اهلج مثل ابوج او اخوج اوعمج يقعد وياه ويتفاهم ويقوله يا انه يحطلج شقه بروحج براا او انه يحط حد لاهله يعني يقولوله ان مايتاثر من اهله ولا يدخل مشاكله الخاصه بين اهله ويحترم زوجته ومثل ما اهوه مايرضا على اهله لازم مايرضا عليج انتي بعد وانتي كفي خيرج عنهم يعني السلام وعليكم السلام وبسسسسسسسسس لاتحتكين فيهم وايد ترا الحموله اذا شافو وحده تعطيهم ويه زياده عن اللزوم يتمادون مو الكل البعض يعني قومي بواجبج اتجاههم بس بحدود وبرسميه لاتزيدين عن جذي وان شاء الله يفرج همج ياقلبي والله حاسه فيج الله يعينج وتقبلي مروري
ياااحياااتي الصبر مفتاااح الفرج ورب العالمين موغااافل عن عباااده الظااالمين انا تقريبا مريت مثل تجربتج القاااسيه بس بفضل ربي حبيبي والصلاة قيااام الليل والدعااااء والصدقه ربي خذى حقي منهم وانا اشووووف بعيني ولله الحمد اخلصي النيه لرب العاااالمين واتركي المعااااصي والذنووووب اذا دعيتي مااايقبل دعائج من ذنوبج ومعاااصيج ورطبي لسااانج بذكر الرحمن الرحيم ودااايما استغفري عشاااان ربي ايسر امووورج انشاءالله.. اولا طنشيعم وخليهم اهما والطووووفه وحده وخوااااته توقفينهم عند حدهم مااالهم اي حق او اي حكم يتكلموووون معااااج بهالطريقه ودايما رددي حسبي الله ونعم الوكيل وبس لاتحشين فيهم من وراااهم وتعورين راااسج وتغتااابين الاوااااااااادم ماااتسوى عليج ياااخذون حسناااتج وتاخذين سيئاااتج ... وززوووجج حيل شخصيته ضعيفه دايما طرشي له مسجاااات قوليله حرااام عليك اهللك ظلموك بزوااااجك الاولي وهدمت بيتك وحيااااتك وعيااااااالك ماتشوفهم الابالحسره موحرااام جذي وعشااان منو خواااته العوب القوي في الي اقوى منه ياقلبي ... وصدقيني اخذيها من مجرب الدنيااا هذي كمااا تدرين تدااان خليهم يحشووون فيج ويطقون راسهم بالطووووف هذيل ميتين من الحره منج ولاشكووو يحطون دوبهم من دوبج .. قولي لزوجج محد له شغل بحيااااتي هدمت حياااتك الاوليه لاتهدمها معااااي وعندك ولد عزوه لك باااجر اذا كبرت وشيبت محد بشيلك غير هالولد اتقي الله فينا الظلم ظلمااات ... خليج واااثقه من نفسج دااام انج على حق وماااسويتي لهم شي هذول ماااينفعهم الا العوبه ام لسااان الي مثلهم عشااان تردعه وتوقفهم عند حدهم لقوا وحده مسكينه نفسج وعلى نياااتها لعبوا لعبتهم الخبيثه عليج انصح اصلحي مااابينج وبين زوجج من غير مايدرون خوااااته واطلعي شقه برووووحج وادعي انه ربي يهدي لج زوجج اللهم امين وطمنينا عليج وانشااالله بتنحل جميع اموووورج باااذن الرحمن الرحيم وصووومي الاثنين والخميس فيها قرب من رربي ورااااحه مايحس فيها الا الي مجربهااااااا واتمنى اني ماااقصرت معاااج الكلاااام الي قلته جربته بحياااتي ماجبت لج كلااااام من بعيد فديتج وتذكري هالمقووووله .. ةوياليت اطرشينه مسجااات لحمواااتج ... لايزعجني كلاااام سفيه من السفهاااء الانه الصوووواعق لاتضرب الاالقمم وحبيت اذكرج فااان الذكرى تنفع المؤمن ان لم تكن ذئباااا اكلتك الذئااااااااااااااااااااب ...
الله يهدي سركم وينور بصيرتج ومردج لزوجج وزوجج لج مهما سوو وكلميه تطلعون بشقه بروحكم وجذيه ترتاحون من المشاكل وتزورونهم كل جم يوم وتردون بيتهم حتى لو بتصير مشكله مايمديها تصير
صراحة ماقصروا البنات فديتهم وانا حاسة بشعورج لاني مريت بنفس اللي مريتي فيه بس الفرق اني والله صبرت على شي ماينصبر عليه لان وانا اختج اذا الرجال زين ليش اخرب بيتي هذا معناها غيرة منج وهذا بعض الامهات تتحسف ولدها على بنت الناس وتشوفة بعينها ملاك وترى بيت الحموله مايبين بعينهم شي لو تسوين شنو تبقى اي زلة تمحي كل طيبج بس انتي اسمج رحتي بيت اهلج وصار اللي صار مالج الا انج انتي تدقين علية وتفاهمين معه ولاتشمتين فيج احد اسال الله ان يصلح حالكم ياااااارب
ماقصرو البنات بس نصيحه لاتشمتين احد فيج وكلميه وتفاهمي معاه وحلي الموضوع بينج وبينه ولا احد يدري من اهله انج داقه ,,,,, وبالنسبة لحمولتج خلاص انتي عرفتي طبعهم عطيهم طااااااااف لاقامو ولا قعدوا المهم زوجج وطمنينا عنج
بعد عمري كل البنات مشكوووورين وشاكره مروركم الي شرفني ورفع موضوعي،،، حبايبي انا ادرى بزوجي اهوا مستحيييييل يطلع من امه واهله اهوا ريال البيت صاير لهم الهيرو الي يسوي لهم كل حاجاتهم وطلباتهم وغير جذي اهوا مديون وحاط قرض على نفسه عشان يبني لي شقه بالدور الثالث وبالنسبه للبنات الي يقولون دقي واتفاهمي معاه من غير لا يدرون اهله هذا مستحيل لأن اهوا ما يعرف يخش اي شي عن اهله،، وبعدين عمرهم ماراح يحترموني اذا رديت بروحي من غير لا يراضيني لأنهم حالفين ان ما يراضيني يبوني مثل ما طلعت ارد بروحي وهذا حامض على بوزهم ،، اهم الوحدة فيهم اذا زعلت يقوم الدنيا ما يقعدها على رياييلهم لما اييون يراضونهم بس عليهم حلال وعلي حرام ان يراضيني واخواني يقولون اذا مادق ولا سأل عنج طقاق الي يطقه وعلى فكرة اخواني متدينين الحمدلله مو ماخذين الموضوع كرامه و أنفه بس يبون يشوفون شنو اخرة تفكيرة يشتريني ولا يشتري امه وخواته النسرات
الله يصلح ماااابينكم يااارب ويسر امووورج وحسبي الله ونعم الوكيل على الظااالمين.. طمنينا عليج حبوووبه..
تفاهمي ويااه بعيد عنهم . . . لايأثرون عليه بغيااابج . . . وذكريه انه هدم بيته الاولى والسبب اهمه فلا يهدم بيته الثاني والثالث والرابع اذا بيتم بنفس الطريقة وربي يسر امورج يااارب
مع اني توقعت انه بتقولين خلصت المشكله بس يالله ما عليه حبيبة قلبي يالغاليه اكبر غلط هو تسرعج بالطلعه من بيت ريلج ماعليه......هم غلطانين او انتي مو هني المشكله....المشكله الكبيره انج خليتيه لعبه بيدهم انتي زوجته والمفروض تعرفين اشلون تدخلين على ريلج ومن اي باب حاولي تتصلين عليه لاتنسين انه عندج ولد منه يعني هم ملزوم فيه بالاول كلميه عادي وبدلع مو عصبيه وقولي له محتاجه اغراض لولدج.....واذا يابهم دخليه عندكم بس حاولي تكونين معاه على انفراد......وضيفيه ولاتقصرين معاه...وتشرهيي عليه وقولي له انج غلطانه لما هديتي بيتج بس كنتي محتره وبدون ذكر سبب الحره...وقولي له انج وايد مشتاقه له وفاقدته وبس وبعدها بيومين ردي اتصلي وقولي هم تبين اغراض ثانيه بس هالمره اذا ياكم حطي له غدا او عشا وقعدي يمه وتزيني وتعطري واهم شي ماتيبين طاري سالفتكم مع اهله والله مع الايام وتكرار ماقلت لج صدقيني بتملكينه ترى الريال مثل الياهل وانتي وشطارتج ربي يسعدج ويرجع لج ابو ولدج ولايشمت فيج احد يارب
مشكوره حبيبتي المزاين على تفاعلج صج ان مشكلتني طولت وللحين ماصار شي بيننا انا ناطرته اهوا يبادر ليش اهوا مايدري ان الولد يحتاج اغراض وفلوس ولا سأل فيني,,, عشان جذي انا محتقرته ولا ودي اكلمه شلون اقوله تعال واتزين واتدلع واعتذر منه واهوا الغلطان ليش مو اهوا الي يكون ميت علي ومشتاقلي ومشتاق لولده اهو الي بالشقه بروحه والمفروض يفقدنا انا ولده
الريال مستحيل يتنازل علشان زوجته وسأليني أنا كله ياخذها أن كرامتي ما تسمح وبما أن خواته ورا ظهره يشيشونه راح يستمر أنتي كلميه ومالج شغل فيهم دروا ولا ما دروا اهو ريلج ولا تعطينهم فرصة يستغلونها ومالج الا ربج يصرفهم عنج صرف عزيز مقتدر يا أختي ما في مثل الدعااااااااااااء والصلاة والإستغفار ولا تكـابرين على الغلط وبعدها نهاية وخيمة تتحسفين عليها على قد شعر راسج وبشريني عنج تراني أحاتيج وأدعيلج فكري بولدج وشوفي أجرج على الله وتذكري مرة فرعون شكثر عانت منه وهم تحملته وشوفي جزاها الجنه إنشاء الله يكون موضوعج محلول
مادري ليش كل الحلول الي قلتوها لي تنازلي وتحملي وكلميه ولا تعطين اهله فرصه !!! تكفون ابي حل غير جذي انا زعلت وطلعت من البيت مابي ارد كرامتي مهانه تكفون فهموني لو ابي ارد رديت من اول يوم زعلت فيه بس انا ابي احط حد حقه وحق اهله
الله يعينج جنج تتكلمين عن حياتي لا وبعد زوجي مطلق وعنده ولدين حبيبتي حاولي تتمسكين برايج وقيسي نبضهم وكثري الدعاء بس اذا شفتي السالفة حيل كبرت ووصلت للطلاق ردي شتسوين بعد الله بهالاذان يفرجها عليج وعلي ونطلع بروحنا ويكتب لنا الخيرة ياقلبي حاسة فيج جنج شخصيتي بالضبط
