شعر بنتي احترق وتساقط

مرحبا خواتي
اشحالكم
بقول لكم قصة شعر بنتي بالمختصر المفيد وأبي رايكم
بنتي شعرها طويل وجاف ومجعد شوي وديتها للصالون اسوي لها تمليس
وطلع التمليس كيميائي بدون ما اعرف مو زيوت طبيعية
عبارة عن مواد تنحط على الراس وما اغسل شعرها يوم كامل
وصار شعرها ناعم وما عليه اي كلام بس فجأة قام الشعر اللي يطلع
اكثر مجعد عن قبل وحالته حالة انا تفاجأت واكتشفت انه الصالون
تسكر لانه مخالف ، الحين ضميري يؤنبني خربت شعر بنتي
لانه قام يتساقط الشعر اللي منعم ويطلع بداله شعر مجعد وعجيييب
وصار شعرها للرقبة وفلافل يعني كأنه احترق .
سويتلها حمام كريم ، وحمام زيت واشتراك في كل مكان لكن للاسف
النتيجة مب ذاك الزود.

ياترى في حد عنده طريقة أو سمع عن نفس الحالة وكيف طريقة علاجها
دخيلكم تساعدوني خواتي أنا أفكر فيها وايد
وجزاكم الله خير

والله أنا أنصحج تروحين حق دكتورة أحسن لج و أنا أعرف ناس يصيرولي مسوين تمليس بس ما طاح شعرهم و الشعر اللي طاح منهم طبيعي يعني اللي طلع بدالة شعرهم الطبيعي

الله يعينج...

وانا كنت ابي اسوي حق بنتي بس الحمدلله تراجعت...

وديها دكتور جلديه بدوووون نقااش
والحنا والسدر
الله الله فيهم ترا السدر زين

حبيبتي لاتقلقين كثير
توها صغيرة وفي امل تتعالج
اهم شيء تفائلي
في حل اعتقد الفرد الدائم اللي يسوه في المستشفيات
ينفع لها هم يعالجو الشعرة من جدورها خليه اخر حل ويااارب ماتحتاجينه
الحين اجتهدي
زيتي شعرها كثير وغدي بالزيوت الطبيعية
اعملي لها ماسكات طبيعية مرة كل اسبوع بالبيض والعسل
في خلطة في النت دوري عليها تزيل الصبغات بس بالبيض والخل تسويها 3 اسابيع وتزول اثار الصبغة
وفي طريقة لازالة الترسبات من الفروة وهي اضافة ملح خشن في الحنا
استخدمي السدر كغسول يومي بدل الشامبو وفي طرق في النت لاعداده
زيت الزيتون يلين الشعرة داومي عليه
يمكن فروة راسها كانت ضعيفة وماتحملت المواد االكيميائية
نتعلم من الاخطاء اختي واحيانا يكون الثمن غالي بس الامل بالله موجود
انتي اسعي لعلاجها بشتى الطرق واعذريني اكتب على عجالة ولو احتجتي اي شيء من اللي ذكرته بكتب لك بالتفصيل الممل

حبيبتي لاتقلقين كثير
توها صغيرة وفي امل تتعالج
اهم شيء تفائلي
في حل اعتقد الفرد الدائم اللي يسوه في المستشفيات
ينفع لها هم يعالجو الشعرة من جدورها خليه اخر حل ويااارب ماتحتاجينه
الحين اجتهدي
زيتي شعرها كثير وغدي بالزيوت الطبيعية
اعملي لها ماسكات طبيعية مرة كل اسبوع بالبيض والعسل
في خلطة في النت دوري عليها تزيل الصبغات بس بالبيض والخل تسويها 3 اسابيع وتزول اثار الصبغة
وفي طريقة لازالة الترسبات من الفروة وهي اضافة ملح خشن في الحنا
استخدمي السدر كغسول يومي بدل الشامبو وفي طرق في النت لاعداده
زيت الزيتون يلين الشعرة داومي عليه
يمكن فروة راسها كانت ضعيفة وماتحملت المواد االكيميائية
نتعلم من الاخطاء اختي واحيانا يكون الثمن غالي بس الامل بالله موجود
انتي اسعي لعلاجها بشتى الطرق واعذريني اكتب على عجالة ولو احتجتي اي شيء من اللي ذكرته بكتب لك بالتفصيل الممل

ولو تقدري توصلي للعاملات اللي حطو لها التمليس وتسايهم عن المادة اللي نحطت لبتك عشان تقدري توصلي لعلاجها المناسب