السلام عليكم بنات انا لاحظت ان الدكتور بدون مايسوي سونار يعرف اذا راس البيبي فوق ولا تحت انا من الثامن وراس البيبي فوق والحين انا بنص التاسع وكل اسبوع اروح العياده اجيك اذا نزل راس البيبي عاد من يمسك بطني يقول لا راس البيبي للحين فوق وبعدين يتأكد أكثر بالسونار بنات عفيه اللي عندها خبره بهالموضوع ياليت تقولي لان والله احاتي القيصريه وودي من امسك بطني اعرف اذا راس البيبي فوق ولا تحت الله يسهل على كل حامل وتشوف ولدها او بنتها بصحه وعافيه ويرزق اللي ماحملت بالذريه الصالحه
هلا اختي . . . لما يكون تحت بتحسين بثقل تحت وشي يغط على حوضج . . . حاولي تسوين هالحركة : كأنج تحبين لكن لاتتحركين فقط سوي الحركة وربج كريم
حبيبتي مثل ماقالت ام عبدالله احبي وبعد في حركه ثانيه اذا نمتي ارفعي رجولج حطي مسند كبير وارفعي رجولج او امشي على تراب البحر بيساعد انه البيبي يلف راسه لي تحت000 اما بالنسبه لسؤالج شلون تعرفين والله ما ادري بس انتي سوي الحركات واللي كاتبه الله بيصير 000 وماتدرين الخيره وين000 الله يسهل عليج ويرزقج باللي تتمنين000
انا من الشهر السابع الدكتور قالي انتي موطبيعي ماراح يلف البيبي وماصدقت كلامه نطرت لين دكتوري رد من السفر وقالي البيبي بعده فوق وكل مراجعه يقولي راسه فوق وصج احس بريوله ترفس رحمي ومافي ثقل على رحمي والثقل كله فوق صاير ويابس واول مادشيت التاسع نشف الماي من تحت وماقام يبين البيبي بالسونار وبعدها بيومين ولدني قيصرية حمدالله لك يارب الله يسهل عليج يارب والي الله كاتبه راح يصير
