السلام عليييكم ......شخباركم ..... والحين نبى نعرف شلووووووووووووووون تعرفت على شريك العمر او الخطيب طبعا فى اللى الصدفة لعبت دور!!! واللى من الاهل ومحجوزيين من الصغر واللى يكون اخو صديقتها واللى ... واللى.......واللى كل موقف يختلف عن الثانى المهم ياريت نكتب مواقفنااا ....... ع فكرة يمكن البعض يتساؤل ليش اسأل او البعض يقول انى اتدخل بالعكس والله بس ابى نفرفش شوى ...وانتذكر الايام الحلوة لان تعبنه من قراءة المصايب........وقراءة الخيانات ليش مانجدد ونتذكر هالايام الحلو اللى بين الزوجييين ونبدل نفسيتنه ولان بعض البنات تعقدوا وصاروا يتشاؤمون ليش ما نخليهم يتفاؤلون ويحبون الحياة الزوجية ونعرفهم ان الطرف الاخر يحب وله مواقف حلوة وايام جميلة
وناااااااسة انا اول وحدة ارد ع مشاركتج ع العموم انا وزوجي قصتنا قصة أول شي طبعا زوجي يصير ولد عمتي وبينا تقريبا ثلاث سنوات اول شي يوم كنا اصغار كنا نتهاوش وكل يوم كان ينام عندنا بالبيت مايروح بيتهم الا ايام الدوامات وباقي العطل عندنا بس يوم كبرت ودشيت الثانوية عقلنا ومن عقبها ما صرت الهبلة اللي دور الهواش بالعكس كنت الهادية والرزينة وسبحان من حلاني بعينه عقب الطق والعض كان هناك صدمة لاهلنا اشلون احنا نأخذ بعض
الله على ايااام زماااااااااااان شوفي انا قصتي قصه ماعرفتها الا عقب العرس لانه كان حب من طرف واحد الا وهو طرفه << وكنت اتمنى هالشي وسبحان الله حصل هالشي .. يقول بسنة 96 يعني كان عمري بوقتها 13 سنه واقفه بالحوش بتشربين ماي وانا شفتج لانه كان رفيج اخوي وهو كان عمره بهالوقت 16 سنه ويقول انا اول ماشفته انخشيت ويقول كان الظهر << الموقف كله ترى مااذكره والله ويقول بسنة 99 عرفت اسمج لان تعرفين البدو عيب اسامي بناتهم تطلع يقول كان اخوج مزعلج وقاعد يقوله عني انه حط علي واني كاسره خاطره وذكر اسمي قدامه يقول عاد من يومها وانا اطلع نتايجج من المدرسه عاد اقول بقلبي الله والنتيجه تفشل كله تقديري جيد واالا دور ثاني بالانجلش هههههههههههه المهم لما صرت بثالثه ثنوي خطبني واهله اول شي كانو شاكين ان بيننا شي وعلاقه وماكانو موافقين بس اقنعهم ووافقوو وانخطبت له ارووووووووووع انساااااان بالدنيااااا فديته << راضيه عليه اليوووم هههههههه والحمدلله صارلنا بعد ثلاث شهور نتم سبع سنواااات بإذن الله وان شاء الله نتم العمر كله ويا بعض ... يسلموووووووو حبوووبه ع الموضووع اللي ذكرنا باللذي مضى .. .......................... ننطر قصتج انتي بعد والا بس تسمعين قصصنا ..
يسلموو عسولاا اناا يصير ولد عمي وصدقيني بيي وبينه قصة حب عفيفه حب طفوولي كبر معناا نظراته حب وكلامه حب وكنت انا وياهـ ننتظر اللحظه اللي تجمعناا ولماا خلصت دراستي بـ الكليه خطبني وتزوجناا قصة حيااتي كامله خخخ والحمد لله ع كل حاااال ننتظر طلت اخواتناا الباقيااات
احنا تعرفنا اكثر بس بالنظرات طبعا التعارف صار وطبعا من بعد ما اختة دلته علي راح لدوامي وقعد فترة يشوفني وأنا امثل علية اني ماادري يعني تعارفنا فقط بالنظرات ........................يسلموا
انا .. احم احم بالجمعيه شافني وعجبته حطمته هههههه وشاف ابوي طلع مار عليه سأل عنه وقالوله بيتنا ومن احنا وجا بعده بجم يوم خطبني ويقول كنت ناطر ع نار الرد وان ما وافقتي يمكن مت هههههههههههه نصاااااب فديت قلبه وانا ما كنت داريه عنه كلش وطولت ع ما كلمته بالموبايل طلعت محطمته وانا ناسيه اني ملجه اساسا لان طولنا بالملجه حول سنتين بس جد ايامها حلوه يسلمو يالغاليه
طق طق طق الباب فتح له اخوي دخل المجلس وخطبني وبدون استشاره كالعاده خذوه فغلوه تزوجته مع مرور الوقت بديت اهضمه وهالايام كاني هونت بعد مرور عشر سنوات خدددددددمه عفففففففففففففوا زواج
عادي ما كو شئ امه واخته يااات وخطبتني وما خلوا شئ فيني ما اقرصوووه قطيعه بس الحين ما ادري عنه لان انفصلت عنه من زمان ولا عاد تزوجت
[انا ريلي كان ياي عند ابوي لان عنده شغل معاه و نفس الحزه انا كنت راده من المدرسه بالباص و لا اصادفه و عقب اسبوع يا و خطبني
انا زوجي شفته بمنتزه الخيران تم يلحقني يومين وانا مو بالعته مو معطيته ويه هههههههه وبعدين عطى رقمه حق بنت عمي الصغيره وكلمته خطبني مره ماصار نصيب وخطبني مره ثانيه وصارت النصيب الحمدالله احنا الحين صارلنا سبع سنين متزوجين وعندنا ثلاث اصبيان الله يخليهم حقي ويخلي لنا
وااااااااااااااااو من زماااااااااااااان وايد تصدقون كان ينام مع خواتي الكبار يعني صديقهم خبرج كنت صغيره اهو يصير اخو مرت ولد عمتي يعني من بعيد وايد الله يخليه لنا
أنازوجي طالب مواصفات وبنت عمته صديقتي شافت هالمواصفات فيني وخبرته ورسل أمه تشوفني وصارت الخطبه بعدماسألنا عنه وخذت فرصتي في التفكير الله يعطيك العافية
الله يا زين هذيج الايام انا زوجى صديق اخوى كنا فى البر وشافني العب مع البنات وحطني براسه وخطبني 3 مرات وأبوي يرفض لفرق السن لانه أكبر منى 11 سنه وفوق هذا صممت أخذه لانه عاجبنى شخصيته قويه والحمدلله وهذى قصت حياتى كلها من طأطأ لسلامعليكوا فديتكم
انا زواجي كان تقليدي....يعني من ناس الى ناس...وصلوا لي اهله..وهو كان يبي مواصفات خاصة سبحان الله كلها فيني.......يعني قبل الملجة ما اعرفه.....والحين وعقب 12 سنة زواج احمد ربي الف مرة انه عطاني هالريال الطيب......اللي يحبني ويموت فيني كل يوم اكثر من اول وانا بعد امووووووت فيه عسى الله يخليه لي ولعيالي ومشكووووووورة عالموضوع الحلو ياحلوة
دعم سيارتى عند الجمعية وتأسف وصلحها لى وبعد اسبوع طق الباب وخطبنى ههههههههه ما انسى هاليوم حتى اذكر تهاوشت معاة وصراخ ولميت الناس علينا
