شنو الزمن اللي ودج تعيشين فيه

السلام عليكم بنات شلونكم شخباركم >>>>>>>>>>>> ان شالله كلكم


اليوم طرى على بالي شنو الزمن اللي ودي اعيش فيه ففكرت وفكرت وفكرت
وبعدين لقيت الزمن المناسب واهو زمن الرسول (عليه افضل االصلاة والسلام) واهو اجمل واحلى الازمان

وبيني وبينكم فكرت اعيش في عصر الفراعنه لكن بسرعه هونت تدرون ليش<<<<<<< لان كانت في عندهم مسابقه ان الفرعون مالهم كان يختار اجمل وحده منهم ويقطها بالنيل (اعتقد كان قربان او شي لآلهتهم) وانا بصراحه خفت اعيش بزمنهم ويختارني الفرعون >>>>>>>> تدرون جميله بعد شسوي

اما عصر الديناصورات ولاطرالي على بال اصلا

والحين انا قلت لكم الزمن اللي حبيته وبشوف منكم شنو الازمان اللي كان ودكم تعيشون فيها ​

يسلمو على الموضوع...
مثل ماقلتي احب اعيش بزمن الرسول عليه الصلاة والسلام وهم ودي اعيش زمن اباءنا واجدادنا ودي اشوف اشلون عاشوا ....

ارنوبه تسلمين على الرد فديتج

اي والله ابي اعرف شلون كانو عايشين وابي اعرفهم واحد ورى الثاني

صح كلامج

انا كل ماضاق خلقي اقول لنفسي ياليت احنا بعصر الرسول يشوف شيصير لي >>> وايد متأثرة بس اتوقع انه صعب جدا نعيش الي عاشوه بذاك الزمن


بس الفترة الي وايد احبها من حياتي وودي ارد اعيشها الثمانينات لي قبل الغزو

لء مو ثمانينات احلى السبعينات احس عجيب الوقت ذاك

تسلمين على الرد ياام دعيج

الله ...الزمن اللي ودي اعيش فيه هو زمن السبعينات ياحلاته وياليته يرجع



تسلمين يالغلا عالموضوع

ايوالله صاجة والله ودي اعيش بعصر الرسول صلي الله علية وسلم وعصر الصحابة ودي اشوف السيدة عائشة رضي الله عنها
الفراعنة الله لايقول احس حياتهم من الصبح لين ينامو قاعدين يحنطون بالميتين

وزمن الثمانينات احسة نقي ودي بعد اشوف الزير

الزمن اللي ودي اعيش زمن الرسول عليه الصلاة والسلام لان صج ناس كانت تخاف الله وقتهم كل في عبادة الله

ياليتنا نصير نفسهم لوشويه عسى الله يهدينا ويثبتنا

اشكركم على الردوووووووووووود حبايبي

زمن الرسول عليه الصلاة السلام أحلى زمن كله أفكر وأتمنى أعيش بزمنهم ( :

يسلموا على الموضوووع الرووووووعه حبيبتي ....

اكيد زمن النبي صلى الله عليه واله واصحابه وسلم زمن تمنيت اني اعيشه زمن فيه العدل والؤلفه والمحبة والطاعه

زمن رؤوا الصحابه الاخيار النبي صلى الله عليه وسلم وسمعوه وخدموه وتمنوا الموت من دونه

اللهم احشرنا في زمرتهم في يوم لاينفع فيه مالا ولابنون الا من اتى الله بقلبِ سليم

يسلموا اختي على هذا الموضوع الذي اثر فيني كثيرا

طبعا زمن الرسول صلى الله عليه وسلم
وخاصة السيدة عائشة رضي الله عنها ودي لو كنت عندها جارية اخدمها واخدم الرسول واشوفهم واتعلم منهم واشوف ابوها ابو بكر رضي الله عنه....
ذاك الزمن اللي كانت الحضارة الاسلامية في بداياتها وياحلات الانتصارات ولو كنت عايشة فيه جان رحت حق ابو لهب وتفلت عليه عمى بعينه!!

والله انا ودي حييييييل لو عشت على ايام الرسول عليه الصلاة والسلام ومت معاهم

اللــــــــه <<< جااااااااااان زييييييين

يسلموووووا غنااااتي عالموضوووووع الحلووووو مثلللللج

مشكوورة حبيبتي على الموضوع الرائع

بس انا ابياعيش ايام طفولتي لاغير لانه كانت احلى ايام عشته بحياتي ومشكورة ما تقصرين