شوفوا بشنو ربي عوض صبري وكافاني من بعد الهموم والمشاكل

اشلونكم يا بنات
انا من اشهر كتبت مشكلتي ان زوجي طلقني قبل لا اولد وهذا الطلاق الثاني لان كان من 7 سنين مطلقني وكان حزتها عندي ولدين وكنت اصلي الليل وادعي ورجعنا لبعض وشرطت عليه ما احمل ويوم حملت عشانه طلقني قبل لا اولد بشهر وظلمني وايد بهالطلاق على سبب تافهه
وكنت ادعي ان ربي يرده لي قبل لا اولد وماردني واستمر على ظلمه لي وهقيت عقب الولاده بيردني بس اصر الا يثبت الطلاق ورحنا ثبتناه عقب اسبوعين من الولاده ويوم صار لي شهر راح تايلند عشان يقهرني
ودخل ولدي الصغير المستشفى وانا عانيت معاه مع اني والده قيصريه وكنت انام عنده ويوم شفت انه ماله نيه رده رفعت قضيه نفقات وسكن لان طلعت من اهلي لان البيت صغير ولان مشاكل وايد عانيت منها مع امي وخواتي انا بالطلاق الاولي شفت المر وما ارتحت الا يوم رجعت له
وطبعا الحين صار 6 شهور وانا على هالحاله وادعي وادعي وصلاه ليل واستغفر ومن جم شهر سمعت ان بسافر تايلند ودعيت ان ما يروح بس انكتبت هالسفره ومن جم يوم رجع رجع وانقهرت الصراحه
طبعا ماخليت دعاء مادعيت فيه مثل المينونه ادور كل الادعيه بالنت واستغفار وصدقات وصلاه ليل كل شي سويته على امل انه الله يهديه ويرجع وكل مادعيت يارب سخره لي بعده عني زياده يارب انصرني عليه وورني حوبتي فيه قاعد يوفقه زياده وانا حيل ابلع حرات وقهر قمت اوسوس ان مالي حوبه مع ان زوجي مايصلي والحين عاق ابوه ومتزاعل معاه ليش ابوه يبيه يردني بس هم متوفق
واليوم الي صار اني طلبت منه الجوازات عساس بسافر مع العيال مارضى وطبعا بشرني ان له نيه سفره لتايلند عقب رمضان
تدرون شنو انقهرت
اهو الي ما يصلي وعاق ابوه وظلمني متوفق ومستانس واموره متيسره له
وانا شاطه روحي دعاء وصدقات وصلاه الليل واستغفار من سيء لي اسوا وكل شي مسكر بويههي
حتى النفقات امس استلمت الحكم وطلع ضعيف الصراحه ولا حكم لي بسكن القاضي
وقالت لي المحاميه ان بالاستئناف بزيد وراح يحكم بالسكن وراح نسوي له منع سفر وضبط واحضار ومن هالكلام
وزوجي ولا هامه قال اي ادفع لج مايهمني وينشال منع السفر
كل شي متسهل له
ليش عشان اهو ريال الله يحبه ويوفقه وانا مالي حوبه
هذا جزاء صبري
ماخليت شي ماسويته ادعي بصلاه الليل وابجي بجي والح مثل الياهل
قاعده ادعي يارب رده لي ذليل مثل ما ذلني يوم كنت اترجاه يردني لكن ربي قاعد يرفعه بزياده ويوفقه ويسهل له اموره جنه يقول له انا راضي عليك واظلمها مثل ماتبي وهم راح اوفقك اكثر
وجنه يقول لي مهما تدعين وتتصدقين وتصلين ماراح اوفقج
بتقولون يمكن طلاقج خيره
عيل ليش ردني له من الاساس ليش كسر قلبي واستجاب لي وردني له بس عشان يقهرني بالطلاق الثاني وايي هالبيبي الي يبته ينحرم من انه يعيش بين ام وابو حياه مستقره وسعيده
انزين انا من رديت له وانا ادعي بصلاتي وخصوصا صلاه الليل ياربي سخره لي يارب لاتفرق بينا وتشمت الناس فيني يارب حببه فيني
لكن كتب لي العكس فرق بينا وكسر قلبي وقلب عيالي وشمت الكل فيني وخلاه يكرهني
هذه مكافئتي من ربي نتيجه صلاتي ويوم قمت فيه وباهله كافاني وعوضني بالهموم والبهدله
بس ماراح اصلي صلاه الليل ماكو فايده
تحبطت وياست
اهو لا صلاه ولا شي ومتوفق وانا مهما ادعي واصلي متبهدله يمكن عشان اهو ريال لازم يتوفق حتى لو كان ظالم وعاصي وانا مره لازم اتحسر حتى لو كنت مظلومه
عيالي الكبار مساكين يقولون ليش الله مايخلي ابوي يردج اقول لهم الله بيختبرنا يقولون الله مايبينا نفرح
شقول لهم يهال شنو ذنبهم يبتليهم ومايرحم حالهم عيل منو الي يرحمهم
انا ابوي توفى من سنتين وهو كان سندي وخواني مو سند كلش لهم شهرين مايدرون عني بس شيشوني عالقضيه ولا واحد فيهم راح معاي للمحامي ولا ساعدني
اهم متزوجين اذا امي ماقاموا فيها بقومون فيني خو الثاني السنه الي فاتت طلق زوجته الطلقه الثالثه وبجرهم والثاني بالجامعه والبنات بالثانويه ومن طلقها قام يوميا ايي عند امي يتغدى عند امي ولا قبل امي تبجي بجي على شوفته كانت مكرهته فينا بس هم ليلحين شايلها ويموت فيها ويوديها المطاعم مع عياله ظالمه وربي مسخر لها اخوي واهي عندها عيال يشيلونها وقايمين فيها مع انها كانت قالبه اخوي على امي وظلمتها بس عيالها متسخرين لها
وين العدل
وانا عيالي صغار ولا عندي احد يساعدني وياخذهم من المدرسه ومديري لعين ماقدر اطلع اخذهم يوم سافر عمي كان اييبهم وعمي هم مو ملزوم والقاضي ماحكم لي بسياره وسايق لان امكانيه طليقي ماتسمح لي
وهو قاعد يتبع معاي سياسه العناد مرات ياخذهم ومرات يقول دبري عمرج
الله يقدر يسخره بس الله ما يبي لانه يبيني اتعذب واتحسر
بتقولون توكلي على الله وكلي امورج له دايما اقول يارب وكلت اموري لك تتسكر البيبان بويههي زياده
الحين اغلب المتزوجين يخططون حق مستقبلهم وسفراتهم وانا اقعد ابلع حرات وقهر واحاتي اشلون احل مشاكلي
انا خلاص في قمه ياسي حتى مالي خلق ادعي واصلي والله تعبت تعبت بس ايقنت ان ربي مو قاعد يسمع دعائي ولا شتفسرون مستمره بالدعاء بدال ما يخفف عني يزيد الابتلاءات والعذاب عليي مع ان عمري ما اذيت ولا ظلمت كل من يشهد اني طيبه وخدومه على قوله حمواتي الي بايدج مو لج
احب افرح الكل ولو بيدي ماخلي احد محتاج
بس انا ربي ما يحبني ويبي يشوفني منهانه ومنذله ومتحسره
صج الله خلق وفرق ناس مهما يسوون من معاصي وذنوب ويظلمون لكن يحبهم ويسعدهم ومنهم زوجي وناس مهما يصلون ويدعون يحسر فيهم ويبتليهم ومنهم انا
انا مالي حوبه زوجي طلقني المره الاولى هم ظلم وراح وسافر واستانس ولا خذا لي حقي منه بس عشان تعرفون شكثر ربي يحبه وينصره حتى لو كان ظالم
وصج يوم رجعت عشت احلى ايامي معاه ودللني لكن احس ان ربي يتحسف يخليني اكمل فرحتي لازم يبليني ويشمت الناس فيني ويقطني بالمصايب
اصلا وايد ناس ظلموني شي شفت حوبتي فيهم وشي منهم لا بس حتى الي شفت حوبتي فيهم رد شمتهم فيني
والمشكله اذا ماردني لازم اتزوج انا صغيره وبخاف على نفسي من الفتنه وان تزوجت خذاهم وامي مافيها شده عليهم عيالي عشان تعرفون شكثر الابواب مسكره بويههي
الله يحبه وموفقه مهما يسوي ظلمني بشغلات وايد ولا مره ربي نصرني عليه ياريتني كنت مكان زوجي ياريتني انا اهو على الاقل اضمن حب الله وان يوفقني ويسعدني واظلم وماصلي واعق ابوي ولا اشيل هم زوجه مظلومه تدعي عليي لانه ماراح يستجاب دعاءها عليي وبكل الاحوال النصر لي ولا اشيل هم ابو مو راضي عليي واضمن اعيش بسعاده
ااااااه جان زين انا مكانه جان زين
مادري اسوي له سحر وارتاح ولا شسوي طقيت كل الابواب ولا لقيت بصيص امل للفرج
حتى ربي مسكر كل البيبان بويههي حتى لما يرزقني بجم فلس مايمديني افرح فيه يروح مني على اهون سبب
بس الحين بعيش حياتي بالطوووول والعررررض سواء صح او غلط انا جذي ولا جذي مو متوفقه ليش اعور قلبي
لا تقولون الله يحبج وبيختبر صبرج لان بس مابقى فيها صبر بس ماعندي قدره اصبر كله على حساب صحتي وراحتي وهو يتمرد بزياده ومتوفق ومو شايل هم
كل مادعيت ياربي لين قلبه لي ولعيالي يخليه يزيد بالعناد الله قدر يلين الحديد بس ما يبي يلين قلب زوجي


مادري تعبت

وانا واثقه ان اخرتها الله بعوض زوجي اكثر وبيسعده اكثر لان اهو ريال لازم يعيش مرتاح

حبيبتي انا مادري شنو اقول لج بضبط بس الي اكتشفت انج ضعيفت ايمان و ماعندج حسن انيه مع ربج ماتدرين ان الله اهو الحكيمه بي عباده وهو رزاق وهو اكرم الكرمين الله سبحانه يعلم ما ينفعج ومايضرج يمكن لو رجع لج ماتكون حياتج سعيده معها او في مرض لسمح الله او او او ليش ماتحسنين اظن بالله ادا جيتي تدعين طلبي حاجتج وقولي وافعل بم انت تريد ولاتفعل بم ان اريد لان الله هوالعالم بي مصلحتج اكثر من نفسج الله هو ارحم الرحمين وخير ارازقين

تعبت تعبت ليش انا مو بشر
مو من حقي افرح واستانس
انا بس انخلقت عشان اتعذب واتبهدل
ماصدقت على الله افتك من المحاكم وبهدلتها بالطلاق الاول وارتاح ترد لي هالبهدله مره ثانيه
فوق طاقتي كل هالمصايب فوق طاقتي
ليش عشان اهو ريال لازم يستانس ويسافر وعشان انا مره لازم اتحسر
وشنو هالمرض الي فيه
مو قادره اقتنع بلي صار احس جني بحلم
اذا ما استانست الحين متى استانس

حبيبتي شلون تبين ربج يوفقج وانتي تقولين هالكلام هذا اولا
ثانيا ثقي تماما ان ربي قاعد يعطيه فرص لكن الشيطان اهوه اللي راكبه
والله والله يابنت الناس ان ربي لمن يبي يحاسب العبد من بعد عدة فرص راح يكون حسابة وجزائة عسير
ولا مجال من الرجوع سوا الندم مما اقترفت يداه
وانتي ربج راح يوفقج لكن خلج قوية ايمان
واتجهي اتجاه ثاني
ربي عيالج ولميهم على قلبج وقولي هذيل العوض لي واهتمي بنفسج ولا تقدرين نفسيتج
والله بياخذ حقج
والدليل انه تاركه بمعاصية وسفراته
لو ربي يحبه والله جان ترك السفر والخرابيط وصلى

تعبت ابي اشوف حوبتي ابي اشوف حوبتي

لاحول ولاقوة الا بالله

ربي يعينج ويساعدج ويفرج عليج همج
مو هذا العشم يامسلمه...ربي عطاج الصحه والعافيه وعيال مثل الورد ولله الحمد تصلين وتعبدين ربج بغض النظر عن كل اللي كتبتيه فوق

اما ريلج........لاصلاة ولاعباده ولا عنده طيور كل يوم يقولون له أبوي...وفوق هذا مايعرف قيمة اللي كان عنده وبين ايدينه

انتي بنعمه واسلوب اشوف حوبتي هذا شيليه عنج يالغاليه لانه الرسول عليه الصلاة والسلام أمرنات بالدعاء وقت الحاجه ولله الحريه بالاستجابه أما الحين واو الافضل يخليها لج ليوم ماتنف فيه الا اعمالج ورحمة قبلهم

صدقيني ...وانا اختج وما اعرفج انه ربي يحبج لانه مايبتلى الا المؤمن الصادق واللي ربي يحبه
وبالنسبه لريلج له يوم يندم ...والله له يوم ومثل ماقلت لج اذا مو الحين بيكون بعدين بين يد الرحمن وحزتها شنو بينفعه؟

ردي صلي الليل وادعي وحمدي ربج ولايهمج الشماته ربي يبرد قلبج ويرحم حالج ويسعدج ويغنيـج عن كل البشر

عسى ربي يهون عليج كل امورج وينصرج ويفرج عليج همج يااااااااارب

حبيبتي ما قصرتي انا بس ابي ربي يكسر جبروته اهو حيل متمادي بظلمه انا ابي اييني ندمان ومعتذر
هذا اعظم نصر لي

لاحول ولاقوه الا بالله
انا عارفه ومتأكده ان الكلام الي بقلبك قلتيه دون النظر الي اي شئ ثاني
بس سامحيني
انتي ضعييفه
جدااااااا

واصلاا انتي يعني تصلي وتعبدي ربك عشان زوجك يرجعلك ويعاملك
معامله حسنه
يعني مو لوجه الله
طيب قوليلي
انتي منتظره فرج
؟
انا اقولك مافي شئ بيتغير
لانك بس عايشه عشانه

طيب جربي نصيحتي
عيشي لربك وبسسسسسسسسسسسسس
وشوفي اذا ماكان ربك يعوضك
ويريح قلبك
من كل النواحي
اختي الزوج مو كل شئ بالدنيا الدنيا في اشياء كثييييييره
حرام عليك نفسك تضيعيهااا

حلو الي كنتي تسويه بس انتيي تسوي كذا عشان زوجك
سامحيني
انا كلامي يمكن جارح

بس انتي طلبتي راااااي

عيشي لربك
وبتلاقينه جاي لعندك
بدون اي مقدمات
واذا مارجع
يمكن خيره لك
عسا ان تحبه شيئاا
فهو شر لكم


وشوفي كم انسان اقل منك
لا ومازل يقول الحمدلله من كل قلبه
وبيظل لان قووووووي
شوفي كم واحد اقل وكم وحده اقل منك
خلي الي احسن منك
عشان تقدري تقوي ايمانك
والدنيااا قصيره

وانتي حره بأول والاخر

بس تعبت والله تعبت مشاكل وقضايا ومحاكم من وين فيني حيل لكل هذا فوق طاقتي والله فوق طاقتي
من وين بييب حيل لكل هذا

نصيحه لج أختي أحذفي موضوعج لأن موضوعج مو عن مشكلتج مع زوجج ألي فهمته أنج تشتكين من الله وهذا حرام لأن الله غني عن عذابج وهو رحيم بعباده أولا أخلصي الدعاء لله عز وجل وأحسني الظن بالله ولا تضحكين الشيطان عليج تري الدنيا وبلي فيها ما يستاهلون تخسرين أخرتج علشانهم

وين انا مو شايفه الا العذاب محاكم وبهدله حتى ماعندي فلوس ارفع قضيه للجوازات بضطر باجر اروح المحكمه بنفسي وارفعها بروحي
مافيني شده على كل هذا
هالبلاوي الي تصير لي عذاب والله عذااااااااااااااب
انا شكيت لربي قلت له يارب هون عليي مافيني حيل اتحمل مشاكل وهموم اكثر من جذي خفف عني بس للاسف يزيد عليي هموم ومصايب اصعب واقوى وكله على حساب راحتي وصحتي
بس مافيني حيل والله مافيني حييييييييييل

سمحيلي يالغالية
كلامج معناتة ضعف ايمان
مب كلام وحدة واثقة بربها

اول شي استغفري ربج
لاحول ولا قوة الا بالله
شلون تتجرأين تقولين هالكلام ترى الله مو محتاجج انتي محتاجتة
اللة يهديج
وين الصبر تكفين قوليلي وين الصبر
اي صبرتتكلمين عنة

استغفر الله
خلاص حذفوا الموضوع