صارتلي سالفه بالمنتدى >>مو عشان افضحه بس عشان افيدكم و ما تصدقون هالخرابيط ....

السلام عليكم و رحمه الله و بركاته



بنات انا بقولكم سالفه صارت معااي بالمنتدى قبل فتره يتني رساله خاصه بطلتها و الا مكتوب فيها هالكلام :



أختى الكريمه / امووووله

السلام عليكم ورحمة الله وبركاته

تتشرف أختك ( .......) بعد اطلعها على جميع مواضعك ومشاركاتك

المتميزه بدعوتك للإنضمام على قائمة مسنجر ميلها الخاص فإنتى

اختى بلا شك مكسب كما اتمنى من خلال تلك الإضافه ان تتحول

الصداقه مع الوقت إلى أخوه أعتز وأفخر بها فأختك ( ......) للأسف لم

ترزق بأخوات فأصبح النت هو ملاذها الوحيد لسد ذلك النقص

أنا حاليا شابك على المسنجر


الايميل ..........................................




المهم انا قلت يمكن شاب بعدين قلت لا مو معقوووله يمكن بنت و خاصاً كلامها يجذب ....




ضفتها بالمسن ع نيااتي و بعد الاضافه و محادثات اكشفت او كشف لي انه شاب مو بنت !!!!


طبعا انا استغربت و خاصاً انها تتكلم بالفصحي و بعدها قالي انا سويت جذي بخصوص هدف معين و انه يدرس بالخارج و يحضر الماجستير و يبي يسوووي استبيان بخصوص الدراسه و بالاساس ماكو لا استبيان و لا شي !!!و قالي انه بعض العضواات سبوووه و دعوووا عليه و اجرحوووه بس براااافوووو عليهم ...


و انه الشباب ما يقبلوون اضافه من شاب و انه سوا كل هذا بخصوص الاستبيان و قالي يبي يكون الاستبيان حوار صوتي بسبب الاستبيان !!!!


طبعا انا عطيته زفه و هذول هم الشباب صوتي بعدها كام ...


وع طووول بلوك و دليت ....


طبعا انا حطيت هالموضوع مو عشان افضحه بس عشان افيدكم و انبهكم من هالاشياء و لا تصدقووون هالخرابيط و اكيييد بعض العضوااات يتها هالرساله!!!!...



هذي طريقه يديده للشباب المحترفين بالجذب و اللعب ع بنات خلق الله ...



اتمنى من كل عضوووه تعطيني رأيها بهالسالفه و بالاخص العضواات اللي يتهم هالرساله و شلون تعاملوا معاااه ؟؟؟.....



لا تحـــرمووونــــا من طلتكم و ردودكم ...

الله يحميج و انا مقاطعة الجات و المسنجر بسبب البلاوي اللي سمعتها و البنات اللي راحوا ظحية هلسوالف الله يحمي بنات الناس

جزاج الله خير عالتنبيه وزين ماسويتي فيه بس ممكن النك نيم للشخص عالخاص علشان اخذ اجراءاتي ..

بس صج عليه اسلوب يجذب:mskket: يعني الى هالدرجه تفنوني الشباب علشان يخدعون البنات؟؟

الله يستر على بنياتنا ويحفظهم من هالاشكال والحمدلله عالسلامه :smile:

مشكوورة وان شاء الله الكل يستفيد من هالموقف

زين سويتي حبيبتي ,,

ياربي شنوو هذا ماكوو شغل لهدرجه يتصيدوون بنات الناس ,,


حسبي الله ونعم الوكيل ...

انا بصراحه ما ايد الماسنجر واحسه طيش

مع احترامي للجميع من وجهة نظري

اي صح وانا بعد وصلني عالخاص بس ماظفته لانه ما ضيف بس اللي اعرفهم

ويعطيج العافيه

يعطيج العافيه ياقلبي وزين سويتي يستاهل

الله ستر عليج حبيبة قلبي الحمدالله انج اكتشفتيه قبل لايصير شي
ومشكوووورهـ يا قلبي ..

يعطيكم العافيـــه بنااات ع المرور و ان شاء الله الكل استفاد من هالموقف ...


بس خلاص انا كلمت الادراه و اخذوا الاجراءات اللازمــــــه ....


احنا البنات ما ننصــاد و لا احــــد يقـــدر يخدعنــــا بكـــلام جذاااب ...


و الله يسلمكــــم مـــن كـــل شـــــر "

يعطيج العافيه ع الموضوع


ما تقصرين

وزيــن سويتي فيه يستاهل ما ينعطه وجه

وانا جتني عالخاص رسالة

بس ضفتها وبعدين حسيت في شي غلط بلوكككككككككك ودليت على طول

ماكنا نخلص من هالخرابيط والكلام الفاضي

شكرا اختي لتنزيلك هالموضوع

شــــاكــــرتلكــــم مـــــروووركـــــم و تفــــاعلكــــم معـــــاااي ....


و الله يعطيكــــم الف عافييييه ...

انا جتني اكثر من رساله والله منهم اللي يبون اضافه ومن هالحجي

على طوووووووول طاااااااااااااااااف ماارد على رسايلهم

وانا مو اي احد ارد عليه بالخاص الا ضروره

مره واحد مقروود الغبي يقول صباح الخير بصفحتي الخاصه على طووول ايقااااف ههههههههه

احس كره الساعه اللي قال صباح الخير :teeth_smile:

والله النت بحر فيه الزين والشين الحذر ثم الحذر ثم الحذرررررررررررررررررررررر

ياليــــل انا بعرف اذا عندهم طرق ذكيه عشان يصيدون بنات الناس مخهم هذا ليش مايشغلونه بشي ينفعهم..

الله يسترعلينا من كل شر..ومشكووورة حبيبتي على التنبيه..​