مرحبا بنات شلونكم ,,, بقولكم مشكلتي مع زوجي اللي مضايقتني حييييييييل.. :emoticon_U: انا زوجي مسافر مع ابوه علاج ودايم ادق عليه واساله عن صحته ومرات يكلمني ومرات مايرد علي ويحقرني باليوم واليومين والاسبوع ولما اقوله ليش ماترد علي وتطمني يقولي مالج شغل فيني خليني عايش حياتي بكيفي وبروحي وانتي بعد عيشي حياتج ولاابي اشوف منج مسج ولا مكالمه ولاحتى تكلميني مسنجر ,,, ويقولي شنو انتي ماعندج اهل تقعدين معاهم والا تكلمينهم ترى انا مو فاضيلج ولا فاضي حق مكالماتج ولا ابي اشوف رقمج واذا شفت رقمج يويلج والله يابنات قهرني وصدمني بهالكلام انا مابي منه شي كل اللي ابيه اني ابي اتطمن عليه وبس ,,, ليش قال جذي؟؟؟؟؟؟؟؟؟
مساء الخير صراحه ....انا الي حيييل مستغربه ؟؟؟ اوكي رايح علاج ومثلا انشغل يوم او يومين لكن مو اسبوع ويقولج هالكلام عيشي حياتج وانا اعيش حياتي حبيبتي ممكن متضايق منج بشي او انه متضايق اتركيه انتي وصبري ولاتدزين له مسج او تدقين على الاقل يومين واذا دق عليج ردي عليه ورحبي بتصاله وقولي مشتاقه لك فقدك جذيه بعض الرجال يقول جذيه لزوجته عشان يثقل عليها ويبي يشوف غلاته عندها والبعض الثاني يكون مشغول ولا له خلق يسمع اي كلام وماعليه تحملي الحين هالفتره لانه فترة علاج بالنسبه لابوه وانا مجربه والله مايكون لج خلق اي شي غير صحة ابوج نصيحتي بالاخير صبري ولاتعاندينه وتردين بالحجي قولي له انشالله الي تبي اسويه حاضر وانت وقت ماتفضى طمني عليك وعلى صحة الوالد بس ومالج الا الصبر اوكي يالغلا
رايي من راااااي الصبااايا بس بعرف شنو قصده بعيشي حياتج بعيش حياتي؟؟؟؟؟ اقول لا تتدقين ولاتتدزين شي كلش خليه هويددددددددددددددق>>> يمكن نفسيته تعبااانه عشان ابوووه والله يسخره لج يارب
اسيره حبيبتي حاولي تنسينه هالفتره وخليه هو اللي يدق بس لاتنسينه بصلاتج وبدعائج ان الله يسخره لج بس لاتضيقين خلقج حاول تعذرينه علشان ماتتعبين نفسيا والله يوفققج يارب
طيب ليش اهو وين رايح علاج ؟؟؟ اذا لندن عزالله مهو رادلج واكيد لقاله وحده فرت راسه ونساج انتي عندج منه عيال؟؟؟ انا اقول راجعي نفسج يمكن انتي زعلتيه وانتي ماتدرين ولاعاد ادقين عليه خليه اهو يدق
صراحه غريبه ليش ما يبي يكلمج و لا يبي منج شي ؟؟ فكري بعلاقتكم قبل لا يروح اشلون كانت يمكن كان زعلان عليج أو متضايق منج من شغله معينه و اذا طلعتي لا مزعلته و لا صاير بينكم شي خلاص سوي اللي يبيه و لا تسألين عنه أهم ما عليج كرامتج و لا رد لكل حادث حديث
حبيبتي اقطعي كل الاتصالات فيه هالفتره ماتدرين لو انها نزغة شيطان واذ استمريتي تدقين عليه راح يتطور الموضوع ويتفاعل زوجج ويصير شي بينكم هو اول من يندم عليه اتركيه يومين بالكثير وهو الي بيدق لاني واثقه انه شوقه لج الحين مايعادله شي (بس شغل ابليس الرجيم وهمه هالمتزوجين شلون يشتتهم ) الله يهديه ويسخره لج غصبن عنه قولي آمين
يا حبيبتي تقولين رايح علاج مع ابوه......يعني هو تحط ظغوطات عجيبه وكبيره صدقيني الرياييل ماعندهم كنترول على تصرفاتهم اذا كانوا مظغوطين نفسيا ربي يسخره لج ويرده بالسلامه وانتي بعد خفي شوي من الحنه والاتصالات اللي مالها داعي وبعدين شنو يعني بيصير فيهم؟ ربي يحفظج ويحفظ لج ابو عيالج
