السلام عليكم ورحمة الله وبركاته ................وبعد. شلونكم خواتي العزيزات@@@@@@ان شاءالله تكونون بخير يارب. بغيت استشيركم بمشكلة صديقتي مع خدامتها ؟تقول انها كانت عندها خدامه نيباليه اقعدت عندها سنه وانحاشت للمكتب وقالت للمكتب انها تبي تسافر حاول فيها المكتب مارضت المهم سفرتها وخسرت سبحان الله بنفس اليوم تقول انه أمها عندها خدامتين نيباليه وسيلانيه وانه أمها مابغت السيلانيه وودتها المكتب واشتغلت عند أمها شهر ونص واهيها جديده ماتعرف شي تقول انها دقت علي أمها والا تقولها أمها روحي أخذي السيلانيه تلقينها بالمكتب المهم راحت خذتها بدون تفكير لان عندها عيالها صغار وراها مدرسه المهم تقول اول ماشافتها اعرفتها وتقول انها اول مادخلت البيت وخذت لها ربع ساعه والا تقول لها أنا مابي اشتغل وديني المكتب تقول صديقتي سويت نفسي مافهمتها وعطيتها طاف تقول ثاني يوم وديتها الفحص علشان نطق لها اقامه ولما ردت من الطبيب والا تقول لها أنا راح اشتغل سنه وأروح لسيلان لان أنا في بيبي تقول صديقتي عطيتها طاف وضحت لها أني مافهمتها تقول ثاني يوم جتها قالت لها ماما أنا ابي اكلم زوجي وولدي قالت لها ولايهمك تقول لما كلمت اهلها وخلصت قالت أنا يبي تلفون علي شان زوجي وامي وولدي متي مابغو يكلموني انه عندي التليفون تقول حطيت نفسي مافهمت لان فكرت التليفون تخاف منها صديقتي أتقول ثاني يوم راحت لها مشوار مدة ساعتين وخذت معاها عيالها الكبار وخلت الصغار نايمين وقالت لها ديري بالج عليهم ولا تحركين من مكانك شوفيهم عدل تقول صديقتي والله ماطلعت الاللضروره تقول لمارديت والا اتشوف اعيالها طالعين بالشارع واهيها ماسكه الولد الصغير ابو سنه بالبرد واقفه عند الباب تقول انها لما شافتهم انصدمت المهم تقول دخلت اعيالها والخدامه والا البيت معتفس فوق تحت من عيالها وأنها ماقدرتهم والا الخدامه اتحلطم وتقول أنا مايبي وديني المكتب تقول صديقتي ضبت نفسي عليها وعطيتا ابتسامه كبيره تقول والا الخدامه انصدمت المهم تقول قمت ونظفت معاها البيت واتفقت معاها انها ماتشوف الا الولد ابو سنه والباقي علي صديقتي وين ماتروح معاها تقول صديقتي اضطريت أني أعطيها تليفون خاص فيها علي شان اقعدها*عندي تقول أهني أهي استأنست المهم مشكلة صديقتي الحين انها مومرتاحه بسالفة التليفون مع انها علي طول اتجيك علي التليفون ما تلقي الا زوجها متصل عليها وتقول انها كل ماتكلم اهلها تتكلم مع ولدها وتقول صديقتي بعد خايفه انها بعد سنه تروح وتخسرني. الحين أنا ابي رايكم اشرايكم تخليها عندها والا تقدم علي وحده ثانيه وشنو برايكم احسن جنسيه للأطفال والبيت لان اهيا بشقه وشكراً انتظر ردودكم بسرعه والله يجعله بميزان حسناتكم
بسم الله الرحمن الرحيم السلام عليكم مافيه جنسية حق خادمة اطفال حتى المربيات المتخصصات تلقين عندهم مشاكل الأهم تربية الطفل اذا عيالها بساعتين عفسوا البيت أكيد من ورى ظهر الأم شاقين القاع فاي خادمة ماراح تتحمل أكثر من ثلاث اشهر وراح تحاول يا تنحاش يا تسافر تأكدي أهم شي للخادمة الأحترام وقلة التعب حتى الطفل عمر سنتين اذا كان قليل أدب زيادة بشكل يومي مع الخادمة تلقينها ماراح تتحمل بالنهاية والتلفون صدقيني اذكى منج يحذفون عمد الأرقام اللي يبون ويخلون اللي يبون لأن يعرفون طريق ربة البيت تتعبث وراهم وشي ثاني فيه خدم بس تشترين لهم خط بعد مدة يشترون هم تلفون رخيص وقت مايبون يعبونه ويتكلمون طالما فيه خط عندهم .. وساعات يشترون خط وتلفون وتأكدي يخشونه عدل اختك
اختي . . . رفيجتج دام فكرت انها تستقدم خادمة ثانية فهذا دليل انها مو مرتاحة ويالخدامة المتقلبة . . . واذا رفيجتج ربة بيت خل تساعد الخدامة في اعمال البيت مناصفة وبترتاح وبتريح الخدامة . . . وربي يهدي الامور بينهم ع خير . . .
دام الخادمه تبي تسافر توديها احسن لها وتقدم وتكون لشغل البيت بس ماله داعي تمسك وتهتم بالاطفال شر لاب منه
مشكورين علي الردود بس حبيت اسأل هل أغلطت لما عطتها التيليفون تقول انها ماتقدر تراقبها لان اعيالها اسم الله عليهم مايخلون لها مجال تراقب وانا بصراحه نصحتها تجيب خدامتين لان اهلها بمنطقه واهي بمنطقه ومو قايم بعيالها الا هي وهي بصراحه اتعبت اشرايكم براي لها ردو الله يجزاكم خير شكراً
هلا اختي . . . الدنيا تطورت خل يكون عندها تلفون لكن تعبئة وبين وقت وثاني خل تجيك عليه . . . اذكر من سبع سنوات خالتي شرت تلفون لخدامتها من فلوس خدامتها قعدت الصبح طبعا كنت مو مداومة حزتها دخلت غرفة الخدامات والا حركة تحت فراشهم مو طبيعية !! خدامتي وخدامة خالتي طايحيله مغااااازل !!!!!!!!!! ويا واحد بالموبايل خدامتي عيونها لما تطلع بالارض ما تغازل وخدامة خالتي مو حلوة !! شلون حصلوا الرقم مادري وين طاحوا على الزقرتي اللي يغازلونه مادري !! هذي المرأة اذا تبي شي تسويه لا مراقبة ولا غيره اللي براسها تسويه خل تعقلها وتتوكل ع رب العباد وتحصن بيتها بالدعاء . . . وتستقدم خدامة ثانية تكون كبيرة بالعمر 45 او بالاربعينات وتكون متعلمة شوي
مشكورة اختي ام عبدالله كلامك كله حكم ويعطيك العافيه يارب /بغيت أسالك أنا من متابعينك بس للأسف عندي الردود اللي تكتبينها جزء منها مايبين عندي اللي هو ناحيت اليسار شنو الحل علي شان أشوف الكتابه كامله أتمني انك فهمتيني وجزاك الله خير انتي وخواتي اللي ردو علي الموضوع
هلا اختي ام هاجر . . . مشكورة حبيبتي ع الرأي الحلووو وربي يسلمج يارب . . . بالنسبة للصفحة طالعي فوق بالصفحة بتلاقين يسار كلمة view اضغطي عليها بتفتح لج تحتها قائمة اختاري كلمة zoom واختاري الحجم يكون 100 اذا جهازج لغته عربية اختاري استعراض بتكون ثالث كلمة من اليسار وانزلي تحت ع الحجم واختاري امية
هلا اختي طالعي يسار بتلاقين مكتوب ملف - بعدها تحرير - شنو الكلمة الثالثة عندج هذي اللي اقصدها اضغطي عليها بتلاقين كلمة زووم او حجم هذي اضغطي عليها واختاري الحجم اللي يناسبج منه . . .
انا خدامتي نبيالية تقول احنا نحب اليهال عادي.. بس اقولج تتحلطم وااايد وابوي جاكة تاخذ تلفون بيتنا تكلم واحد ولم رجعت شقتي كلمة ريلي تقول ريلي 2 واخوي. وهي قالت لي ريلي ميت نصدمت وكل كروت تعبي وتقول كيفي معاشي ..؟! صج هم بس شر لابد منه معناه عيالنا كله عندهم .، انا متحملة كل شي عشان عيال مافي احترام بعض المرات.. المشكلة مو في اليهال فيهم تلفون مخرب عليهم وواييد مخليهم مايخافون .. الله يريح قلوبنا بس يارب.،
والله انك صاجه اهم شر لابد منه بس تصدقين افكر اسوي حمله لا للخدم هاهاهاها علشان كل بيت بالكويت ينظف منهم علي شان كل وحده ماتقول للثانيه انت ليش ماعندك خدامه أنا عندي خدامه ونستغنا عنهم بالاجهزه الكهربائيه الحديثه وعيالنا إحنا نربيهم اااااااااه منهم هالخدم مشاكلهم ماتخلص الله يكافينا شرهم
مانقدر نعيش بدونهم كل واحد يكمل ٢ بالحياة هم يحتاجونا واحنا نحتاجهم .. ظروف وزمن والحياة تغيروا .. خليها تنام على كيفها ومالج الا الدعاء اذا بيصير شي يصيرالا يكتب قدرنا وحياتنا..
