صباح الخيـــــــر بنات قبل كل شي طالبة منكم طلب صغير : هو ان كل وحدة تمر ع موضوعي ترفع ايدهـآ للسماوات ان رب العالمين يرزقني ولد الحلال اللي يقدر قيمــتي .... مو عارفة شلون ببدآ ,,, انا صراحة حيل محبطة وظروفي وااااايد صعبة مو شوي واحس اني شبه بديت افقد الأمل اني القى صديقة يكون قلبها علي وانها تصفي نيتها معآآي واصعب شي هالشعور ان الشخص يفقد ثقته باللي حوالينه .... انا من فتره او بالاخص .... قبل نهاية السنة طلعت من وظيفتي لاسباب راجعه فيني .... وطبعا الناتج .................. كان جدا قرار سلبي والحين مو عارفة شسوي ولا وين اروووح ....؟!!! وفقدت اشياء وايد من خلال السنة اللي طافت ومادري اذا هالسنة الامور تتحسن بالنسبة لي ولا لأ ....... بنات ماراح اقولكم اني حيل انضغط اذا عدت سنة ولا صار عيد ميلادي .... ولا اي شي في دلاله ع ان عمري قاعد يعدي من دون اي فايده او مصلحة لي ....@-@ وبالنهاية انا انسانه وخاطري احقق كل اللي ابيه لكن .... ماقدر بسبب اهلي وظروفي حاسة ان اهلي اهم لهم الدور الكبير بتحطيمي .... لانهم ماعندهم اي محاولة عشان يسعدوني او يفهموني ..... بنات انا اللي اعاني منه بصوب والمشكلة الاساسية من كل هذا بصوب ثاني ....@ انا احس بوحدة مو طبيعية ......... حاسة بملل وفراغ مو طبيعي ,,,, حاسة اني عايشة بدوامة حزن واسى وطريق مسدود ...... عايشة ع امل اني اقعد بكرة والقى كل شي متغيــر ....!! حياة جديدة ,, وظيفة مناسبة ,,, زوج محترم ,,, صديقات ينشد الظهر فيهم .,,, واحس ان هالاشياء بوقتنا الحاضر بالنسبة لي ولظورفي جدا تعجيزية ....... شلون اقدر احقق كل هذا شلون اشيل اليأس بداخلي مو عارفة شلون ابتدي حياة صحيحة ,,,,, ولاعارفة شلون اكنسل كل صداقات عمري اللي ضاعت بين الوهم والخيآآآل تنهيدهـ كبيرهـ بقلبي دموعي ع عيني ,,,,, بنات ادري بتقولولي انتي بعيده عن ربج بس انا مؤمنه بربي مؤمنه برحمته ومع هذا مو قادرهـ حتى اتصل برب العالمين ........ صرت ابطل حتى اقرأ دعاء ...... ولا امسك القرآآآن قسم بالله متضايقة مو عارفة شسوي مو عارفة ....!.!!..!!! للعلم / من فترهـ حملت كتاب القريني لا تحزن وما قريته .... لاني صرت احس ان السعاده بعيده المدى اعذروني بنات ع اليأس بس ابي وقفة جادة ارجووووكم
هلا أختي . . . إنتي قدرتي تلخصين مشكلتج اللي تعانين منها : 1-مافي صديقات لج مخلصات 2-وظيفة فقدتيها لسبب راجع لج. 3-عدم زواجج . 4-كل سنة تكبرين بالعمر وهالشي مسبب حزن لج. طيب منو السبب فيما سبق قلتي : أهلج اللي ما حاولوا يسعدونج أو يفهمونج ! وبالتالي وصلتي لمرحلة يأس وإحباط لدرجة إنج مقتنعة إن بكرة لا جديد فيه ! وحدة مثل إسلوبج اعتقد إنها قادرة تطلع نفسها من دوامة الحزن الارداي هذا ما ابي اتكلم وياااج بإسلوب المثاليات وإنج وإنج !! لا بقولج : 1-مافي صديقات لج مخلصات في حياة كل وحدة فينا زميلات ولسن صديقات يعني مو شرط يكونون في حياتج علشان تكويني سعيدة 2-وظيفة فقدتيها لسبب راجع لج. طيب قولي لنفسج لعل في الامر خيرة وربج عالم بخفايا الامور 3-عدم زواجج . ربي بيرزقج نصيبج إن كان كاتب لج الزواج بيرزقج بإذن الله لان الزواج رزق مقدر للإنسان . 4-كل سنة تكبرين بالعمر وهالشي مسبب حزن لج. كلنا نكبر واغلب البنااات يتزوجون في اعمار متفاوتة في اللي ماكملت ال20وفي بالعشرين وفي بالثلاثين وفي بالاربعين وقت الفراغ اللي تعانين منه يا أختي لازم تستغلينه في شي مفيد فكري شنو الشي بخاطرج تسوينه او تحبين تتعلمينه وابدئي في التخطيط للوصول إليه ولا تحملين اهلج مسؤولية وضعج اللي اشوفه شي طبيعي واغلب البنات مروا فيه . . . وأنا وخواتي موجودين في هالمنتدى حاولي تندمجين مع المجموعات اللي فيه وبتلاقين قلوب بيضاء وترحيب كبير . . .
الف شكر ام عبدلله ع مرورج يمكن المشاكل اللي ذكرتها ع قولتج اغلب البنات يمرون فيها بس انا وحدة من البنات مستحيل اقدر واقول كل شي الموضوع قلبي مو موضوع ..... مافي صديقات ولا عمر ولا حتى زواج ...... بس هي دوامة الحزن والكآآبة اللي قاعده امر فيهم .........!! وانشالله الله بيفرجها ع كل انسان
الله يفرج همج وهمي لان والله اني وصلت لمستوى مرضي من حالتي النفسيه وعزلتي عن الناس ووحدتي تدرين نفسي اعرف انا شنوووووووووووووووو بس مابي اكثر ؟
حبيبتي بقولج شي وأتمنى تفهمينه في ناس عايشين وسط مجموعه كبيره من الناس والكل حواليهم ولكنهم غير سعداء وهناك أشخاص ليس لديهم إلا نفسهم ولكنهم في قمة السعاده ولذالك لاتعتبرين عدم وجود الأصدقاء وعدم وقوف الأهل بجانبك سبب تعاستك لاأنكر أن أسبابك تسبب الحزن ولكن أنا أؤمن أن السعاده منبعها من داخلنا فإذا حسيتي برضا عن نفسك بتلاقين كل الأمور تتعدل للأفضل أبعدي هالنظره السوداويه عن تفكيرك وكوني مؤمنه بغد افضل أتمنى لك السعااااده
أختي إن ذكرتي هالشي وإنه مسبب لج ضيقة وحزن . . . ما في شي من غير سبب الفرح بسبب الحزن بسبب وحتى الكآبة بسبب . . . حاولي تقعدين ويا نفسج وبكل أمانة هاتي ورق وقلم اقسمي الصفحة بخط بالمنتصف وكتبي عنوان لكل جزء : شنو اللي عندي ولله الحمد - شنو اللي ناقصني لا تنسين تكتبين في هالصوب إنج كاملة الخلقة والحواس هذي بحد ذاتها شي عظيم ------------------------- وانتي تكتبين لا تهملين اي شي يقوله لج عقلج سجليه وبعدها اقري اللي كتبيتيه وقارني بينهم وإن شاء الله بتوصلين لحل وتصالح مع نفسج
حاول سوي شي تحبينة ماراح تحسين بملل مثل النت تلفاز جرايد دشي المطبخ راح يروح الوقت.. مو كل متزوجة مرتاحة صدقيني زواج مسؤولية وتعب من كل ناحية .. ربي يفرج علينا بس ..
الابتسامه اقوى حكومه على وجه الارض... لاتنتظري السعاده لكي تبتسمي... لكن ابتسمي لتكوني سعيده... صدقيني كل ما ضاق خلقي قرأة هالكلمات وارتاح ربي يعينج على مصابج ويسعدج ربي
اختي الغاليه مشكلتج لها حلول بسيطه ولكنها تحتاج منج صبر وهو عندج مو بعيد عنج لانج صبرتي على فقد صديقات تقولينها والكلمه مو حقيقيه لان الصديقات الحقيقيات لا يتركون صديقاتهم وهم في حاجه اليهم والا يكونون زملاء مصلحه فقط والعمل عادي فقدانه لانج بتلقين الاحسن منه ويكون مريح لج اكثر من الي سبق مو كل شيء يروح من حياتج تعتبرينه خساره لا هذا مكسب لج لانه اكيد تطلعين منه بحكمه ومعرفه اولا فقد الصديقات ترك لديك معرفه بنوع من كنتي تتعاملين معهم وتحبينهم وتخلصين بمعاملتج معاهم ولكنه عرفنا على اخت غاليه مثلج تقدر قيمة الصداقه وتشعر بالحزن لفقدانها وهذه ميزه هم من خسرها وليس انت ثانيا العمل اكيد تعتبرينه خساره ولكنه فتح لج المجال لعمل اخر افضل منه ووقت فراغ تعرفين وترتبين فيه افكارج وبإذن الله يرزقج بالعمل الافضل ثالثا الزواج نصيب ونصيبج عند رب العالمين ما يروح واكيد بيجيج الي يقدر قيمتج ويريح قلبج ويسعدج رابعا العمر يمر قدامج لا تقولين ها الكلمه فالعمر ليس بما عشتيه ولكن ما تحبين ان تعيشينه فلا توقفي قطار حياتج بسبب محطات مرت ولكن فكري بكل المحطات القادمه والاشخاص الذين ستقابلينهم بحياتج وان الحياة اكيد ستتغير فان حسن الظن بالله يتحقق وبالنسبه للاهل حاولي انتي تتقربين منهم وتشوفين شنو يحبون ودشي فيه معاهم عيشي عمرج بفرحه ولا تحطين النظاره السوداء على عيونج ولكن البسي نظاره خضراء وورديه تجعلك ترين الحياة فيها خير وفرحه وبالنهايه اقول الاهم من كل ما سبق هو التقرب من الله والصلاة ودحر الشيطان عنك لانه يمنع الانسان من الفرحه ويقربه من اليأس لينهي حياته بسهوله ويفقده الامل برحمه الله فعندما تريدين الصلاة والتقرب من الله صلي واسجدي وادعي الله بالسجود وهو اقرب ما يكون العبد من ربه ووقتها ستشعرين براحه وحلاوة بالحياة وتبشريننا بانسانه مختلفه تحب الحياة وعندها امل بكل يوم جديد وانا اتشرف اكون من صديقاتج فنادرا ما نجد الصديق الوفي الذي يحب لغيره الخير كما يحب لنفسه وفقك الله لما يحب ويرضى اسفه على التطويل تقبلي مروري
ألا بذكر الله تطمئن القلوب الغالية ادعي ربج آناء الليل واطراف النهار انشاالله يرزقج من حيث لا تحتسبين ويمكن يكون ابتلاء صبري الغالية بعد العسر يسرا وانشا الله الله يفتح لج ابوابه واكثري من دعاء اللهم اجعلي من كل ما أهمني واكربني في الدنيا و الآخرة فرجا ومخرجا وارزقني من حيث لا احتسب واغفر لي ذنبي وثبت رجائي حتى لا ارجو احدا غيرك الغالية اذا استعنتي استعيني بربج محد بيحس باللي بداخلج مثلج وانشا الله الله يرزقج بالزوج الصالح والذرية الصالحة ويرزقج من حيث لا تحتسبين
ارفعي شعار لايأس مع الحياه ولاحياه مع اليأس ترى الحزن والهم يكبرونج زياده كثير بنات بنفس ظروفج وقدروا يتأقلموون الله يوفقج حياتى
