ضحيّة المكياج

ضحيّة المكياج




يا صانع المكياج الله يجازيك
خليتني مخدوع في شكل خلي

الله يحرق مصنعك مع مبانيك
والمعرض الموجود في بيكاديلّي

أدعي عسى تنعمي وتنشل رجليك
هذا دعائي دوم لاجيت اصلّي

خليتني اركض ورا البنت هاذيك
واشوفها أجمل غرام حصل لي

قلبي عشقها يا "جيفنشي" تماتيك
وان شافها قلبي يرحب يهلي

هي رحبّت بي وقالت الله يحيّيك
وقالت هلا باللي عشق زين شكلي

وقالت انا أجمل بنت في اللي حواليك
شف حسني الأخاذ وروحي عسلّي

طـالعتها ثم قـلت القـلب بيـغيـك
ومن شاف حسنك خلى غيرك يولّي

ابغي اشوفك دون مكياج يكسيك
وابغي اشوفك بالجمال المحلّي

قالت تبيني افرك الوجه تفريك
واشيل هالبودر وروجي وكحلي

قلت "اي نعم" عسى الروح تفديك
ابغي جمالك هالطبيعي يهلّي

قالت دقايق وراجعه لك واراويك
ذاك الجمال اللي لعينك يسلّي

ويو رجعت لي شربكتني الشرابيك
وحسيت الأرض تدور وأنا بمحلّي

الخد كنّه يا"جيفنشي" سيراميك
والوجه شارع مثل شارع حولّي

الوجه كنّه بيت كلّه شبابيك
من هالحفر في وجهها الله يعلّي

كلّه سبب مكياجك الله يجازيك
خليتني مخدوع في شكل خلّي

ونصيحتي لكل شاب من غير تشكيك
لا لا اتسرّع ثم تنغشم مثلي

اللي بلا مكياج خلها حواليك
واللي تحط مكياج

...خلها تولّي...

منقوول