طريقة تصنيع اي زيت تفضلينه بالبيت(خاص للمنتدى)

شلونكم يالغلا ....

مشتااااقه لكم

اليوم بكتب لكم طريقه خاااصه لبنات المنتدى ...اتحدى تكون هالمعلومه

موجوده باي منتدى....

اكيد الكل تعب من الزيوت الي نشتريها حق الشعر او الجسم

والبعض مايلقى نتيجه بقولج طريقة تصنيع الزيت الي تبينه وانت بالبيت

بسم الله نبتدي

اولا

تجهزين جدر صغيرون (كويتيه شسوي)....قدر يعني

ثانيا

تجهزين زيت الزيتون واحسن نوع بالجمعيه اي نوع مكتوب عليه عصره اولى







وتحطينه على نار هاديه ....


الحين مثلا تبين زيت الليمون اوكي

تاخذين ليمونتين وتقطعينها بالنص وتخلينها مع الزيت

لما تسخن يعني بقدر 10 الى 15 دقيقه

بعدها خلاص صفي الزيت وحطيه باي علبه بس شرط زجاج


وبجذيه خذيتي فايده اليمون وفايدته وحصلتي على زيت الليمون


في بعد زيت لشعر زيت عشبة الاس

نفس الطريقه وتحطين العشبه نفسها تلقينها عند الحواج(العطار)....

وتخلينها بعد نفس الوقت وتصفينه وبسسسس


طبعا الي قالي الطريقه شخص عزيز علي جداااا وثقه ومختص بتصنيع الزيوت


بس مارضى اقول اسمه لانه قال هذي فايده للجميع انا قلت له بكتب


المعلومه بالمنتدى ورضى ورحب جدااااا


شفتواااا شلون احبكم ....ماقدر اخش معلومه مفيده عنكم فيدتكم


تجاربي الخاصه وتجارب صديقاتي ....

جربة زيت اليمون ....واوكي الحمدلله

زيت عشبة الاس....اوكي بعد

زيت اللوز ....بس شريته من مطحنة الفوز وطلعت ريحته صج لوز

وصار ثقيل

زيت حبة البركه .....الدكتور قالي حاولي تشربين منه ملعقه عشان

مريضه شوي بعيد الشر عنكم....


اتمنى تعجبكم .....ولاتنسوني بالدعاء ربي يشفيني

يااااااااااااااااامااااااااااااااااال العافيه يارب
وربي يشفيج ويخليج...........

يعافيييييج يالغلا

تسلمين على الدعوه

تسلمين يالغالية على هالمعلومات.. وعسى الله يشافيج ويعطيج الصحة والعافية..

هلا حبيبتي . . .

ما تشوفين شر وحمدلله ع سلامتج اولا . . .

وما قصرتي حبيبتي ع المعلومة . . .

واضيف لها شي مهم وهو انج تحطين الزيت في زجاج معتم شوي يعني مو ابيض . . .

يعطيج العافيه .....

أصيله حتى بنقلج للمعلومات لنا ...

ربي يعافيج ويشفيج ويعطيج الصحه والسلامه ..... اللهم آمين ..