السلام عليكم ورحمة الله وبركاته بغيت اعرف شنو احسن طريقه لربط البطن بعد الولاده انتوا استخدمتوها؟؟!! يعني في ناس بالشماغ - الكورسيه - كريم اولاي - الشورت الحراري وفي ناس مايربطون كلش... ولمن استخدمتوا هالطريقه استفدتوا او لا؟ انا الحين بالنفاس ولابسه كورسيه انور واستخدمه لمدت ستة شهور بعد الولاده والحمد لله يرد جسمي نفس قبل الزواج وطبعا بعد الاربعين اسوي رجيم علشان اخسر اللي زدته بالحمال والنفاس...
والله ياختي الكل يمدح الشماغ لانة يرد اقوى بس انا مااربطت بعد الولادة الا بعد 6 شهور لاني قيصري بس مو منتظمة بس الحين مسوية رجيم وامشي والبس حزام سونا وامشي سااعة وبطني صغر شوي بس فية تحسن واايد بس ابية يروح كلة
هلا وغلا جرحني الزمن... اصلا المشي هو احسن شي لانه يشد الجسم كله... وسمعت انه يضيج المنطقه الحساسه بعد..
اي والله ياليت البنات يفيدونا انا بعد ماادري شلون اربط وبشنو الشماغ سمعت انه زين بس انه يتحرك كثير وتجلسين كل شوي تعدلين فيه بس المشد الاندونيسي اجسن وعاد والله مادري بالضبط شسوي بس اختي رحيق انتبهي اول عشر ايام من النفاس اربطي لكن على خفيف يعني تضمين بطنك ضم بس لان الربط الشديد بهالفتره يسبب هبوط للارحام وكثيير عانوو بسبته والله يهون علينا ويرزقنا الذريه الصالحه المعافاه حسنت الخُلق والخَلق
حبايب قلبي المزاين ومتوهقه بعمرها... اي والله مثل ماقلتوا المشي وايد زين بس زوجي مايرضى اطلع حق الممشى وماعندي جهاز مشي بس انشاء الله مفكره اشتريه... بس انا معوضى المشي بالرقص لاني احب الرقص الشرقي احط سي ديات رقاصات واقعد اقلدهم ههههههههه ماكو شغل...
امرأه ولكن طفله... انشاء الله البنات يفيدونا... انا مااربط بس البس كورسيه والحمد لله الكورسيه لام جسمي بس يضيق خلقي لمن تكرمين اروح الحمام... معاناه ... بما ان اهات ماردت علي ... ياليت تعلميني اشلون يربطون بالشماغ؟
ياحريم لا تربطون عقب الولاده مباشر لان الرحم يكون طري ونازل والي والده قيصريه لا تربطين ولا تحطين احزام لمده سنه ولا تمشون بالاربعين لان رحمكم نازل اكلو الادويه واللهوم وعليكم بالحسو والعصيده وايد روعه
انا كنت البس كورسيه حليمه حتى وقت النوم صج اول شي صعب بس لو أوريج النتيجه الحين تنصدمين بطني سيييييييييده لبسته تقريبا شهرين مع لبسي وكت النوم كله بس وكت السباحه افصخه اشوي وأريح وكنت احط زيت السمسم حق صدري والبس ستيان بو حديده الي يوقف امبيه شنو جسمي إينن نصيحه سوي مثلي
مشكوووره حبيبتي munai 2 انا بعد الحمدلله جسمي وااااايد حلو وراضيه عنه الحمد لله ... بس ستيان بوحديده شنو هذا؟ وكورسيه حليمه من وين شريتيه لاني ادور كورسيه حليمه بوستيان ويكون حلو ابي البسه نفس البدي مع تنوره او جينز بس ماني عارفه من وين اشتريه...
ضي العيون حياتي... عادي تستخدمين زيت السمسم وقت النفاس اما كورسيه حليمه اذا تبين اللي تحت الملابس في تاجره اعتقد بالمنتدى اهني تبيعه بس اللي من غير ستيان... وفي بالافنيوز يبيعونه مثل ماسمعت بخمسه وعشرين بس انا ابي اللي شكله نفس البدي يعني ألبسه مع التنوره او البنطلون...
