مرحبا بنات طبعا الحين احنا مجدمين على راس السنه وكل وحده لها طريقتها بالاحتفال مع زوجها خلونا نتبادل الافكار عشان نستفيد والله يخليكم لا تقعدون تقولون حرام ومايجوز انا قلت تحتفلين مع زوجج مو ............ تكفون لا تكشتون فيني مثل المره اللي فاتت
مساء الخير وهلافيج .....سارونه الحلوه انا عن نفسي ولا مره احتفلت بالهمناسبه مع انه ودي احتفل فيها بس دايم بوقتها تكون ظرووف ولا اهو بالمخيم ولا دوااام.... بس اتمنى هالسنه احتفل فيها معاه ادعيلي هالمره تصيب عشان انا اول وحده رديت على موضوعج هههههههه اتغشمر معاج ومشكوره عالهموضوع اللطيف.....سلاااااااااام
ودي احتفل معاه بس للاسف الاول تحول .......... تغير مو نفس قبل ماتفرق معاه راس سنه ولا عيد ميلاد ولا بطيخ خليها على الله اذا كلش كلش عشا اب مطعم ولا يقول وين انروح كل مكان زحمه... اتمنى البنات يفيدونج يسلمو عالموضوع
انا شريت قميص نوم راس السنه على شورت وبصبغ شعري اسود وبحط عدسات رماديه وبشتريله هديه في موقع ماريمار ستور يبيعون كرتون هديه كبير حيل تقدرين تدخلين فيه انا بشتريه وبدخل فيه وبمسك الهديه بيدي وبعد ابي افكار ليلحين قاعده افكر
انا ما احب اتشبه بالكفااار الحمدلله مابي ابدي السنه انا وزوجي بالمعصيه يالله يالله نلحق على ذنوبنا 0 بالتوفيق للجميع0000
يااختي اسمعيني للاخر لو تكرمتي..... انتي صح تبين تحتفلين بعيد الميلاد لزوجج علشان يحبج اكثر وتشوفينة مستانس انتي مو تدورين السعادة والحب بينكم صح ..........؟؟؟؟ من اللي خلق قلبة ومن اللي قسم انج تكونين زوجتة من...........؟؟؟؟؟؟ هو الله والاحتفال بهذا اليوم محرم شرعا يقول الرسول صلى الله علية وسلم << من ترك شئ لله عوضة الله خيرا منه>> اسفة للاطاله لاكن جربي ان تتركي شيئا لله وهو الذي اعطاك السمع والبصر والكلام ..............الخ وانتظري العوض من مالك الملك
بنااااااااات ترى والله ماقالت شي صج صج ردودكم تضيق الخلق حراام عليكم .... وبعدين مع زوجها ماقالت تبي تشوي حفله ولاشي ترى شي عاااااااااااااادي ....
انا زوجي راح يعزمني على العشا متل السنه الماضيه ونرجع عالبيت بس لما نرجع شو حيصير مابعرف لانه السنه الماضيه بعد مارجعنا حطلي فيلم رعب واعد اتفرج عليه وانا نمت فهي السنه شو حيساوي مابعرف
اختي ترى حنا ماقلناشي بعد يعني بس نصيحة لوجة الله وهي كيفها وبعدين تقولين عادي لا مو عادي الدين واضح لاتفتين لها
مرحبا سارونة الحلوة انا ماعلي من كلام احد وباحتفل براس السنة بطريقتي الخاصة بفاجئه بعمرة راس السنة 3 ايام ونرجع
حطي نطاطه بالصاله ونابطي فوقها واذا جا خليه ينطط معااااااك هههههههههههههههههه صدق ترا مررررره حركه والبسي طربوش ومصي حلاوه ترا شي واااااو والعشا شبس وبيبسي والا نفيش حسيسيه انك طفله كيوووت وبالتوفيق
ساااااااااااااااااااااااااارونه يا قلبي انا فهمتج بس اسمعيني للاخر راس السنه بيصادف اي يوم الاربعاء اذا مو غلطانه خلي عقبها بيوم علي شان ما تتشبهين باليهود وغيري اللوك مالج من قص شعر صبغ اذا من زمان مو صابغه حطي وسمه غريبه مو اللوانج بالعاده زهبي عشاء بيتج من شغل ايدج البسي شي مو من استايلج مثلا اذا انتي لبسج طويل غيري البسي فوق الركبه المهم يكون شي مو متعود زوجج يشوفج فيه هذا حق العشاء وعقب غيري الكفر مال غرفتج وحطي بالونات وشموع انا مره غيرت المفرش وسويت مثله قميص نوم وحطيت ابجوره نفس اللون وترست السرير ورد جوري طبيعي وكانت لليله مميزة وما كان عندنا اي مناسبه بس تخبرين غيرت الروتين شويه تقبلي مروري وعسي ربي يسعدج يالغاليه
كل عام وانتي بخير يالغلا وسنة خير على الجميع انشالله مادري شفت بعض الردود وانتي زعلانه اقبلي النصيحةلانها تخص الدين والاحباط اتركيه في وحده قالت من باجر احتفلي انتي وزوجج اوكي فكره حلوه امممممممممممممممم انا الحين ماعندي افكار ((مريضه هالسنة)) بشوف رفيجاتي شنو ناوين عليه وارد لج خبر ولا يهمج
