السلام عليكم عزيزاتي بغيت اسأل عن الدكتورات الي بمستشفى المواساة منو احسن دكتورة ولاده هناك وشنو مستوى المستشفى من ناحية النظافه ولاهتمام بالبيبي والأم .. وابي اسامي الغرف الشرحه مو الضيجه واسعارها ..؟ بليييييييز ابي رد ضروري انا بعد شهرين ولادتي وابي اعرف هل المواساة زين ولا لاء تنصحوني فيه؟؟
الله يسهل عليج احسن الدكاتره د0جمال الافغاني بس مايولد الا اللي يراجعون عنده د0فرجينيا تهببببببببببببببببببببببببببل توها مولدتني فضيعه حدها ونفسها تهبل وبصراحه انا كل ولاداتي فيه راحه ونظافه واهتمام ماشفت نفسهم روحي وانتي متطمنه بس ماعندي فكره عن الغرف انا آخذ الغرفه العاديه بس شرحه روحي قبل لاتولدين راجعي عند فرجينيا وشوفي0000راح تدعيلي
اول شي الله يتمملج على خير ويسهل عليج ولادتج.. ثاني شي انا توني صارلي 25 يوم من ولادتي بالمواساة وهذي ثاني ولادة لي.. والمستشفى بالعكس وايد زين ونظيف ورعايتهم حلوة. حتى وايد يشجعون على الرضاعة الطبيعية وقبل مااولد خلوني احضر كلاسين واحد عن الرضاعة الطبيعية والثاني عن الولادة والطلق.. وانا على ولادتي الاولى كنت اراجع عند الافغاني من اول حمالي وكشت فيني وقت الولادة لاني ولدت الفير! والحين ولادتي عند دكتور ناهض حددددددددددددددددددده روعة ومحترم.. ومن ناحية الغرف انا اقولج غرفهم مو ذاك الزود.. يعني عندج 1- standard 2- junior sweet 3- Vip 4- V-Vip 5-Royal وفي اللي اعلى. وانتي بعد روحي وشوفيهم احسن بس اللي خذيتها انا كانت زينة واحسها اشرحه من ناحية اللوان اسمها royal-floral واي سؤال حاضرين :wink_smile:
السلام عليكم حبيبتي انا ولدت في مستشفى المواساة من 9 شهور بصراحة رااااااااااااااااااااحة وخدمة ممتازة وعناية فائقة واهتمام ونظافة طبعا هذا اهم شي عندي ودكتوري عادل مرسي دكتور محترم جدا كبير بالسن وعنده خبرة واصلا استشاري يعني فاهم واخذت غرفة جونيور روم بصراحة شرحة وحلوة وسويت استقبالي فيها بعد وسعرها معقول الله يوفقج ويتمم عليج
حبايبي ممكن سؤال منو احسن دكتور بالمواساه حق سونار رباعي الابعاد وسوري لان خارج موضوعكم ومشكورين يا قلبي
اختي اللي يسوون السونار الرباعي معروفين وحده هنديه وواحد مادري شنو لان مايكون بالعيادات يكون بالمستشفى نفسه
دكتوره فرجينيا فضيعه و الغرف روحي شوفي الي يناسبج من ناحية الحجم والسعر وهالدكتوره دكتورتي انا و اختي و بنت عمي و رفيجاتي ثنتين والله شاطره
شوفي حبيبتي انا على بجري سويت الرباعي بالمواساة وكان حده عادي ومو واضح ووايد اعرفهم انصحوني اسويه بالهادي.. وصج على بنوتي سويته بالهادي عند دكتور 1 ماكو غيره يسوي رباعي ويعطونج cd البيبي يتحرك فيه واوضح من المواساة صج المستشفى زحمة ووع وانا رحت على بداية الثامن متأخر بس صج بينلي البيبي كثر مايقدر وطلع واضح.. بس طبعاً ولاداتي بالمواساة.. الله يتمم عليج ويقومج بالسلامة..
الله يهون عليك ياقلبي وعلى كل الحوامل ان شاالله جمال الافغاني شاطر ويقولون الحيدان او الحيان اسمع البنات يمدحونه بس ماجربته
المستشفى حدها روووووووووووووعه والله انا واهلي كللللللللللنا مانروح الا المواساااااة ودكتور عادل حسن مرسي ممتاز بمعنى الكلمه وهادي واخلاقه عاليه حيل ومايخرعج اذا شار شي لاسمح الله ... والله وبضمير صاااحي انصحج بالمواساة من الناحيه الطبيه والنظافه والمراعاة وكلشي والله يسهل عليج
هانا اسمع في انه حلو وخدمة حلوة بس والله ماجربت ...انتي روحي بنفسج وشوفي انا ولدت بالسلام وايد حلو عند دكتورة مريم بيبي هندية حليوة والخدمةوايد حلوة والغرف شرحة وحلوة حبيبتي روحي شوفي احسن والله يسهل ولادتج يارب
مشكورين على المعلومات ومنكم نستفيد بس هل يصبرون على الوحده وقت الولاده ؟؟؟ ولا مثل المستشفيات الثانيه استغفر الله مايفكرون الا بالعمليات علشان الماده !!!!!!!!!!!!!!!!
روحي وتوكلي على الله احسن مستشفيات الكويت وبالنسبة للرباعي عندج الدكتور عمرو في مستشفى المواساة قسم السونار شاااااااطر ما شاءالله عليه
المواسااااة عجيب في الخدمه والولاده والعنايه فيج بالبيبي انا عيالي اثنينهم ولدتهم بالمواساة وماافكر اغيره
