قوه بنات شلونكم الله يبارك للي ولدوا وارتاحوا ويسهل علينا ولادتنا ان شاالله حبيت اسألكم عن العضوه زهور والله اني احاتيها محد يدري شصار عيها ولدت والاتوها ؟ وبعد بسألكم شرايكم انادكتورتي قبل يومين قالتلي دخول بتحطلي طلق صناعي بالدريب لان الرحم فاتح 2سم وتقول مابي البيبي يكبر اكثر عشان مانضطرللقيصيريه عاد انا انحشت وقلت اجيها ثاني يوم بس الوالده قالت للاااااااااااا نطري على روحج ّ!موبكيفها ماتولدين طبيعي كل شي عند الله بعدين مع الصناعي بتقولج البيبي تعب لازم عمليه وتوهقين بس انا موحاسه بولاشي بس تشنج مااحس انه طلق وينزل مني افراز كثيف موشفاف ومعاه خيوط دم ومرات بدون دم وبطني مره وحده خق جنه ماكو شي فيه ادري صدعتكم بس تكفون ساعدوني منو مرت بنفس هالحاله اوعندها فكره تفيدني جزاكم الله خير الله يفرج هم كل وحده بتفيدني اوبتدعيلي او بس بترفع الموضوع
شدعوه كلكم نايمين ماكو غيري قاعد الله يعين حتى النوم انحرمنا جهاد مونوم اقعد متكسره وتعبانه مونايمه الي يشوفني يقول كنت اركض الله لايحرمنا الاجر ان شالله ولايضيع تعبنا
انا اقوول لا تحطين طلق صناعي بتتعبين انا مثلج رحت الدكتوره وكنت مبطله سانتي واحد وقالت لي الدكتوره معناته ان جم يوم يبيلج وتولدين وفعلا عقب اربع ايام تقريبا ياني الم ونزل مني دم وولدت وهم حطولي طلق صناعي قطيعه بس يبون فلوس مع اني ماكنت محتاجه طلق بس اذا ماحسيتي بحركه مو زين روحي على طوول وزهور كان دخولها المستشفى الخميس فا اكيد ولدت ويمكن ماطلعت للحين من المستشفى الله يعينها ويسهل عليها واكيد اذا طلعت بتطمنا المسكينه كانت خايفه وتحاتي حيل والله يسهل عليج يا قلبي
الله يسهل عليج يارب والبنات ان شاءالله مايقصرون اناماحسيت بلذت الطلق ههههههه لاني قيصريه محدد لي من وانا بالسابع
حبيبتي لاتاخذين طلق صناعي انا قبل ولادتي 4 ايام كان مفتوح صانتي واحد وماولدت الى بعد 4 ايام وكان معاي طلق بس يوم صار الرحم مفتوح تسعة ونص برد الطلق وعطونب طلق صناعي وبعدين قالوا الطفل تعب لازم قيصري خليها على اللةالناس الحين بس تبي الفلوس الله يكفينا شرهم والله يسهل عليج والله البنات ويرزق الي تبي يارب ياكريم
شدعوه مطنشين مره وحده اهئ اهئ زعلت عليكم انزين حتى دعوه حلوه ماكو ولا اكو خبر عن زهور شصار عليها ريحونا
