طيبة كلينيك ديروا بالكم

السلام عليكم

أنا يا حبايبي كانت لي تجربة مريرة جدا وحابه اني اقولها لكم عشان تديرون بالكم , مو أي

دكتور أو عيادة يقولون أو يعلنون في الجرايد تصدقونهم وأنا كنت ضحية لهاالاعلانات الكاذبة

حسبي الله ونعم الوكيل , اللي ما همهم الا انهم يسحبون فلوس , مدام مو قد الشغلة ليش

تعلنون عنها.

أنا يا حبايبي كنت اعاني من مسام مفتوحه أعلى الخدين فقط وكانت تضايقني اذا حطيت

مكياج في الماسبات لانكم تعرفون مكياج الحفلات لازم يكون الكريم ثقيل عشان مايروح

بسرعه , المهم اني قررت اروح حق الدكتور بعد ماقريت اعلانهم كنت ضحية الدكتور محمد

طلعت في طيبة كلينيك الفروانية , اللي بالحمرا مول . دشيت على الدكتور وقلت له عن

مشكلتي وقلت اني سامعه بالفراكسل فقال لا لا اوعي الفراكسل مايناسبكيش ده عوزلوا

بشرة فاتحه ودهنية عشان يجيب نتيجه كويسه, انتي لازم تسوين تقشير ومدري وش خربط

علي المهم اني وافقت ودفعت له فلوس 3 جلسات تقشير .

اول مرة النتيجه كانت حلوة ولكن المصيبة في المرات اللي بعدها , استمر بعمل التقشير

ولكن الله لايوريكم الحفر اللي صارت بوجهي ويوم رحت المرة الثالثة قالي لا تخافين ان شاء

الله مع الليزر لشد البشرة النتيجة راح تكون حلوة بس الليزر اخر خطوة بتكون و عمل لي

جلسة التقشير الثالثة واللي وراها طس لمصر ولي اليوم مارد

المهم ان زوجي لاحظ وقالي هذا لعب ببشرتج وصارت لي حفر والله العظيم انها ماكانت

موجوده من قبل حسبي الله جانه شوه بشرتي.

رحت بعدها عن دكتور كويتي سمعه ومعروف وقالي ان الحمض اللي استعمله الدكتور اللي

في طيبه ماناسبني وسبب لي تهيج في البشرة وحفر وبعض الحبوب وعطاني علاج حق

الحبوب وبعد ما تروح الحبوب نبدأ بعلاج المشاكل اللي سواها دكتور طيبه . واذا جاب علاجه

نتيجه راح أقول اسمه عشان ماتصير دعاية .

فالنصيحه يا خواتي الحذر الحذر من محمد طلعت في طيبة كلينيك الفروانية . والله حسيبهم

على اللي سووا فيني

اتمنى تكونون استفدتوا من تجربتي . واللي لها راي ثاني ومجربتهم تقول عشان مانظلمهم

مشكوره
وجزاكي الله خير

هلا أختي . . .

حسبي الله عليه . . .
ومشكورة ع التحذير . . .
عموما مو اي دكتور نروح له وخصوصا اللي يشدون حيلهم في الاعلانات . . .
المسام المفتوح فيه له خلطات بيتوتية آمنة تعمل على إغلاق المسام . . .
احسن من تجارب هالدكاترة . . .

مشكوره حبيبتي حسبي الله عليهم

مشكوره خيتؤؤؤ

...........

عاد بشري شلون ويهج الحين انشاالله احسن من قبل

يا حبيبتى
معلش ربنا يعضك ابدئى شوفى وصفات طبيعيه
وبلاش فعلا الجرى خلف الدكاترة الغير مضمونين

مشكوريين على المرور وحده وحده , والحمدلله الحبوب راحت بس قاعده اعالج الحفر

والخلطات البيتية جربتها نتايجها مؤقته يعني كنت ابي شي طبي بس للأسف النتايج عكسية

الحمدلله على كل حال , ويسلموو كثير

حسبي الله عليهم


مشكوووره اختي عالتنبيه هذا هم البعض منهم المادة وبس ,,,

​

مشكورين على الردود والوحده لازم ما تروح الا عند دكتور معروف او يكون عنده شهادات عليا في البشرة والتجميل حسبي الله عليهم كلونا بهالاعلانات

ماقصرتي علي النصيحه

حبيبتي مشكوره

حبيتى ماعليه كل شىء وله علااااج

لااا تقهرين روحج،،،،،

والحمدلله طب تطور،،،وهو الله حسيبه الله يأخذ حقج منه إن شاء الله،،،

أهم شىء توبين لااا تروحين مكان الا أحد مجربه من قبل،،،،

بالتوفيق ياحياتي،،،،عورتى قلبي

مشكوووره حبيبتي ماقصرتي

تسلمون والله كلكم على المرور والردود ةانا مو قاهره عمري , على الأقل تلاحقت نفسي قبل لا يهول فيني أكثر . لكن كتبت الموضوع عشان اديرون بالكم منه ومحد يتوهق , والله يعطيكم العافية وان شاءالله اذا ردت بشرتي مثل اول وأحسن اكتب اسم الدكتور الثاني اللي قاعد يرمم ويهي :>

وعساكم عالقوة

انا اعالج عند دكتور نفسه بصراحه كان فيني بس اثر حبوب ماكان فيني احفر وقالي لازم اوخر الحفر اللي بويهي سوالي ليزر حق الحفر من بعدها طلعلي حبوب وحفر ماكان ويهي جذي ما اقول الا حسبي الله عليه ابي اقطع العلاج وياه بخلي كل شي على الله

ما اقول الا اللـــــــــــه يعطيج العافيه لانج نبهتيني قبل لا يصير كارثه في ويهي اكثر من جذي ماتحمل نفسيتي اتعبت

يووو مالج حظ نفسي بس الحمدالله عكل حال انا قبل فتره طلعتلي حبه كبيره وايد بين الصدر والاباط جان اتحملها معنها كانت وايد اتعورني لما كلش خلاص مااقدر اتحمل مت من العوار منتفخه وكليوم يزيد حتى على حمار لونها جان توديني خالتي العدان تحاليلي سليمه بس مره ايقولون التهابات فطريات ومره طفح ومره قالوا مااندري الحين ماانبي نستعيل صبري شويه وبعدين تعالي ولايحوش جسمج شي غير الماي بس ورجعت لهم جذي يمككن بعد شهر انتفخت زياده هم استغربوا وكان اكثر من واحد بالمستشفلى شافني ونفس الشي جنهم موعارفين وتحاليل مافيها شي كسرت خاطر خالتي لاني كنت وايد اتعذب مااقدر اقلب على الصوب الثاني لما انام اضطر من الالم مااتقلب والله ودمعتي بعيني طول الوقت ابجي ليما خالتي قالت شفت دعايه عياده خلاص مااكو غير وديج لها لانه انا قلت خلاص مااحب اتكشف كلشوي لدكتور معنا موبيدي بس استحي رحت لوحده دكتوره بحولي امبييييه اول مايينا العياده قاعد لبناني واحد يزف الرسبشن يقول بدنا **اين كشوي دقوا عليهم ومن هالحجي امبيه اول مره اجوف جذي جنهم عصابه ودكتوره تقول اوكي انا عاوزة اطول فترات العلاك ومادري شنو قلبي قام يرقع خالتي وانا سمعنا هم لا اللبناني مادري تقول خالتي شكله مسؤالهم يقول حق وحده متبتبه لبنانيه بعد عقب ماحاجا الدكتوره اللي عملتيلهم ليزر لهلا ماجو واهي تصرخ من قمه راسها تقول شو ادق عليهم ماجا موعدهم قال بدنا **اين وحاجه دكتوره يقولها بدنا ايطول بالمراجعات ماتتسرعه اغريهم بالحكي وكلشوي استعملي جهاز جديد معاهم انا قمت ارجف قلت خالتي خن نطلع لا وبعد كانت يمنا ثنتين جنهم خوات امبيه مانتبهوا احنا موجودين جان يحاجي السكرتيره وهي ترد عالتليفون كانوا كلهم مجتمعين عند الرسبشن يقولها دقي دقي عالاوادم بدي العياده فل جان اتصرخ لبنانيه وتاشر بيدنيه من الانفعال شو بدك اعمل ابمبييييييييييييه وايد اخترعت لما انتبهوا شوي وبجي شوي حسيت انهم وخالتي مالها خلق قلت خن طلع بصوت واطي جان تمسكنا لبنانيه مالت الرسبشن واللبناني ومالت الليزر المتينه كلهم منصدمين انه سمعنا وغير الثنين نفسنا يايين ايراجعون هم سمعوا جان تقول تفضلي شوبدك عمتي اشوارها خن نطلع مادري شفيها افتحت ملف وكلشي والدكتوره يت تقولها تفضضلي ياااروحي ياروحي وايد اتكرر هالكلمه يوم شافت اللي فيني جان ويها يخترع بعدين قالت تحاليل ففلت انا مسويه قالت لا لازم تسوين مره ثانيه قلت كلا مسويته امبيه وجربت اكثر من جهاز ليزر علي جنها مااتعرف وسوت لي بقعه كبيره بنيه عاحمر ورب الكعبه ليلحين موجوده والتفخه البقعه تدرون شسوت فيها بطتها وقالت عادي ايه يعني عالجيها مره تانيه فلوسكم كتير واطلعت وخلتني مبنجه بالغرفه ابي اعرف اطلع ولاانطر ماحد ياني عقب ساعه ربي يشهد سمعتها انت طرف الباب يايه جان تحاجي الفلبينيه اللي حطتلي مخدر قوليلهل خلاص تجي مره تانيه ودوا عطيها تلاته واحد فولي لفاتن تبع رسبشن تحطخ بتلاتين بصي خالتلها شكلها بتدفع عشان خالتي شكلها راهيه تقول مش مهم نتيجه ده تلات ادويه لو بتدفع تلاتين تلاتين تلاتين مش لازم تيجي مره تانيه اقسم بالله قمت ارجف وكنت ابي اتجرا ايي بويها ارويها اني سمعت جان تييني هذي اللي حاجتها مدام خلصتي تقول مادري تشخيصهم نصب بنصب الله لايسمحها تسوي نفسها فهيمه وماتتحجى وايد يعني انا امينه وفاهمه يوم طلعت الا خالتي كسرت خاطري عنيتها بلحظه ماعطوها كريمات ادفعت وعطاري الكلام اللي بالبدايه صار كانت تقولي خالتي الله ايخليج هذا اللي شفناه وكل العيادات جذي نصابين يوم طلعت وجفت الجيس بيدها قالت ها خلصتي يلاا سيده عطتني ظهرها ولفت ويهها وانا وهذيج تقول مابدك موعد جديد الدكتوره قالت بدك موعد جان اسوي نفسي ماسمعت اشوى خالتي ماسمعت بروحه انا مرتفع ضغطي يوم شفتها ماسكه الجيس ودافعه وخالصه صج نصابين حسبي الله ونعم الوكيل احنا قاعد ندفعلكم ليش تستغلونا وتضرونا وتخلونا ندفع الدبلات بدون فايده والله قام ينزل وعي منى ورحت للاحمدي مستشفى الشركه قالوا اهي شارطه بالمشرط طبقه كبيره من الجلد والتهابته وقعدت شهور ليمن تعالج بس اكو اثر ليلحين والله حرام حرام بشر احنا وين الاحساس والضمير والذمه الله المستعان

حسبي الله عليهم عاد من حلاته طيبه كلينك حده فاشل وام عبدالله شنو خلطات المسام اذا تعرفين

الله يعينج يا قلبي ..