مرحبا بنات اشلونكم اليوم جايبتلكم موضوع انا بالنسبه لي مهم وحريم واجد متساهلين فيه وابيكم اتشاركوني باراءكم الموضوع هو تكاسل الام عن تربيه اعيالها وتحميل مسؤليت البيت والاعيال على الخدامه اول كانو يجيبون الخدم مجرد مساعده هل الايام الحريم يولدون والخدم يربون ويجيبون بدال الخدامه خدامتين والله يا بنات اني اذا ارحت الطبيب اشوف الام جايبه الخدامه اتشيل ولدها المريض يعني عجزانه اتشيله حتى لو كان الوقت متاخر والخدامه نايمه اتقعدها من النوم عشان تمسك ولدها وغير هذا في حريم واجد اعرفهم اتنوم الخدامه عند اعياها يعني تخيلو اذا قعد الجاهل متخرع يشوف الخدامه قدامه والام امسكره الباب عليه ونايمه وفي حريم تقولج هذي الخدامه من عمر عندي وتقط اعياها عليها ومع الاسف اتلاقين الاطفال الي عند الخدم اما انطوائي او يتكلم نفس لغتها او ياخذ عاداتها وتقاليدها او اضعيف او على طول مريض انا مو ضد ان المرا اجيب خدامه لبيتها واعيالها بس تكو مساعده لها بس مو اكثر مو تخلا عن دورها
صج هالظاهره منتشره حيل انا صار ببيتنا نفس هالحاله بالضبط ان امي يابت بنوته قبل 6 سنين تقريبا وهي اول وحده من بيتنا تنام عندها الخدامه لان امي كانت مريضه وضروفها حيل صعبه كانت والحمدلله انها تشافت والله يطول بعمرها ويخليها لنا فلاحظنا ان الخدامه تسب امي جدام اختي دايما وترادد امي وتصير اشياء وايد بعدين امي على طول مشت الخدامه وطبعا اختي تعلمت اشياء الكل انصدم منها وايد اشياء طبعا والاهم ان علمتها قصص من ديانتهم وحركات رقص الهنود امبيه انصدمنا بس الحمدلله امي لاحظت هالششي مبجر وسفرنا الخدامه وامي تدراكت الوضع وتوبت مره ثانيه ما تلخيها بس ظروف مرضها ما اسمحتلها ان تنوم ياهل عندها واهي تعبانه حيل والحمدلله الله شفاها الحين وانا كتبت قصتي عشان لا تقولون مافي من هالاشياء وجذب والفتره هاذي العن والله الوحده صارت تييب لكل ياهل خدامه والله او خدامه حق اليهال وخدامه للبيت !! شالسالفه احنا من اول ندري ان خدامه وحده كافي تساعد الام مرااات ويعطيج العافيه عالموضوع المفيييد وادري قرقرت وايد لكن للعبره والله
انا اول كنت وايد اعارض البنات معاي بالدوام اشلون تاركين عيالهم على الخدم بس للاسف لاحظت انه عيالهم متفوقين ويسمعون كلامهم واشحلاتهم من احسن مايكون واحنا اللي نربي ونتعب كله ضدنا ويعاندونا وتعب وموت على مايدرسون ويكتبون واجباتهم والله عيال حماي يسمونهم بالعايله قدرة قادر لانه امهم ما مسكت لهم رضاعه بيدها ولاعمرها بدلت لهم حتى تكرمين الحفاظه وتعالي شوفيهم الحين والله من احسن مايكون ومتفوقين بالجامعه تبارك الرحمن اللي مهندس واللي تدرس طب الزمن تغير وعيال هالوقت ان جابلتيهم مانفع معاهم وان تركتيهم على الخدم هم مانفع معاهم مادري شنو اللي لازم نسويه لهم
لا مستحيل اخلي ولدي ينام عند الخدامه أنا امه وبالموت اتعب معاه لحد ماينام اتخيل الخدامه تنومه بتكفخه لحد ماينام:emoticon_U: خدامه حق شغل البيت بس واذا رحتي تسوين شي بشقه خليها تمسكه دقايق ام اخليه لها توووولي انا اتعب واحمل واهي تربي :71_71:
الخدامة ضرورية عندي صغار حييييييييييل وحدة تنام عندها وحدة عندي واذا بنام بس شوي اخليهم عندها واذا يبني زوجي اخلية عندها بعد الواحد شيسوي ينحكر عشان اليهال انا اساعد خدامتي مرااات ...
انا عيالي الحمدلله كله معاي بس بنتي الكبيره انا انومها وبعدين لمن تنام اخلي الخدامه تنام عندها لان شقتي صغيره وماعندي غرفت خدامه فاكيد بتنام عند بنتي وبنفس الوقت بنتي ماقدر اخليها تنام عندي لا اهيه كبيره وتعرف مانقدر نسوي شي جدامها انا ينام عندي ولدي عمره 4 شهووور بس 24 ساعه بنتي وولدي عندي بس وقت النوم بنتي تنام بغرفتها والخدامه عندها لازم يعني وين انوم الخدامه بالحمام؟؟ وبعدين شي طبيعي ان لو بروح الطبيب باخذ خدامتي معاي تشيل الياهل يعني اشلون اسوق السياره وولدي بحظني مايصير مشكوره عالموضوع
واااااي انا احس شعري راح يشيب بسبت هالموضوع خالتي ام ريلي تقولي يبي شغاله وامي تقولي لا وانا وايد اخاف من الفيديوات الي شفتهم يطقون ويعذبون اليهال واخوي عنده شغالة بس حق بنته لصغيره وكله عندها ماترضى لا ابوها ولا امها ولا اي احد ان يجيسها وفوق هذا اختها لكبيرة عبالها انها بنت الشغالة واي شي ماتسوية لها الشغالة تقوم اطق لصغيرة وانا حتى لو فكرت اييب بيوم شغاله راح احط كاميرات بكل مكان بالبيت وقايله حق ريلي لو بس اصيدها تسوي شي حق ولدي والله اقطعها انا لمن يتطعم ولدي اموت بجي بمكاني ليش تعور هالدور شغالة اطقة انتفها بمكانها :/
