مرحبا بنات شلونكم شخباركم مبارك عليكم الشهر والله دايم اشتاقلكم والله اليوم اللي ماادخل فيه اتضايق :mskket: تكفون ابي افكار حلوه زوجي بيرد من السفر صارله تقريبا شهر ابي اغير غرفتي ابي افكار حلوه مالي الا انتم بعد الله شنو اسوي ردو الله يوفقكم انطر ردودكم اللي تفرحني :wink_smile:
هلا أختي . . . غيري مكااان اثاااثج . . . وخصوصا غرفة نومج . . . ديباااج - مفرش جديد . . . شمووع وهالسواالف . . . عندج في ابو 100 فلس يبيع عصى في داخلها لون فسفوري يشب بالظلمة طبعا مجربته مع عيااالي ننثره مااايه بالارض ونطفي الليت وتعااالي شوووفي شلون يشب . . . تقدرين تحطين منه ع جسمج وشعرج مجرد نثر بسيط . . . غيري في نفسج صبغة - تسريحة . . . وطبعاااا الاخوااات بيفيدونج اكثررررررر واكثرررر . . .
واايد اشياء تقدرين اتسوينها .. لو بس اتقصين شعرج وتبدلين الفراش راح يبين التغيير وام عبدالله ماقصرت حلوة افكارها يردلج بالسلامة ..
الغرفه من تغيرين أماكن الأثاث راح تتغير .. حاولى تحطين ورد طبيعى فى فازات مثل سوالف الفنادق راح تعطى جو وريحه موطبيعية يمها حطى شموع بقلاصات طبعا وغيرى كفر السرير والأهم شكلج إذا ماتبين تقصين شعرج الله يعافى البواريك ألوان ماتخطر على بالج وحطى عدساتوهم تقدرين تنقشين جسمج حنه خو هابين الحين بنقشة من أول الظهر لآخرة بس شى حلو ناعم مو دفاشه وهم ممكن يكتبون اسم ريلج بالنقشة تطلع واايد حلوه
اول شي لاااااااازم تحددين اللون تبينه حق لوك الغرفه ويفضل لون ماحطيتيه مثلا0000 اللون الاحمر [ / وطبعا الورد والشموع000 اللون الازرق اللون الاصفر ولاتنسين تزيين طاولة العشا وطلبي سلة هالفواكه الروعه من ايدبل وحاولي تختارين بس مقبلات وسلطات عشان الريحه وطبعا تكونين لابسه نفس لون الغرفه اتمنى اكون افدتج
الله يردة لج بالسلامة سوي نيوو لوك بس موشرط باروكة صراحة ما احب بواريك بس الناس اذواق احب كل شي طبيعي ممكن عدسات اذا حابة تصبغين شعرج لبس يديد +كفر يديد+حركات وشغلات حلوة للغرفة من شموع وورد مجفف برواز هشغلات امممممممممم بعد شنو !!! واخذيلة وردة طبيعية جورية حمرة عشان تهدينة الوردة اشتري سبرية او كريم الي يكون فية نكهة وفكرة ام عبدالله حلوة واتمنى اني فدتج
سووي له لوحه مكتوب فيها نورت الديره او نورت البيت عند بوابةا لهدايا حيل حلوه فيها فيها ليتات صغار عشان تطفين الليت وتشغلينها اشتري الديباج المضيئ او افرشي بطانيه احبك تلاقينها بالسوق طبعا الشموع والفواحه اشتري لج بلوزه ساده واطبعي عليها صورته او اكتبي فيها نورت بيتك ولبسيها
انا اقول اشتري ناموسيه ومعها الديباج نفس اللون واشتري ورد مججف واثريه داخل الناموسيه وشغلي شموع حوليه الغرفه هذي بالنسبه لغرفه النوم اما الصاله حطي طاوله كبيره فيها كيم وبطاط وببسي وقلاسات مالات الفنادق الكشخه تلينها بسنتر بونت وروحي بوميه اخذي ورد ع لون القعده لبسيها ع القلاسات البسي جنز وفلي شعرج البسي بدي يكون اغراء بطنج طالع البسي وكعب عالي ومعاج ورد جوري بوكيه اول مايفك الباب انتي بوجهه واول مايدش بوسيه قولي الحمدلله ع السلامه يعني جنج مقابلته بالمطار ههههه
حبيبتي الرجال لما يجي من السفر اهم شي عنده بطنه والفراش انتي غيري شكلج يعني قصه شعرج وصبغيه وسوي تسريحه ناعمه يا استشوار ناعم او ويفي مموج وسوي نقش حنه على جسمج على شكل ورد او زخارف او نجوم على صدرج من فوق او فخوذج او ضهرج وبخري البيت مرتين عشان تثبت الريحه وطاولة الطعام زينيها بمفرش وشموع وصحون كشخه وقلاصات واطلبي عشا راقي من مطعم على حسب ذوووق زووج بالاكل وعبي الطاولة من كل لذ وطاب وغرفة النوم غيري الكفر واذا عندج عيال لبسيهم وكشخيهم
مرااااااحب يا الغاليه الله يرجعه لج بالسلامة شوفي يا عمري في البداية لازم تحطين لون مناسب لغرفتج بالنسبه للكفر فيه محل بالضجيج ورا مركز سلطان الجملة عنده كفرات عجيبه وفخمه ويفضل تاخذين لون مو حاطته من قبل عندج الفوشي أو الأحمر وطبعا تركبين معاه اكسسوارات للغرفه + أبجورات وشموع ورود مجففه انثري على التواليت مع الكمدينو وحطي فواحات وحطي فيهم رشه من عطرج أو خلطه تفضلينها وحطي بالونات فيهم غاز راح يصيرون بالسقف نفس لون الكفر خلي السقف متروس بالنسبه لج يا الحلوة جربي لوك مو مسويته من قبل مثلا صبغه مو مسويتها من قبل أو بوستيج مثل ما قالت وحده من الخوات وعندج القذلة عجيبه جربيها راح تغيرين حيل حيل هم تلقينها طبيعي بالمحلات المختصة وجربي ترشين على جسمج كريم سبريه برونزي وحطي لمعة قويه على كل الجسم والوجه وحطي عدسات يا رمادي يا أزرق وحطي تاتو على جسمج تلاقينه على لمعة فضي وذهبي وألوان اللي تحبينهم ولبسي نفنوف نعوم وطلبي عشا سبشل أتمنى أكون فدتج وتتهنين مقدما
