هلاا حبيبااتي :smile: عساااكم بخير و عافية :smile: اليوم أنا و ربيعاتي فالجامعة كنا نتناقش أي تخصص اندش و كذا وحدة مالجة قالت أنه ريلها ما بيسمحلها تشتغل عشان جذي بتختار تخصص سهل ما بياله شغل... بس في بناات عارضوا هالشي قالوا حلااته المرة تعتمد على نفسهااا أنتي شوو تفضليين؟ :smile: انه الزوجة تشتغل ولا اتكووون فالبيت تتفرغ حق بيتها و عياالها؟ :teeth_smile: أنا عن نفسي أحس حلوو ان الزووجة تطلب من زووجهاا تتدلع عليه ههههههههه يلا اتريا آراائكم و ردودكم الحلوة :smile:
أكيييييييييييييييييد افضل انها تشتغل لان احنا بمجتمع صار ثلاث ارباعه موظفات وشلون تحس المرأه بكيانها واهميتها واهي بس مجابله اليهال والطبخ؟؟؟؟
والله في ظل هالظروووف وهالغلاااء لاااااااااازم تشتغل بس انا عن نفسي مااشتغل لأن مالله كتب اخذ شهاادتي الثانويه وانا باسي قوي ماابي اشتغل اي شغله ففظلت اني اكوون ربه منزل رغماا عني
تسلمون عالردود انا لما أحط موضوع اكون متحمسة بعدين لما اشوف عدد الزورا و عدد الردود اتحبط :sad_smile: شكلي ما بحط مواضيع خلاص :sad_smile: مشكورين
طبعا انا داشه عرض عكس البنات مع احترامي لأرائهم انا افضل ربه المنزل اول شي عيالي عندي وانا مجابلتهم ولا احاتي الصبح وين اوديهم ولا الخدامه شتسوي فيهم والاهم من جذي الاجر والثواب عيل ليش قالوا لجنه تحت اقدام الامهات مو من فراغ وما تتقيدين بالنوم والطلعه والسهر والسفر مع زوجج اي وقت قال يالله رحتي وغير عوار الراس المؤل مو زين فلانه قالت فلانتانه سويت بالبيت ومرتاحه ودايره بالي على ريلي وعيالي هذا من وجه نظري واسفه على القرقه
كــــــــلام ام حيدر صحــيـــــــــح انا ضد عمـــــل المراءه اجل تبيني اربي واصرف والزوج شايل ايده من الكل لاوالله احس المراء مالها الا بيتها وعيالها والزوج هو اللي يصرف والله اعرف حريم كثااااااار هم اللي يصرفون على نفسهم وعلى بيتهم والزوج مدلع نفسه وشايل الهم من قلبه وغير الخيانات والسوالف اللي هابين فيها والسبب انها متوظفه وناسيته من كثر الامور اللي عندهاواللي بالها وهذا وجهة نضري ويسلموا على الموضوع النايس
هلا أختي . . . الموضوع رائع بصراحة . . . اهو من شقين : الشق الأولى تخصص الزوجة في المرحلة الجامعية . . . عن نفسي افضل التخصص المفيد علشان منفعة عقل المرأة + أجر تعلمها هالعلم . الشق الثاني من الموضوع وهو : بعد التخرج هل تشتغل المرأة بشهادتها ؟ إذا راتب الزوج قوي وقادر على توفير احتياجات الأسرة فالأولى أن المرأة تجلس وتباشر أهم استثمار لها وهم عيالها المرأة الناجحة تقاس بمدى نجاح عائلتها وأطفالها . . . أما ان تكون الوظيفة موضوع ولازم وعند وغصب اتوظف علشان احقق كياني وهالحجي اللي ماخوذ خيره ما أأيد هالشي . . . المرأة اللي تركت بيتها قاعدة تخسر أهم استثمار لها وهم عيالها بيد من لايرحم . . . معاكم إن الحياة صعبة والدنيا غالية لكن بحسب ظروف كل وحدة ومقدرة زوجها المالية تقرر تشتغل أول لا . . .
الصراحة انا اوافقكم الراي أم كانا و أم حيدر و أم عبدالله ,مع احترامي لآراء اخواتي اللي ردوا علي قبل ام عبدالله مشكوورة عالرد الحلوو اللي مافي تحيز لراي معين ^__^ المرأة تقدر تثبت نفسها و تحافظ على شخصيتها بدون شغل و مشكورين على مروركم ^^
