عمل طريقة المسك للمنطقة الحساسة

(((منقول ))

الي تقراء الموضوع وتستفيد ودي بس تدعيلي ولمرضى المسلمين ولصاحبة الموضوع
نبداء الموضوع
::: طريقة عمل المسك للمنطقة الحساسة مع BntZayed :::

السلام عليكم و رحمة الله و بركاتة

هذا الموضوع بعرضه كجزئ ثالث لموضوعي الاولي و الثاني اله يتكلم عن نظافه المنطقه الحساسه و استخدام المسك

الان ما شاء لله وااااااااايد بنات كانوا يسالوني على العام و الخاص عن الطريقة

و خصوصا بعد ما نزلت موضوعي الثاني

فقلت احط موضوع يديد عن كيفيه عمل المسك بالخطوات احس الاني جي الكل راح يستفيد ان شاء لله

و انا حابه افيدكم بها الموضوع...

و ما ابغي منكم غير دعوه من الخاطر ان الله يوفقي و يسر امري و يناولي الي في بالي ان شاء الله

نبدأ بخطوات عمل المسك :

بنات خلوا كل شي تستعملونه نظيف الان هالخلطه بنستخدمها لمنطقه حساسه في الجسم

و هذي الاغراض الطلوبه


مسك عبد الصمد القرشي
ماء ورد
ماء معدني
طاسه ذات غطاء محكم

اولا: سيري عند عبد الصمد القرشي وقوليله ابا مسك الحجر ((الحبه 10 دراهم<10 ريال)) ريحته جنان......

ثانيا: خذي نص قطعة المسك و لفيها بنايلون عشان النظافه و ما تتوصخ


اطحني نص حبه المسك بس مب اتخلينها بودره لا


جي لازم يكون شكلها




يعني فيها كسر



ثالثا: بعدين اني لماي الورد و الماي المعدني



((..انا استعمل مسافي))



و هذا مقدار كل واحد منه *ماي الورد و الماي المعدني *


و ايصير اتزيدين على حسب حجم الغرشه مب شرط تتقيدون بالكميات



وحطي المسك و الماي الورد و الماي المعدني مع بعض في طاسه قابله للقفل ((يعني ام غطاه))...........


وبعدين رجي الطاسه عدل لين ما تتخلط المحتويات((طبعا المسك ما راح يذوب))





رابعا: هذي انواع القطن الي نستخدمه



طبعا القطعه تكون نظيفه

القطن البيضاوي هذا بس اتغطينه عادي

و قطعه قطن الدائري هذي تجسفينها((يعني تطلع عندج نصف دائره))

مثل ما واضح في الصوره


وتغطسينها في الخلطه وتمسحين بها المنطقه من فوق لين تحت و الخلف بعد...

للمتزوجات لازم ادخلين القطنه داخل0 ... وراح اتشوفين انه في وصخ يطلع ((هذا دليل النظافه))
والبنات بس من برع.

((يجب مراعات النطافه التامه يا بنات ... يعني لا تغطسين القطنه اكثر من مره عشان ما تنتقل الجراثيم في العلبه))

وتستمرين بها الطريقه

بعد ما تخلصين من الدوره ولمده 3 ايام متتاليه

و اذا كنت حابه بعد الاستحمام و وقت الحاجه طبعا

وشوفي النظافه والريحه الحلوه ((حتى الريحه تعلق في ملابسج الداخليه))

و انسي شي اسمه التهابات او حساسيه و افرازات و روائح كريهه...

انا انصحكم بمسك عبد الصمد القرشي عشان هو الاصلي و يكون معقم ولاتستعملون شي ثاني

الان هذا النوع الوحيد الي انا جربته و ما اعرف عن الباجي

جربوا وادعولي....................... ...


اللهم أسألك بإسمك الكريم الأعظم .. الأعز الطيب بأن تفرج عني قريبا وعاجلا غير آجلا وتقضي حاجتي عاجلا غير آجلا . يا الله يا الله يا الله

اللهم فارج الهم كاشف الغم مجيب دعوة المضطرين اذا دعوك رحمان الدنيا والآخره ورحيمهما اللهم ايدني بفرج من عندك يارحيم واغنني بحلالك عن حرامك يارحيم

اللهم يسر أمري .... وفرج عنا برحمتك ياقريب يامجيب ... عاجلا غير آجل يارب العالمين


و اي سوأل انا حاضر من عيوني


اتمنى من كل بنت تبا تنقل الموضوع تذكر المصدر و تنقل الموضوع حرفيا و يا كل شي بدون حذف

الاني صدق تعبت عليه يعني حتى اسمي لا تحذفينه و هذا اهم شي


(((نقلته الموضوع لأنه مرررررررره عجبني ..وترى المسك مايضر ابدا بالعكس له فوائد كثير والرسول صلى الله
عليه وسلم وصى عليه))
منقووووووووووووووووووووووووووول

مشكووووووووووووووووووووووره على المعلومه ................

الف شكر لك ويعطيك الف الف عافيه ياربي​

مشكووووووووووووووووووورة على الوصفة حبيبتي

الله يعطيك العافيه وينولك الي في بالك ويحقق أمانيك يارب العالمين

مشكــوره حبيبتـي
لا نـنـحـرم أنـ شـاء اللـه

العفوو حبيباتي وماقصرتو ويسلمووو عالمرور

انزين انا حامل يصير استخدمه

مشكورة أختي

ماقصرتي

بنات هذا مش مسك طهارة هذا مسك معطر فقط وانتبهو يغشونكم المسك الاصلي اسود بس
وحريم استخدمو مكعبات المسك الابيض وجاهم التهابات وبلاوي انا حذرتكم وانا حطيت موضوع عن المسك الاصلي في قسم الطب والصحة

حبيبتي انا خبيرة اعشاب ولي مجال طويييل في دراسة الاعشاب والمسك الابيض نفس المسك الاسود لكن الفرق الريحة واللون لكن الفوائد نفس الشي مافيها اختلاف ولا تسبب الاتهابات اللي تعرضو لاتهابات اكيد انه مو الاصلي والرجاء التأكد قبل عرض المعلوم الخطأ لان لا يوجد فرق بينها فقط باللون والرائحة اما الفوائد نفس الشي

مشكوره حبيبتي
انا شريت مربع مسك من الحواي مكتوب عليه مسك جامد وعليه صورة مبخر ذهبي هذا يصير استخدمه ؟؟
والمسك الاسود وين احصله

تحصلين المسك الاصلي عند العطورات مثل القرشي ومثل العربية للعود وسيدجنيد والجزيرة وكذا محل للعطورات عندهم السائل والجامد بس انا انصح بالجامد

لاهنتي ,,,

مشكوره حبيبتي موضوع اكثر من رائع​

الله يعطيك العافيه وانشاء الله تزورينا في مكه قريب

شكراااااااااااااااااااااااا

يعطيج العافية الغالية وعساج عالقوة

الله يعطيك العافيه وينولك اللي في بالك

​

مشكور وما قصرتي يالغالية والله يحقق لك كل امانيك انشالله ويصلح لك امورك