بنات انا ما يتلي هالفكره الا لأني متوووهقه ،، الحين انا بالشهر السابع و لا سويييييييييييييت اي شييييييييي حق الاستقبال ،، كل هذا بسبب امتحاناتي ( لحد الحين بالجامعه =/ ) ،، فشرايكم كل وحده تقولنا شنو سوت من توزيعات حق استقبالها ،، أو راحت استقبال و عجبتها التوزيعات ،، وايد سمعت حجي ،، اللي تقولي الحين راحت سوالف الخبه بس ككاو مغلف و طعمه حلو كافي ،، واللي تقولي حطي بخور ،، اوكي شلون احطه ؟ ماعندي أي فكره كلش ،، ودي بشي غريب و حلوووو ،، اتمنى مساعدتكم =(
والله حبيبتي اذا تبين جاهز تلقين بكل مكان بس اذا تبين انتي تسوينه روحي قصر الهدايا واخذيلج العلب الصغار في اشكال والوان سواء بوكسات او علب واختاري اللون اللي تبينه وضيفي عليه الاكسسوارات اللي تيي على اشكال البيبي مثل الممية او المصاصه او مجسم بيبي صغير و ضيفي عليهم الشرايط طبعا هذا من برة العلبة ومن داخل طبعا تحطين كاكاو معاه ال****ز الجاهز تلقينه بكل مكان مغلف شفاف بشريطة وردية او زرقة وبالنسبة لإسم البيبي يا تكون بطاقة شفافة وتلصقينها على العلبة او بطاقة على لون العلبة وتربطينها بشريطه مع العلبة والله هاذي فكرة حبيت افيدج واشارك فيها
بس كاكاو مغلف عادي لا تسوين شي اكثر لانه التوزيعات كانت هبه والحين محد قام يسوي .. لانه بعض الاشياء اللي تتوزع تنقط بال**اله وحرام فلوسج تروح بال**اله روحي اي محل كاكاو يعجبج واهم يسوون لج علب عليها اسم المحل وداخله 3 كاكاوات مثلا ويغلفونه بعد انا شفت في الافنيو العلبه بدينار يسوونها وشكلها ذرب
انا توزيعاتي كانت حدها بسييييطة.. علبة صغيرة عليها فراشة واسم بنوتي على جناح الفراشة و على جوانب العلبة الحرف طبعا في نقشات بسييييطة واخترت اللونين فوشي بذهبي والعلبة لونها اوف وايت.. لو اعرف احط صور جان راويتج.. وحماتي سوت نفس فكرتي بس كتبت تحت العلبة شعر.. العلب سويتهم في مصنع 120 علبة ب25.. وداخل العلبة حطيت حبة كاكاو وغلفتها هم بسوالف بسيطة وفراشات صغار + حبتين بيض صعو وحدة كاكاو والثانية بيذان عليهم صورة بيبي والاسم.. بس حدددده كان شي بسيط وحلو وعلى قولة الخوات بالنهاية راح ينقط.. الله يسهل عليج ويقومج بالسلامة ويوفقج بدراستج..
افكاااركم واااااايد حلوة ،، عشان تستفيدون ،، انا سألت اختي بهبهانية قالت اسم المحل ( بس مو متأكده عدل ) vival ،، اختي طيوف المصنع وين و شلون طريقه التعامل معاهم ؟
اسم المطبعة (الجناح) شفتي الشارع المقابل حق مجمع المثنى في نظارات حسن يصير يمه مطعم وسرداب موجوده فيه المطبعة.. تروحين يكون عندج الشكل او التصميم اللي تبينه ويسويلج او قوليله عن الفكرة اللي في بالج.. اذا تبين تشوفين شكل علبتي كلميني على الخاص..
سوري غلطه مطبيعيه اسم المحل vital عنده علب صغيره تحطين فيها الكاكاو الي تبينه ويغلفه يعني ابتداء من دينار للعلبه .. على حسب الكاكاو اللي تختارينه وشفت عند قوديفا بعد علب بس هذا علبه اغلى على 5 دنانير .. بس كاكاوه عجييييييييب انا بروح اشوف غراوي لانه احب كاكاوهم وبشوف فوشوون بنت عمي سوت عند فوشون علب على شكل جنطه وداخلها كاكاو .. شكله حلو وبسيط اهم شي انه المحل يعبيلج ويغلف وانتي مرتاحه يعني مافيها حوسه ولا راح تتعبين بالتغليف والتزيين
- فناتق التوزيعات الغريبة والمميزة عند محل كو كيز بوكيه ببرج جاسم شغلاتهم وااااااااااايد حلوة عندهم الكاكاو حشواته شي مو طبيعي.. والكو كيز أشكال عجييييييبة شوفو الصور []
اي صح عندج بعد محل بياع الورد اللي بحولي اهوا مو محل مجمع صغير وبالزاوية في محل ورد اسمه بياع الورد وراح عليه هالاسم يكون بسطرت مجمع بيروت في شغلات حق هدايا بس خبري فيه من زمان الصراحة وناوية اروحله ان شالله واذا لقيت شغلات حلوة بعلمج
اي عدل بيااااع الورد وااايد اشياااء فيييه حلوة حق اللي تحب تفنتق ،، ممممممم في محل بمجمع سنام ،، يم المحاميد اللي بحولي ،، عجيييييييييب المحل مو ذاكره اسمه بس فييه توزيعات وايد حلوة
