السلام عليكم ورحمة الله وبركاته انا ماعرف شلون اعبر كل اللي صار فيني من الم وتجريح واحساس بالخوف والرهبه لانه من كثر الكلام اللي بقلبي مخي متخربط واحس انه بينفجر من كثر التفكير واحيانا اسال نفسي ليش اللي قاعد يصير وليش حظي مقصر معاي بكل شي من انولدت ليومي هذا والله يابنات لو اقولكم اكيدتقولون هذي تجذب او تفلم لكن هذا صج ويمكن تصير مع بنت مظلومه مثلي انا طفولتي معذبه من اخواني كانوا يعذبوني باشد التعذيب كانوا يطقوني وكنت مو مستانسه بطفولتي كنت حزينه لاني من العذاب اللي اشوفه وحتى من الطق صار فيني عقد نفسيه كثيره نتيجة الضرب القوي المهم هذا الشي استمر لين صار عمري 17 وبعدها حسيت انه فيني نقص حنان لانه امي وابوي ماكانوا يدافعون عني لمن تعرضت للضرب فصار عندي نقص بالحنان وكنت بهالعمر افكر اني اهاجر او انحاش بس مسكت نفسي لان اعرف عواقب اللي راح تصير اذا انحشت بس همن رجعت مره ثانيه فكرت بشي يمص الغضب والحزن اللي فيني ويعوضني كل الحنان اللي فقدته فكرت اني اكلم شباب واستدرجني الشيطان خطوه بخطوه لين صارت حياتي كلها شباب بس همن الشباب ماقصروا حطوا على همي هم ثاني ماستفدت منهم شي كلهم يبون مصالحهم وجذاب اللي يقولج احبج كلهم انانيين يبون مصالحهم وبعدها حسيت بالملل تركت الطريج اللي كله مشاكل وبعدها قاعده اشوف بنات من اخبث وانجس بنات شفتهم بحياتي متهنين بحياتهم وكل وحده متزوجه وعندها عيال وجنه الحياه للخبيثين بس قلت ماعليه الله وعد الصابرين بالخير وصبرت صبرت لكن كلما اصبراشوف واسمع سوالف تهز روحي وتعصر قلبي من الالم فلانه تزوجت وفلانه ملجت وربي مو حقد بس غصبن علي لان هالشي ابيه صير لي بعد ابي استقر وابي اكون ام يمكن احساس بالامومه ينسيني احزاني وانا الحين عمري 25 محد تقدملي رحت لشيخ قال انتي يا معيونه او مسحوره اهني انصدمت شلون يعني يامعيونه او مسحوره من العمي اللي يحسد حياتي اللي كلها الام حزن وعائله متشتته وكلها خلافات وبعدها فكرت اني انتحر بس مسكت نفسي وماعطيت الشيطان مجال رحت عالطول قريت القران وسلامتكم واسفه اذا طولت عليكم واو كدرتكم بسالفتي وبس
وعلى فكره انا اعاني من احبااااااااط لان همن امي وابوي معاملتهم معاي مو شي كانوا يحبطون فيني لدرجه انه امي مرات تعايرني جدام حريم اخواني تقط علي حجي يجرح وقوي وخواتي نفس الشي
الله يصبرج ويقوي قلبج يا رب ويفرج همج حبوبه استمري على الاستغفار وقراه القران وربي يفرجها ويرزقج بالزوج الصالح الي يقدرج ويفرحج ويعوضج عن كل شي فقدتي بحياتج
حياتي لا تعالجين الغلط بالغلط لا تخلين الضغوط النفسيه تجرج للطريج الغلط (فمن اعرض عن ذكري فله عيشة ضنكا) الجئي لربج الله سبحانه مع الصابرين (وصبرن جميل) كثري استغفار واقري وانشالله تنفتح لج من كل الابواب ولا تخلين الشيطان يسيطر عليج ويوسوسلج بالحرام الله ييعينج ويرزقج كل امنياتج
ليش ليش يالغاليه لا صدقيني انتي اكيد تحسبين الناس ماتعاني لا انا وربي متزوجه وام اعيال بس لو تسمعين مشاكلي تقولين مو معقوله من زوجي ومن اهلي ومن الناس وحاسديني الناس واسمع حجي مايدرون لاني صابره وكل يوم ابجي من الي اشوفه واسمعه بس لي الله وساكنه بيتي الجديد وماسلمت شوفي ياعمري انتي توج صغيره وخليج قويه اذا تبين الزواج تعرفي علي بنات واهتمي بنفسج بالضحكه والبس وشوفي خالطي الحريم بالمناسبات وصدقيني تفرج لاتعكس ضيقتج عليج وينفرون منج صحيح الدنيا تبي الذكي والي يخطط صح لاتستسلمين طيعيني فكري بعقلج وسايسي توصلين وادعيلي
الله يفرج همك انشاء الله اختي ويرزقك بابن الحلال الي يسترك ويسعدك انا اشوف انك تشوفين مشاكل غيرك تهون عليك مشكلتك في ناس ما عندهم لا ام ولا اب ولا اخوان وفي ناس مالهم عقل يفكرون فيه وفي وفي وفي يعني ادا بتفكرين في مشاكل غيرك بتلاقين مشكلة بسيطة حبيبتي والله يفرجها عليك نصيحتي زي ما قالوا البنات الاستغفار وقراءة سورة البقرة وحاولي تشغلي نفسك بشي عشان ما تفكرين بشي تاني وري لاخوانك وامك انك ايجابية وانك عايشة حايتك صح وراح يعيدون التفكير بلي يسونه فيكي
انا لو اقولج قصتي قلبج يعورج و الله الانسان يحمد ربه الف مره على حياته لانج لو تشوفين حاله غيرج بتهون عليج مصيبتج كافي انج عايشة بين امج و ابوج الله يخليهم لج انا الللى حسيته من كلامج ان ودج تتزوجين حطي اسمج عند خطابة ثقة و ان شاء الله تمشي امورج و اكثري من الدعاء و الاستغفار
في بداية كلامج تقولين تعرفتي على شباب تدورين الحنان اللي فقدتيه انتي عالجتي الغلط بالغلط وهذا موصحيح اسألي نفسج اهلج ليش يعاملونج هالمعامله اكيد فيه خلل فيج مومعقوله امج وابوج واخوانج مايحبونج منيه والدرب واصلا الاهل عمرهم ماكرهوا واحسن شي انج عرفتي غلطتج وعرفتي ان الشباب اهم شي يدورون مصلحتهم .اما موضوعج ليش محد تقدم لج للحين انصحج روحي مناسبات حريم اهلكم وعروس صديقاتج وان شاء الله وحده تنعجب فيج وتخطبج ولا تنسين صلاتج والدعاء اهم شي...
مشكورين عالرد بس بغيت اعلق على كلام الاخت بلاني زماني انا ماقلت امي وابوي يكرهوني اول شي انا اقصد امي بس تعايرني وهذا مو معناته كره ثاني شي اخواني من ابوي كانوا يكرهوني لانه تعرفين الحزازيات اللي تصير بين الاخوان من الابو
حبيبتي انتي ولايهمج والله لوتشوفين بلاوي غيرج تهون عليج بلوتج وكل بيت فيه مشاكل بس هم كل واحد وتفكيره شنو بالعكس لوتفكرين بايجابيه وتكون ثقتج بنفسج كبيره ماراح يهمج اذا احد عايرج وانشالله كل شي قسمه ونصيب ولاحقه عالزواج وحياتج راح تتغير دوام الحال من المحال ... هونيها وتهون ومن كلامج حسيت انج واعيه وفاهمه لانج اتعظتي من تجاربج مع الشباب وعرفتي تستفيدين من الغلط الحمدلله ... الله يوفقج انشالله ويسخرلج اهلج ويرزقج ولد الحلال اللي يعوضج
اختي ما عليج الا بالصبر وكثري من الاستغفار وقرأة القران وخلي ف بالك انهم لو يعاملوج جيه اكيد يحبونج مستحيل ما تهمهم مصلحتج وبعدين صدقيني الزواج قسمة ونصيب ياما بنات وصلن الثلاثين وبعدين تزوجن ع جمالهن وحلاوتهن ما تعلمين وبعدين يمكن الله يحبج وما يريدج تتعذبي اكثر يمكن الزوج بيكون اقسى عليج من اهلج وبيعذبج وبتعيشي معاناه اكبر من المعاناه الي تعيشيها الحين الخيرة في ما اختارة الله توكلي ع الله واشكريه الحمدلله ع كل شي
